Trump:A lung a dong kho tilo’Keimah hrimhrim President ka si than awk tibak in a um cang.

Hmuhning

Ronald Trump a lung a dong bak lo. Result khupthal a lettu phungning lo mee a tam tuk a ti. A facebook cahmai ah tihin a ttial tthan. “Cacawn nihnih zan suimilam 8:00 pm hnu ah phungning lo mee tam tuk an cohlan. Cu nihcun Pennsylvania le a dang ramkulh hme te te ah result hi fawi tein a thlen dih. Mee rel lio zong phungning loin observer pawl an zohter duh hna lo. Hi zong nih hopaoh nih thimnak zan ah fawi tein a tei lai tiah an ruahmi Pennsylvania ramkulh telh in ramkulh tampi ah mee result a thlen dih.

Caan saupi chung hohmanh zohter an sianh hna lo. Cu caan chungah thil ttha lo a chuak. Phungning tein tuahmi fianghlangnak an sianh lo. Observer pawl nih mee relnak khaan chung hmuh kho hna hlah seh tiah innka le thlalangaung hna cardboard an khuh dih. Inn chungah thil ttha lo a chuak. Thlennak nganpi a chuak” tiah Trump nih facebook cahmai ah a ttial.Trump nih a sung pek a tim lo. A buai te ko lai hih. Thlacam tuah hna usih!

Relchap ko ka rak tial mi asi: Georgia State i vote pawl cu an rel than lai. Election a dih rih lo. Trump caah ruahchannak a pelte a um than. Georgia ah hin Electoral vote 16 a um ve. Atu tiang ah Vote 5,500 lawng rel ding aa duh cang caah le Trump le Biden an vote hi aa thlau tuk lo caah rel than hrimhrim a hau ti a si.

Tunai te khan Georgia’s Secretary of State a simi Brad Raffensperger nih thawng latu hna sin ah phuan. Georgia i vote thlakmi 5 million vote ah hin Trump le Biden nih 49.4% hrawng veve an hmuh. An i tluk tak tak. An vote hi aa hlat lo. Cucaah relthan dingin ti a si. Trump nih hin tutan vote rel ning kong ah complain a tuah mi an cohlan tinak a si.

Asinain Georgia i vote relthannak nih tutan President ding theih zokzok nak lam a dawn hlei lo. Biden nih Pennsylvania a tei cun a dih thiam thiam. Asinain Trum caah thawngpang tha bantuk a si

Relchap a duh mi caah:Hi ka i Joe Biden biachim cu aa dawh ngai. Joe Biden nih Wisconsin ah teinak a hmuh tlawmpal ah a mah tanhtu pawl sinah bia a chim. A chimmi bia cheukhat cu tihin a si. “Zan zeimawzat mee an rel hnu ah president tlin khawhnak mee 270 phak dingah state a zathawk ah teinak kan hmuh hi a fiang” tiah Joe Biden nih a chim.

American president thar a si cang lai tiah zumhmi Joe Biden nih American mipi sinah a chimmi bia cu tihin a si. “A kan zuamcawktu hna kan ral bantuk in kan zohmi hna hi kan ngol a herh. Ral kan si lo. American minung si dingah hmunkhat ah a pumhkhawmhtu hi a kan tthencheutu thil nakin a let in a tthawng deuh” tiah a chim.

Tutiang mee an rel ning ahcun Joe Biden nih electoral vote 264 a ngah i, Trump nih mee 214 a ngah. President tlinnak dingah electoral vote 270 a herh. Joe Biden caah mee 6 lawng aa duh. A tu hi an buai ko. Trump nih mee rel ngol dingin file a chiah. A tu zongah a facebook cahmai ah ‘stop the count’ tiah a ttial.

Relchap a duh mi caah:A thi cang mi min bakin Mail-Vote thlak mi tlaih asi! US 2020 election cu a buai bak cang ko khuaruahhar bak in a buai ko cang lai hih! Tutan an vun post mi hi vun zoh cio ulaw nan hmuh cio bangin a thi cang mi (Athi cang mi minlist bakah a um cangmi) nih Mail hmangin Vote a pek tiah ti si.

Wisconcin i Voter zat le vote tla cangmi aa kaih lo timi zong kha lunghrih ngai asi cang Buainak fak tuk in a chuak kho mi asi apoi bak ko. Fox News nih an vun langhter mi asi. Fox News hi zumhtlak ngai mi thawngzamh tu pakhat asi i tutan an vun langhter mi zong hi a dik bak ko lai timi hi a fiang ko.

