Thantlang mipi nih nan Pastor te Nan Sang Upa le Mino Upa hna an Telephone no theih khawh nai zuam lai a

Hmuhning

Ka dawtmi Thantlang Khuapi le Kadawt mi Thantlang Mipi sin ka siaherh Ka dawtmi Thantlang khuapi nangmah cu zeitik hmanh ah zaam tak kan in tim lo kan in tlaihchan mi le kan in Uang pi mi khuapi na si. A min a thangmi khua na si .Zoh a dawhmi khua le um a nuam mikhua na si. Na Chungah khua a sa mi Minung vialte , Inn le lo vialte nih nangmah cu kan in thuamh peng ko lai. Na Ngaihchia hrimhrim hlah. Na chungah kan umpeng ko lai . Na rak cawmcia na rak rak zoh khenh cia, Hnuk thlum na rak dinh cia Na fa le minung dihlak Vawlei kil li ah um mi nafa le dihlak nih Kan Biak Kan Pathian sin ah Thlaza kan in campiak peng ko .

Ka Dawt mi Thantlang Mipi hna A tulio kan khuachung ah kan ton mi kong ah Lung re thei tuk le Lungder in um hrimhrim hlah . Tih tuk fawn hlah . Lautuk hlah. Ni nikhat cu kan ton te lai tiah rak ruahcia mi a si ko ti tu in na lung rak i hnem . Nangmah le nangmah thazaang rak i pe.

Na pawng kam na inn pa ah a um mi Tar nu Tarpa, Zaangder deuh mi hna kha Thazaang pek khawh le Lungthawn nak an ngeih khawh nak hnga forhfial khawh i zuam Peng. Ttih nak, Lau nak lungder nak bia na chim hrimhrim lai lo. A hman lo mi thawngpang na chim hrim hrim lai lo Bia fiang na theih hnu lawng ah chim i zuam.

Thantlang Khuachung ah khuasa mi hna eiawk dinawk kan dong lai kan har lai tiah Lungre thei tuk in um hrim hrim hlah.Kan dih lak kan ngeih mi kan i hrawm hna lai. Kan dih kan dongh si le hmunkhat te ah kan dih tti lai. Kan dong tti lai. Keimah lawng, Kan mah chunglawng khim usih timi lungput kan ngei hrimhrim lai lo.

Thantlang khuachung ah kahdoh nak a um tik ah a si khawhchung inn lengchuah lo kan i zuam lai.Mui le zaan ah lengchuah lo kan i zuam lai. A herh tuk mi a um si cun thawngpang a daih hnu ah chuah ah a tha.kan khuachung ah kahdoh nak a um tikah a si khawh ah cun Ihkhun tang si lo le inn tang tiban tuk ah umkhawh colh kan i zuam hna lai

Inn chunngkhar kip nih a si khawhchung in Na Pastor te Nan Sang Upa le Mino Upa hna an Telephone theih khawh nai zuam lai a sikhawh ah cun By heart in theihkhawh i zuam. Kan pawngkam le kan mah nih Thil Pa khatkhat kan ton sual a si ahcun a ran nak in thawngtheih tercolh kan i zuam lai. Phone an tlaih lo sual a si ah cun SMS in na herh mi te kha kua hna. zei ca tiah a tu lio ah cun Phone number theih bal lo mi kha a tlai lo kho men mah caah Massage in kua ko.A tulio Kanram pi nih kan ton mi cu “Kan Pupa nih Dei lai Khuamui” an rak ti tawn mi Phungthluk bia kha a si a rauh hlan ah KHUA A DEI ko lai.

Leave a Reply