Nangmah lawng:A thin lin mi nasi lo dai’CNF le ralkap hi ral thau sehlaw zeidah a chuak lai.

Hmuhning

Ram na dawt caah, ram kongah na zai i na cawlcang kan upat.Asinain, ka ka a awng pat tiin le catial ka thiam pat tiin au tuk in tial tuk hlah! Na hnuhmai i mer pah ve. Na fim ko cun ma ning a zak lai. Na nak in Ram a daw deuh mi le khua a ruat deuh mi le an nunnak hmanh pe siangin rian a tuan tu cu CNA/F kan pa le dawh an si ko cuh! Ralthawh timi hi Nikhat thilcang sawhsawh le voikhat thin linh sawhsawh ah tuah phun a si lo ti kha rak thei.

Atu ahhin CNF/A nih ka mipi an zai tuk ai tiah ral cu vun tho ciammam seh law, ttahchuak maw a si lai nihchuak dek khi a si lai. Hitluk i na rak i bochan ko ahcun a ziah tuan tein atu bantuk tein na rak bawmh hna lo ? Nikhat Raltuk ah phaisa zeizat dah a dih ti teh na tuak ve bal maw? Nikhat ah atlawm bik ting thing 2 an dih lai, zeizah dah na bawmh cang hna i kan vawmh cang hna ? Hngakchia zeihngal lo bang khan aulen ti hlah na hruh hmual nai phoh ning a fak chin lengmang.

Nikhat a ailoah Zarhkhat ah a dih lai i kan tei lai ti cu siseh law nangmah nih ram a buai na hngalh hlan ah CNA/F nih cun an tuk lai i nuam tein an in umter cang lai. Ral an thawh cang hnu ahcun, ka miphun fahnak pe hna hlah ti a ngah ti lo, ka hriamnam a dih i van ka hngak ta rih ti zing a ngah ti lo, kan ralkap an thih dih hlei ah zeitluk in dah mipi kan thih lai i na nupi le na far le (nu paohpaoh) nih zeitluk in dah an tuar lai…..? Zai ti hlah, au ti hlah, na hruh kan in theih dih cang. A hi ka ti hna lo, CNA/F kongah a au lengmang mi nangmah kha kan ti rak i kawih law na ningtel zak seh.Salai Biak Za

Leave a Reply