Biden le a party pawl nih Mail thengtheng in vote ngah si ve ko seh an rak timi zong hi ruah awk tampi a um cang Trump nih a rak phan tuk mi kha a tak bakin a cang ko cang hih. Adonghnak result zei asi lai hohmanh nih theih khawh asi rih lo Biaceihnak zung an phan zau ko lai hi ti ning te hin cun. Ref: Fox News

Relchap ko na rel rilo cun:Tutan US president thimnak konghe pehtlaiin aliamcia June thla hramthok ah kan Chin or Mizo nu pakhat nih a chimning ahman ko asi ahcun buainak taktak a chuak te ko lai. US thimnak konghe pehtlaiin prophet T. Lal Hma Chuan (Mimi) nih a chimmi tutiang US thimnak konghe pehtlaiin a vun i khat ngaingai. Buainak thawngpang tete theih dingmi atam ngaingai.

Mimi nih aliamcia June thla hramthok ah khan Pathian nih thil sining aka chimh cang tiah a chim. Mimi nih a chimmi cu Pathian nih vawlei cung ramtthawng asimi US rawhnak kong a ka hmuhsak tiah a chim. US cu Pathian duhlo ning in an um tuk ruang or Pathian hnulei an chittuk ruangah Pathian cu athinhung tuk tiah a chim.

Apeh rihmi cu a ra laimi November US thimnak ah a um dingmi ah hin khuakhan lairelnak cu ai thleng lai i, US ram cu buainak in a khat chin lengmang lai tiah a chim. Hi thil hna cu vawleipi caah thlalang asi lai. Pathian ruangah cawisanmi ropui asimi hna zong Pathian hnu an chit ahcun tthumh le mualpho an si tthan ko timi hmuhsaknak le a hnubik Bible bia atlinnak ding asi tiah a chim. Credit: T. Lalhmachhuani @ Mimi

Tutan US President thimnak result cu theihcio bangin a vun buai ngaingai thawngpang tlamtling tein tutiang ah theih dingmi a um rih lo. News tampi ahcun Joe Biden nih atei cang ti asi. Asinain tthenkhat nih cun Trump nih atei cang an ti ve. Biden nih Trump atei taktak ahcun acunglei langhtermi prophet mimi chimmi hi adik hnga maw? zeitindah na ruah?

Thawngpangthar. US thimnak result konghe pehtlaiin Donald Trump zong a um kho tilo. Donald Trump cu chimlo kan theihcio bantukin Chinmi or Laimi hmanh kan um kho ti hrimhrim lo. Kanmah ram thimnak tluk in kan buaipi ngaingai hna. Aphu ve hrimhrim ko. US president ding cu vawlei pumpi nih an cuanh dih mi asi caah abiapi taktak mi le buaipi tlak taktak cu asi ve hrimhrim ko.

Tunaite ah Donald Trump cu cabia attial tawnnak Twitter nih dan an tat ruangmang ko cang. Theihcio bangin US president thimnak cu alinsa taktak khi asi ko. Tutan thimnak hi tthenkhat nih cun buainak tiang zong a chuak kho mi asi tiah an zumh. Thawngpang tthenkhat alengmi ahcun meithal he khuachungah a vak mi minung tampi an um cang ti asi.

US President thimnak ah atutiang dirhmun ah cun Donald Trump cu Joe Biden nih a vun tei ngaingai. Afawinak in chim ahcun Donald Trump caah ruahchannak lam hi atlawm ngaingai cang. Culawng siloin atuhi Donald Trump a dirkamhtu le Joe Biden a dirkamhtu hna karlak ah pakhat le pakhat i el hnialnak tete zong aum ngaingai cang ti asi.

Acunglei konghe pehtlaiin Donald Trump cu Twitter nih dantatnak an tuah. Dantatnak an tuahmi konghe pehtlaiin Twitter lei nih an timi cu a capost mi hi pakhat le pakhat karlak ah buainak a chuak khomi asi caah asi tiah an chim. Asinain zeibantuk cadah apost mi asi timi tu cu an langhter lem lo. Atutiang dirhmun ahcun state 41 chungah Biden nih avun tei ngaingai.

Atangmi state chungah hin Donald Trump nih a khumh kho lai maw timi hi asi. Asinain result hi zeitik ah dah a dih te lai timi an langhter kho rih lo. Caan zeimawzat zong arau te kho men tiah an chim. Tutan result thanhnak tuahmi a rauh khunnak cu Mail box in cakuat pawl kha atuhi an zoh kho rih lo ti asi. Hi konghe pehtlaiin result hi a zarh zong arau kho mi asi tiah an chim.

Leave a Reply