Laimi nih:CNF hi kan mah nih ral kan doh tar hna awk a silo’A hlei in ramthum nak um mi i ralring kan hau.

Hmuhning

Miphun hawi hna CNF/A kan uh tanh hna nan uh tan ve cio hna kan ngei chun te an si kan mawh cio lo nan mawh cio lo.Asi nain thil pakhat te a um mi cu, Facebook Cung in ih pah bu le ei pah bu men in ram tang ah zeitik kan i kah lai zeitin kan um lai ti a ruat mi kan pa le u le kan nau le pawl duh poh in kan soisel mi hna hi cu a si deuh lo.

kan mah duh ning in maw ral cu an do lai i, ral cu an thawh lai an mah nih tha tein zeitin kan doh lai zeitin kan tuk lai ti mi timlamhnak cu an ngei ko lai thi sat lio lawng i, A Au khuang mi si lo in, a thil (meitil) a chuah tak tak tik ah kan mi phun ning in kan do dih i, kan tan tti a herh.

CNF/A nih tim mi an ngei ko cu ca’h cun, kan mah mipi cu ready tein um cio hna uh si. Atu Facebook chung i,a aukhuang mi hi ram chung mino an um tuk lo ram leng deuh lawng te an si.

cu ca’h mi a bawm chan tu le thazang pe tu kan si lo manh ah,mi a soisel tu le thazang tlung tar lo tu si hna hlah uh si kan zapi te kut sih in,ttuan ti dir ti can a cu cang .

Relchap khawh si:Tulio caan ahhin kan ram le kan vulei ah ka um ve ahcun CNA/CNF ah Training kai dingin ka kal ve hrimhrim lai or ka lut ve hrim ko lai. Aruangcu ka phannak ram i Min Aung Hlaing hruaimi Kawl Terrorist pawl nih kan miphun cungah an sual ning le an thil tuah mi ka vun hmu ve tikah ka lung afak tuk ve caah asi.

September 2007 West Yangon University ah B.sc ka kai lio Monk Le Students pawl nih kawlralkap uk duhlonak kan langter. Ram sining that lo ruangah India le ka zam ve. Kan hawilei cheukhat cu CAN/CNF ah lut an duh ve. Mah lio in azam mi chungin kan hawi le tete zong alut mi an um. Upatnak ka pek hna.

Mah lio Ramhninak le ramthumnak a phan cangmi kan miphun nih an chim mi cu Ramhruaitu pawl hi pathian thimhmi an asi ve ko. Cucaah an caah thlacam piak ve usih ti asi. Khuafakpi in an ka ruah ter kan Bible chungin David te Solomon te Moses te tuanbia khi theih ka duh ngai. Pathian riantu hi atha ka ti ve cucaah Bible sianginn kai ding ah kai thawh ve.

2011 ah( ATA Sianginn ah B.th) ka dih ve. Kan ram zong 2008 Phunghram ningin USDP nih 2011 in Democracy bantuk in a vun hruai ve cang. Kan ram atha cang lai cucah kan ram ah Business tampi tuah aher tiin Delhi University ah B.com kai hram kai thawh than. 2015 ah B.com ka dih I, Kawlram zongah NLD party nih Cozah a vun kai ve I kai nuam tuk cang. Midang ram ah um cu nan theih cio ko ahar tuk caah Laitlang ka tlung ve.

Democracy taktak hman kan hum rihlo nain kan ram tampi ai thlen kho cang. INGO le NGO tampi nih kan ram ah an vun lut ve cang caah rian atam tuan ding aum. Hakha Maries Stopes International zungah Finance Officer rian te ka tuan ve. Kan nu Master of Art kai ding asi caah Yangon ah ka kal I rian kai sok ve . GIZ ah Finance Assistant riant te ka ngah. Yangon cu nan theih bantuk in mifim tampi umnak asi caah International level in rian tuan asi cang. Kan Office ah Mirang or ramdang mi riantu 200 leng he rian tuan asi caah mifim nak aherh chinchin.

Cucaah rian ka tuan nak Germany ram ah sianginn kai than kai thimh nain an holh tlawmpal thiam ve ahau. Ka thiam lo caah Australia ah Diploma of Leadership le Management kai dingah Australia tu ka kal hi asi. Pathian thawngin nihin cu ka dih cang. Ai lawmtuk ding ka si ko nain kai lawm kho lo aruangcu hmaile kai rua channak lam le kan fa kan nau hna an I rua chan nak lam cu nihin Min Aung Hlaing hruai mi nih an kan khar piak cang caah asi. Cucaah cu lam cu aung than dingah CNA/CNF ah kan lut or kal I Training kai ve hrim ding asi ka ti nak hi asi.

Moni nihin kan caan asi, hmailei kan tar tikah kan lung duh ningin kan tuan kho ti lai lo. Naa ngai chit hlan ah na miphun le na ram caah tuan ve ko. Minung hi chan khat te lawng a nung mi kan asi. kan nung lio ah tuanbia tha tial kho I zuam hna usih.Chawche Bawi Za Kham

Leave a Reply