Kyaw Kyaw:Thihnak kong ah’Statement an chuah mi ka lung tling kho hrimhrim lo an ti cang

Hmuhning

Kyaw Kyaw thihnak he pehtlaih in Sangau, YLA lei nih “statement” an von chuahmi ka rel i ka lungtlinlonak le ka thinhunnak a zual chin. A ruang cu, Pathian nih a ser i, nunnak a pek vemi pakhat, human Right/ Nuhrin Covo zong ngei ve loin, tipi kuang ah hremhnak fakpi a tuar hnu ah a nunnak a dih i, “lungtur zawtnak” tiah a hremtu nih ca an tarpiak i an phummmi cu, ngaichia tak a si ko.

hearth-attack in a thi tiah theihlo piin signboard an ttial.Ngaithiam hal chim lo, a lungtling lomi nan um ahcun post Mortem tuah kan ngamh an ti rih.YLA nih statement an chuahmi lila chungin sualphawt khawh an sinak a fiang tuk. Anmah ttialmi chungin a langmi cu

Bomb an puah le puahlo iphuang seh tiah an hrem. Mau pher in an tuk. “Interrogated” an tuah. Zeitluk fak indah an hrem/interrogate an tuah timi bel anmah nih an theih lai. An hremning a fak ko lai tiah ruah khawh a sinak cu, a nun-dam kong ah an lung a ttha lo caah, a umnak chungkhar cu va zoh dingin an fial hna. An hrem a fak deuh caah anmah lila zong an lung a ttha lo ti a fiang ko. Khuasik, a kih tak lio ah ti an pilter i, Nga an char ter. By force in ti an pilter tikah, cucu “hrem/tortured” a si.

YLA cu, non-profits organization, social service agency an si caah, minung pumpak cungah kutthlak, hrem, interrogated le tortured nak nawl a ngeimi Bu/organization an si lo. Indian justice system zong ah a um lai lo. Cucaah, Kyaw Kyaw hi anmah nih an hrem, interrogated/ tortured hnu ah a thimi a si tikah, mau pher an tuk ruang maw? Ti an pilter ruang ah a nunnak a liammi a si kho tiah lunghrinh cio/ suspect cio a si caah, MLA nih kan palh ti hna sehlaw lung a dam deuh ding cu a si. Asnain

kan palh an ti duh lo. Post mortem zong tuah lomi, a thihnak result zong aa fiang lomi, “heart-attack”tiah an ttialmi le a lungtlinglo nan um ahcun, “post mortem” tuah kan ngamh an timi ruat tikah, Post Mortem zong tuah hna sehlaw, Mizoram state Court tal ah hi kong hi zohfel dingin chungkhar le Pengtlang lei nih an tawlrel khawh ahcun a ttha tuk lai tiah ka ruah.Kyaw Kyaw hi Pathian nih a sermi minung pakhat a si ve bantuk in, Human Rights a ngei ve. Nihin ah aho theih lo, bawm chantu ngei loin, Tipi kuang ah hremhnak fakpi a tuar hnu ah a nunnak a liam tik ahhin, kei ka lung a ka suk ngaingai.Za Sang Cinzah.

Leave a Reply