Ralhrang nih ramlak ah ai thup mi meithel in an kah hna caah minung tampi an thi

Hmuhning

Kani Ah Rallokap Nih Ramlak Tiang An Kah Hna Caah Khuami Minung 16 An Nunnak A Liam Sagiang ramthen Kani ah rallokap phu hna nih ramlak tiang an kah hna caah khuami Minung 16 an nunnak a liam tiah khuami sin in theih a si.

Kani peng Yinkhua ,Kungta khua hna in a tli zam mi mipi hna cu rallokap phu hna nih ramlak tiang kawl in an kah hna.” Nihin rallokap pawl ramlak in an chuah ah a thi mi ruak kan kawl ah minung ruak 16 kan hmuh ” tiah thah a tong mi chungkhar pakhat sin in theih a si.

Nihin July 12 ah ramlak ah hmuhmi a thi mi ruak hna cu hri temchih bu in an um i an ruak cu zoh awk a tha lo ngai tiah theih a si.Kani khua peng chung ah rallokap phu nih mi kawl in an um caah khuami hna an tlizaam , a tlizaam kho lo mi hna nu pawl sin in sui,ngun le manngei thil cu an chuh hna , an umnak inn tiang hrawh piak an tong tiah theih a si.

Thawngdang China hi cu ramdang caah buainak le hnahnawhnak chuahpi tu a si peng ko. Japan Deputy Prime Minister Taro Aso nih fiangtein a chim cang. China nih Taiwan a tuk ahcun a hnuah a tuk ding mi cu Japanese City of Okinawa a si lai caah, China tuk ding in Japan nih US kan bawmh lai tiin a chim

Mah bantuk in Japan Deputy Prime Minister nih US kan bawmh lai i China tuk a si lai tiah a chim ruangah China cu a thinhun a celh lo caah si lai, China nih lehnak a tuah cawlh.China nih a chim mi cu, Hi bantuk in Japan nih bia a chim ruangah amah le mah thlankhur a cawh mi bantuk a si tiin lehnak a tuah

China mouthpiece the Global Times nih Japan a vun phomh cawlh i,Japan hi China hmai ahcun zeihman chimtlak a si lo tiin a tial. Taiwan hi US support nak tel lo in in zeihman a si ve lo bantuk in Japan zong zeihman a si ve lai lo.

Japan nih mah bantuk in China a ngam ahcun, an mah le mah thlankhur a cawh bantuk an si lai tiin Japan a vun phomh ve Japan Prime Minister bia chim mi cu China nih a cohlan lo ngai i.A thinhun ngai caah, China foreign Ministry Spokesperson Zhao Lijian regular news Conference atuah nak ah a chim mi cu, aho hman nih China Sovereign hna hnawhnak a pek lai lo.

China cu Sovereignty kilven ding in kan thawngtuk tiin a chim. Japan Deputy prime minister Taro Aso nih The Global Times ca tial mi cu lehnak a vun tuah than i, China cu a duh le zai sawh sawh ko seh. Japan mipi nih kan ram hi sunglawi ngai in kan kilven peng mi a si.Kan ram kilveng ding in zeitik caan poah tim cia tein kan um peng tiin a leh than.

Thawngdang Ralhrang SAC hruaitu Min Aung Hlaing nih nai i SAC meeting ah Russia sin in covid sii nuai 2 man le China sin in covid sii nuai 5 man cawk a sinak kong a chim. Hi Russia le China sin in SAC nih an cawkmi covid sii cu nitlaklei ram (Europe) hna nih an cohlan lomi a si pinah hi sii an human ruangah Indonesia ram ah ngandamnak riantuantu minung 131 an thi tiah theih a si.

NLD cozah chan ah India sermi le vawleipi nih a cohlanmi covid sii AstraZeneca nuai 1.5 man an rak cawk. Asinine SAC nih cun vawleicung ram tampi nih an cohlan khawh rih lomi Russia le China sermi covid sii a cawk. Russia sermi Sputnik V (၀r) single-shot Sputnik Light vaccine cu anmah Russia ram hmanh ah an hman huaha lo ruangah kan cohlang lo tiah Europe chungtel Lithuania ram nih a thanh.

“Sputnik V hi a tha ngai ko. Asinine President Putin nih a ram mipi hna caah a hmang duh lo. Hi sii hna hi hriamnam pakhat bantukin vawleicung ah zuar a timhmi a si. Hihi minung caah a tha lo ngaimi a si” tiah Lithuania President nih March thla ah khan a rak chim bal.

Cun Europe ram hna, US, UK, Canada le a thangcho liomi ram tam deuh nih China sermi Sinovac le Russia sermi Sputnik V cu an cohlan lo lawng si loin hi sii a chunmi hna cu an ram chung luh an sianh hna lo. UN, WHO le ram tampi nih an cohlanmi covid sii cu Pfizer-BioNTech ၊ Moderna Inc., AstraZeneca le Johnson & Johnson hna an si.

Indonesia ram ah China sermi covid sii Sinovac kong thuk piin hlathlainak a tuahtu thiamsang Novilia Sjafri Bachtiar covid zawtnak in July 7 ah a thi tiin Reuter nih a tial. Cu lawng si loin Indonesia ram ah China sermi covid sii aa chunmi ngandamnak riantuantu minung 131 hna cu covid zawtnak in an thi tiah theih a s tiah Reuter nih a tial fawn the chin post.

Leave a Reply