Mindat kong ah:Salai lairam thang a khuaruahar cang.

Hmuhning

Ralkap traning zong a tuah bal lomi, hriam zong a tlai bal lomi, Mindat mino hna nih kum 70 renglo, tlangcung mi a kan nawngtu, SAC ralhrang minung 15 an thah khawh cu khuaruahhar a si ko. Ralhrang motor 3 zong an khangh rih. Thazang pek le ttanpi phu an si.

Thawngdang:Daw Aung San Suu Kyi a dir ngai cang. Ralkap nih uknak an lak hnu ah an tlaih i inn chung thong ah an thlak mi Daw Aung San Suu Kyi cu a taksa a der ngai cang tiah a sihni nih media pawl sinah a chim.

Ralkap nih uknak an lak hnu ah Daw Aung San Suu Kyi cu pohpoh a phunphun in taza an cuai. Tazacuainak ah biaceih ding in a ni an khiat tawn nain Internet line a that lo ruang ah hei ti bantuk in an cancel lengmang than tawn.

Suu Kyi sihni a tuan piaktu nu nihcun a hlannak khan Suu Kyi a taksa a der ngai cang tiah media pawl sinah lungtha lo ngai in a chim.Suu Kyi hi a kum a upa cang i tar lei zong a si cang caah hin lungrethei tuk in a um lai. Zeidah kan ram ah thil a cang hnga tiin a khuaruahnak ah a thazang der pah he a nunnak a liam sual lai ti zong phan a um ngai cang.

President Win Myint le an nupi zong ah inn pakhat ah ralkap nih an erh khumh ko hna. Ralkap le palik nih a leng in tha tein an congh hna. Inn pawng kam hrawng ahcun President Win Myint le a nupi cu lam an leng tawn tiah a congtu palik a zammi pakhat nihcun a chim.

Vice President Henry Van Thio zong nihin tiang Kawl ralkap nih inn chung ah an hren ko rih hna. Zeitin an um zong a tu tiang theih an si rih lo.Henry Van Thio belte hi ralkap nih tazacuainak pohmah an tuah lo. A nih hi cu NLD cozah ah Vice President a si ruang ah le ralkap nih Vice President caah an thimmi a cohlan duh lo ruang ah an hren rih mi a si.

A tang lei relchap duh mi hna caah ka van chiah chih’Tu lio a linsa pengmi cu KIA le KIO, KNU Kachin ram le Karen ram hi a dai a dai kho lo. An pasal bak. Mipi zong noih tuar an ngamh tuk ve. An ralkap zong nih tei an mak ve. Nihin tiang cu Pathian nih a umpi hna i teinak an hmu lengmang. Cun Sakaitaing Kalay hrawngc u kan theih dih cio. Pasal bak an si. an ngamh tuk.

Cun Thlanglei Chinram Mindat zongah Mipi nihan doh ve bak ko. A bikin mino pawl an si. Kannih Hakha, Thantlang le Falam lei pawl bel hi minung pakhat an tlaih hmanh ah kan chut ngamlo. video lak le Live thlah zonga ngamh in ngamha si lo. Recordkan ngeih mi a um lo. Mino aw an zong zeihmanh a um ti lo. A dai dup ko. Ralkap nih kan tei cnag an an tilai dah.

Si khosehlaw kan Mino hna a um chunhmi tho ṭhan tuah u law nan aw ka tal zong cu vun langh tuah u. nan zam dih tak maw a si hnga, Pasal hna tho tuah u. Sandah cu nan piah theng lo hmanh ah Hakha ah thil an tuahmi an tuahlio record tete video in, hmanthlak in hmuh awk pakhat hmanh aum lo.

A thli teinlak cio u. Hihi an sinak kan tuasernak vawlei theih in phuan lengmang in cozah thar caah thazaang petua si lai. Teinak caah bawmtu taktak a si ve. Tu hi kanram ah Ralkap an lor thluahmah ko cang. Khuate lei tiang an kal ngam ko. Kan ralkap zpong nih cun zeiti hmanh cu ti ve hna hlah kaw, khuate zongah ralkap nih an ke hna in an kal huar ko.

Cucaah an kan tei hlah maw t hna hi ka ruat ngai. Atei cu an kan tei lai lo. Kan thinlung thawnter u sih. LAimi hi mi ralchia phun cu kan si lo. Kan pupa chan ah Mirang le Japan pawl hna cu dahkaw Lai meithal in an doh ko hna cu. Cu lio ahcun kednah hmanh an i hruk lo dahkaw. Bukedanh chinchin cu a har tuk rih. Tho ulaw Mino hna i hrim ṭhan tuah u.

Leave a Reply