Mother Teresa lungput a nei minu “Angelina Jolie”

Hmuhning

Mah chungkhar, mah fale hmanh tha tein a zoh kho lomi an tampi lioah mifa bak laak riangmang i tha te’n zohkhenh cu a fawi lai lo. sifak ngaktah a zoh hna i an nun a hmuh ah a thinlung nih a celh ti rumro lo caah dawtnak lak ah a sangbik mi dawtnak cu sifak ngaktah cungah a langhter ko. Angelina Jolie hi Hollywood actress lawng hmanh si loin UNHCR Vuleipi ralzam (refugee)hna caah rian a tuan mi a si.

A mah nih fale zong a neih ko bu ah, ziah mifa cu a cawm hna hnga tiah an rak ti. Mifa aa laak mi hna hi a zoh hna ah a thinlung a kuai tuk, zoh har an si, a zoh hna ah hiti ngaiin an nun ding cu a si kho hrimhrim lo tiah a ruah i Fa bak ah aa laak hna. Sifak ngaktah dawt le zohkhenh hi Pathian fial mi jesuh biacah bak a si tihi Angelina Jolie nih a rak fiang tuk caah a si ko lai dah!

Mah nih fa pahnihthum neih ko bu cun, a ho nih dah mifa cu Kan laak duh nemmam hnga. Fa ei tuar chung a sau lo hmanh ah Kan buai khawh ning, pasal le fa maw, nupi le fa maw, kumnga ruk hmanh khuasak tti Kan celh lo lio ah, fa ei hmanh si lomi a mah miphun hmanh a si lomi fa a ttangnem i a van pom mi ruah ahcun vulei NU vialte hmanh ah Upat tlak bik tiah chim a phu ko.

A mah fale he a laak mi a fale he cun an tam ngaingai nain, nusal tha nih cun temtuar nak le caan tawite vulei harnak tuar cu I thim riangmang in, duh a Nung lo mi mifa le bak cu a ttangnem ah pom in, felfai tein a zoh khenh ko hna, a tucu nuhmei dirhmun chinchap ah a dir nain bawhte a rak I lak mi pawl cu puitling hram an van I domh ve cang. A rian tampi lak ah mifa Rori nunchung caah a laak mi ruah lengmang ahcun Nusal Tha Ciammam tilo awk a tha lo.

Leave a Reply