Laitlang ralkap mawtaw a rak kai mikong ah fiangter nak tuah a si cang hi

Hmuhning

Laitlang a rak kai mi raldohnak mawtaw Laitlang a rak kai mi raldohnak motor kha EE 9 Cascavel timi a si i Ke ruk wheel ngei mi a si. A khal tu driver commander le meithal kaptu tiin an i tthen i minung pathum nih an i cit khawh.

Hi ral mawtaw armoured vehicle hi kum 1970 lio ah Brazil nih a rak ser thok i Myanmar nih hin 2005 lio ah Israel sin in 150 a rak cawk. Aman ah US dollar 500,000 hrawng a si.

Meithal ai ken khawh mi hi 90mm Engesa EC-90 voi 44 kap le 2× 7.62mm machine guns voi 2,200–2,400 kap kho ai ken hna. A nih hi chiti voikhat thun mi nih 740 km 450 Miles chung lehlang in a kal kho. Tank a si lo i armoured car asiloah fighting vehicle timi a si.

Ral lo kap nihhin tlangcung mi dang kahnak ah a hman lengmang mi a si ko, hi bantuk ral mawtaw ken lo cun CNA le CDF lamnak kan Laitlang ah an kal ngam ti lo tinak a si bik ko.

Biapeh Hi ralthuam hi Israel nih a zuarh mi a si i, hi lawng hlat hriamnam dang tampi zong a zuarh hna. Cu lawng hlah Lungler khua kahnak i a hman mi China ser F-7 zong kha Israel ram ralthuam ser tu company lian bik mi Elbit System nih upgrade a tuah piak mi a si.Myanmar ral lo kap nih hin Muslim a huat tuk ve caah hin maw Israel nih hin a bawmh hnga Suimilam.

Leave a Reply