Trump nih:Teinak a hmuh tiah’Fehter nak an tuah cang.

Hmuhning

November 3 ah tuahmi US President thimnak result cu Novembr 28 ah Ohio State nih fehternak a tuah. President Trump nih teinak a hmuhmi cu fehter asi.

Ohio State ah Electoral Vote hi 18 aum nak hmun asi. Popular Vote ah Trump nih 3,154,834 a hmuh i; Joe Biden nih 2,679,165 lawng a hmuh. President Trump nih 8.03 % in a tei tinak asi.US States dang cu fehter rih loin buainak aum lio asi.

Relchap ko:US president a ttuan cuahmah mi le a rum taktakmi Donald Trump hi a chim ahcun atuah zungzal tu asi. A biachim kan zoh asi ahcun tam deuh cu atuah idh cang. A tutan zongah amipi sin biakamhnak angeihciami coronavirus khamhnak sii picu a chim bang an tuah (ser) khawh cang. Pathian a ttha tuk hringhran, test result zong a ttha tuk ti asi. Cu caah cu sii cu mipi sin ah hram hram awt asi canglai tiah Trump nih a chim.

Vovid-19 sii picu aralaimi zerh a si lo le a thaizing zerh tel ah khin cun mipi sin ah sii aphan cang lai. A fawinak chim ahcun hman hram awt asi canglai. State dang le ramdang ah America ralkap sin Thanksgiving Day ah hi bia hi achim chih. Cun hi zawtnak sii hin tar deuh le zawtnak angeicia mi sinah biatak in kan hman aherh. Kan chun hna lai tiah Trumpnih cun a chim chap.

Thawngpaang ttha taktak akan thanh zungzal ko. Midang nih duhlo in soisel hna hmanh sehlaw a ngaithiam peng tu Trump asi. Minung fa asi nain vawlei thil sining ah a lungtthawng bik cu asilai. A chimmi le alungduh in thil atuahkhawh hlanlo pohcu ngol aa timlo tu asi fawn. Cu tikah tukum US election result zongah thawngpaang ttha te kan thanh hram teseh. Ref: PN Journal

Relchap ko ka tial cia a si:President Trump nih sunghkhan a duh rih lo. A nun chungah Biden nih a ka tei ti hi chim aa tim lo ti a fiang. President an i cuh tikah November 3 zan khin cun result a fiang cang.A sungmi nih a teitu kha phone an chonh i ka sung. Na ka tei caah kan lawmh pi. Kan hruai tiah a ti tawn. Asinain Trump le Biden zawn ahcun aa phun dang. Result zong November 3 zan ah a chuak kho lo; vote thlakning a hmaan lo tuk caah Trump zong sungh a khaang kho lo. Na ka tei ti zong a chim duh lo; conglawmh bia zong a chim duh lo. Sau ngai a rauh hnu state zeimawzat nih Biden tei in fehternak an vun tuah thluahmah cang ca le hruaitu thlennak le Inn Raang chuah le luhnak caan a naih chin lengmang cang caah mipi le ram zawnruah ah Trump nih a kianh.

Hitihin a tial: “Official tein nawlngaihnak thlennak tuah ding in ka riantuantu pawl cu Biden team sinah theihter ding in nawl ka pek cang hna” tiah Trump nih a tial.Sungh a khan a si hrim lo. Sungh cu a cohlang kho lo nain vote ning in kal a hauh cang caah caan karlak cu a lung a thumh bia tu khi a si. Asinain Trump a pehmi cu “thil hmaan taktak kan theih hlan cu kan doh lai i kan tei hrim lai” tiah a tial chih.

January 20 tiang ah Trump team leiin zeihmanh tuah khawhmi a um lo ahcun Biden cu US president a si cang lai. Inn Raang a chuah hnu zong in a legal team le a support tu hna bawm in an fight peng lai tiah ka zumh.Cun Congress i House le Senate zong hi Democrats nih majority tlaih dawh an si. Tuan deuh zong ah khan House cu Democrats majority an si i, atu zong an si than. Senate hi tu lio an dirhmun ahcun 50-48 an si.

Republican majority a si, nain Januar 5 ah Georgia ah senate thutnak pahnih cuhnak a um lai. Republican nih a pahnih in an tlaih i Democrats pahnih nih an cuh hna. D nih a pahnih in an lak ahcun 50-50 veve an si lai.An vote aa tluk poah ah VP Kamala Haris nih a hruai hna lai caah 50-51 in D hoih in vote a tlu lengmang lai. Cucaah atu hi Republican upa lungre a thei. Fak taktak in an i cuh lio si.

D lei nih tangka a tomtom in an vorh chin lengmang ti si. D hi inn pathum ning in hruaitu an si ahcun conservative pawl cu hngawng lengmang an si ko lai.Cun Biden zong hi ruahnak leng in a tha deuh kho men. Obama he in kan zoh ti lengmang tikah a thatnak hmuh khawh a rak si lo. Asinain riantuantu upa pawl a vun thimmi hna hi ruah ding tete an um.

Secretary of state a thimmi kha Jew mipa Antony Blinken a si. Tuan deuh ah khan Obama nih minak nu Susan Rice kha secretary of state caah a halpiak. A cohlanpiak lo. Cun khatlei in Congress nungak pawl a hleiin Palestinian nu Rashida Tlaib hna kha cu a zai tuk. Jew miphun a thimmi kha a lungtling lo tuk. Ruah awk a ummi cu Biden hi Obama a si lo ti hi a vun lang pah tiah ka ruah.

A fanu pasal hi Jew miphun a si fawn. Asinain Ivanka Trump khi cu a pasal zumhnak aa hrawm i, Biden fanu tu cu a pasal zumhnak aa hrawm lo. Israel ram caah cun a tha lai ka zumh.Biden a si ve caah Biden cozah a si cang lai i zoh awk cu a um len ve te kho men. Amah tu cu Trump he cun ram chung a siah ram leng a siah an policy an i lo lai lo. A hleiin ramleng kong

Leave a Reply