Theih lo ma a fak deuh, hngalh lo hme?

Hmuhning

Theih lo ma a fak deuh, hngalh lo hme?

NLD le Suh Kyi lawnglawng nih ram an ser siam khawh timi ruahnak hi san ka tlai lo, minung Ka si ve ko nain minung men men/sawhsawh Ka si ti bantuk ruahnak in in a chuah mi a si. Salm chungah ruahnak tlom nih cun mi bia an chim mi poah kha a hna a tlah pi hna e a ti. Chim duh mi hi theih mi le hngalh mi a ngei lo caah amen..amen /taduh, taduh/hohkek,  hohkek ti piak lengmang phungah aa cang cang ti nak a si.

Na chim mi le na ruahnak le Naa tinh mi pawl vialte hi mah zawnruahnak le dictator lawngte pei a si ko hih! Khoi Keimah ka covo, Khoika ah dah a um ne ti mi leh khawh nak thluak le tuah ran nak ngei lo nak nih miphun covo le right vialte Burmese typhoon thlichia pi nih an zuang pi dih cang ko e. Cucaah federal cozah(ranking Cozah) le self-determination Timi na theih lo le na hngalh fiang lo i NA Pemh ttung lo ahcun dai tein in le holh lo tein rak um ziar law a ttha deuh men lai. Suh Kyi le NLD an chuah hlan ah Chin miphun cu Pathian nih a cawm I a zoh khenh i zalong tein a chiah mi a rak si cang. Suh Kyi le NLD an um hlan ah Chin miphun cu miphun tling le covo he Pathian nih a rak ser cang mi a si. Burmese or Kawl pawl policy nih Chin miphun a tthancho ter lai lo i a sersiam fawn lai lo.
Kan Biaknak le kan nung phung le kan ca holh le kan vawlei hrawh nak le tlau nak policy LAWNGLAWNG an ser lai.
U Nuh nih Buddha Biaknak siseh tiah a rak chim cang. Cucu Nihin ni tiang babahthah ti zong in ca Chimh an an tuah I an peh nak a chan a si. Tlangcung kan ram cia cia ah duh tawh in pura an sak. Chin miphun Aho tal nawl an in hal bal hna maw?

Kan ram cia ah an duh mi thingkung an hau I an zuar. Zinan khor an cawk I an lak. Cu vialte cu Chin nu/pa sinah an hal bal maw? Cucaah u le nau hna CHIN MIPHUN KAN SINAK LE UKNAK PHUNG THEIH HUA HA LO HOLH VE LENGMANG HI RAK I SUM U LAW A TTHA. Ram chung um mi hi nan theih nak a tlom tuk. Tlangkai u, a Lang lomi thil tampi nan hmuh lai. Khual tlong u. Nan phak bal lonak hmun nan phan tikah nan lung a fim lai. Ca rel u, uknak kong nan I chap lai. Theih lo maw a fak deuh hngalh lo hme. Maw! Chin miphun unau vialte hna. Kan pa le nih federal le self determination kong an chim lengmang mi hi zeitik tiang ah hme nan I fiang khawh hnga.
Lungfim cang u sih. Miphun cu miphun nih a sersiam I a tthancho ter i a dam ter. Na Chungkhar zawtnak le Sifah nak kha Nangmah lawnglawng nih Na tuah khawh. Theih cang u sihlaw, Hngalh cang u sih. Credit: Joel Zaathang

Leave a Reply