Salai Lung Thli Tum:Mithi ruak char cawk hman a si tilai lo

Hmuhning

Bochan awk cozah kan ngei ti lo, oxygen te hmanh mah tein i cawk a hau, fawi tein cawk awk hmanh a um ti lo. A thi hnga lo ding tampi an thi cang. Atu ning in cun ruak char cawk lo dirhmun tiang hmanh phan te dawh kan si a chim mihi a diktuk mi a si caah ho poah nih ralring cio hna u sih.

Thawngdang Mindat Ah Ralzaam Mipi Thilri Laknak Nawl Ralhrang Nih An Phih Chin ramkulh,Mindat ah ralhrang rallokap hna le Mindat mipi uknak phu kar kahdaihnak tuah caan i a herhmi thilri hna cu khuanu khuapa phu hna nih zohfel in laknak nawl an pek hna i khuami ralzaam hna cu laknak nawl an pe hna lo tiah theih a si.

“Ralzaam hna caah thilri zalong te in lak a ngah lo,anmah khuanu khuapa phu lawng laknak nawl an pek hna,an nih tu cu ralhrang nih laknak nawl an pek hna,thilri hleihluat a um lo,annih nawl pek mi tu cu khuanu khuapa lawng laknak nawl a ngah dirhmun a si,cu hmanh ah ralhrang nih zohfel dih a si tiah” khuami pakhat nih a chim.Khua chungah thilman a kai tuk lawmmam,tuan i facang tunkhat ah 25000 a si mi kha atu ahcun 35000 an si cang,tangka chuah duh ah zatuak 15 zuh asi tiah khuami nih an chim.

“Tuan deuh lio boruak bantuk a si ti lo,atu ah ralthawh a si ahcun kan nih Chin miphun kan fak tuk lai,zeiruangah ti ahcun zinan cu ralhrang nih an tlaih caah kan nih sinah zeihmanh a um ti lo,Anmah lei in an herh zat an i rawn,Khuami hna khuachung alut kho mi cu cheukhat lawng an si,mino cu an um lo.Mino hna cu Gate ah biatak te’n zohfel an si tikah an kir lo tiah” khuami pakhat nih a chim the chin post.

Kahdaihnak tuah lio ah ralhrang rallokap le CDM Mindat kar lungtlin mi cu Mindat khuachung ah hriamnam tlai in ralhngak nak tuah lo ding,CDM cozah riantuan hna cu tlethkhonh in rianluh ter lo ding,Mipi tlerhkhonh lo ding,Thawngzamhnak ah thanhnak tuah lo ding,Choihthu-Matupi-Mindat lam cungah Cycle cu dirter in hnahnawhnak pek lo ding,thilri phor mawtaw hna cu chuah luh nak ah zohfel hnu ah kalnak nawl pek ding hna hi an si tiah mctvclubnewsedition nih a langhter.

Thawngdang Ralhrangbu Nih Mipi Sinah Nawlngaihnak A Pek Than Ahcun Ngandamnak Riantuan CDM Pawl Rian Kan Lut Dih Lai Atu hi Kawlram ah Covid Third Wave kan ton cuahmah lio pi a si. Ralhrangbu nih rampi nawlngaihnak a lak caah sii lei riantuanmi tampi CDM ah mi tampi an lut.

Atu lio kan boruah tonmi zoh ah ralhrangbu nih mipi sinah nawlngaihnak a pek than a si ahcun CDM a lut mi Sii lei riantuan vialte nih kan rian ah kan lut than lai tiah Sergeon Bo-kyi Min Maung Maung nih a chim.Sergeon pakhat a si ve mi Bo kyi Min Maung Maung hi No. 14 sii tat-yin siibawi pakhat a si i, ralhrangbu nih nawlngaihnak a lak hnuah spring revolution ah a lut ve mi a si.

Atu covid dirhmun zoh ah ralhrangbu le a tanhtu hna nih CDM a lut mi sii riantuan pawl sual an phawt mi hi zeitin hmanh cohlang awk a tha lo. Ralhrangbu nih nihin ah mipi sinah nawlngaihnak a pek ahcun thaizing ah rian ah kan lut than dih lai.

Atu siibawi pawl zoh ah Kawlram mipi nuai 56 he tahchun ahcun mi tlawmte kan si. CDM a lut mi mahtluk kan tam mi ruah ahcun zeitin hmanh ruah ah a si kho lo. Ralhrangbu nih uknak an lak caah mipi nih ngandamnak lei ah an tuar taktak. Atu Covid-19 third wave doh hi Kawlram ca ahcun thinphan a um ngaingai tiah a chim.

July 7 tiangah Kawlram ah Covid-19 zawtnak an hmuh mi 175923 an um. A thipi 3570 an si. July 7 nikhat chungah zawtnak hmuh mi 3570 an si i, minung 57 an thi tiin ralhrangbu ngandamnak lei riantuannak nih a thanh the chin post.

Leave a Reply