GEORGIA thimnak mee kongah ningcang loin thil tuahnak a um tiah Theepochtimes nih alanghter. Cu hnu ah Newsmax nih a vun langhter thanmi a um. Newsmax nih alanghter ningah cun, mee reltu hna cu mee nan relmi ngol ulaw, inn ah lawi dih dingin an ti hna.

Nain, cheukhat riantuantu hna cu hnu ah an um tiah ati. Attorney Jacki Pick nih state Senate ah fiang tein achimmi cu, mee reltu hna chungin minung 4 cu inn lei lawi a cutah hnufual bantuk in an I um ter. Cu hna minung 4 nih cun cabuai/table tangin suitcase an chuah. Mah cu cu plastic anakmi in tuam dihmi asi. Box chung ah hin mee ballots thong tamtuk a um lai zumh a si tiah a ti.

Mah kongkau hi secretary of state nih thil sining fiang a kan chimh te lai kan timi kan I ruahchih ko tiah Newsmax nih ati. A tu cu Donald Trump nih lunghrinhnak hmun poh cu Forensic audit tuah ding in a hal cang hna. Mee bawm ah minthutnak vialte cu forensic an tuah taktak ahcun lih le hrokhrol in tuahmi a um le umlo 100% a fiang dih cang lai.

Democrats nih Biden caah ningcang loin thil an tuah taktak ko ahcun mee reltu vialte siseh, mahbantuk in khuakhang laireltu vialte hna cu thongchung ah ih dih an hau te ko hnga. A dik lomi pakhat hmanh a um lo ahcun, President Trump zong lungthiang tein White House a chuahtak ve ko lai. Chuahtak ka duhlo a ti zongah a chuahtak hrim hrim ko lai.

Nai te ah Justice William Barr nih mee thlaknak kongah ningcang lo thil tuahmi kan hmu lo tiah achim tiin BBC, FoxNews, CNN,ABC tibantuk pawl nih biatak tein an langhter. A ngai ngai ahcun, DOJ nih mah kongah statement achuahmi ah khan, atu hi rian kan awt ka lawng asi rih tiah a ti.Daily Chinstar news