Zawtnak:Tih nung taktak mi’A thar in hmuh chuah a sithan tih a nung hrinhran.

Hmuhning

Covid-19 in a sem chinmi, Mutant Covid cu tuchun ah Colorado sate, Ebert County ah kan hmuh caah kan i ralrin taktak a herh tiah governor Jared Polis nih tu zanlei ah a chim. CDC zongah report kan tuah cang a ti. US ah mah zawtnak hi a hmasa bik an hmuhmi a si.

Covid-19 Variant B.1.1.7 timi rungrul hi UK ram ah naite ah an hmuhmi coronavirus a si. A karh a ran tuk caah tihnung ngaimi a si an ti. Covid-19 virus nak in ichonh a fawi chinchin ti a si. Mah zawtnak a ngeimi an hmuhmi pa hi kum 20 hrawng mno a si. Khual tlawngmi a si lo caah zeitindah an chonhning a si timi hi biatak tein an kherhhlai lio a si. UK sii lei thiammi hna nih an chimnak ahcun mah zawtnak hi atu lio Covid-19 khamhnak sii i chunh ahcun ikhamh khawh dawh a si ko” tiah an ti.UK ah mah virus hi an hmuh hmasa bikmi a si caah UK ram ah luh le chuah biatak tein an kham lio a si ve.

Relchap ko:Trump nih January ni 6 ah thil aithlengmi nan hmuh lai a ti cang. Trump caah cu January ni 6 cu thil liampi ai thleng ni a si cang lai.Trump caah cun sathaw taktak ei ni a si cang lai.Trump a dirpi tu le a tanh tu kan caah cun January ni 6 cu kan nih lawng a chuak ko cang lai. Trump did kamhtu an karh khawh ning cu khuaruah har taktak a si cang. Media pawl zong an dihlak tiawk in 10 chungah 7 cu Trump an dir kamh cang hna.

Mifim le milian le mithang tampi nih le Senators tampi nih an dirpi cang. Ai thuimi state pa 6 Chung in pa 5 cu Trump ta a si cang.Joe Biden cu nikhathmanh president a tuan manh lailo ka rak ti kha , nan hmuh taktak cang lai.
Caan nih a vun ratpi lio, kan hmaika a phan dengmang.

Thawngpang dang:Michigan State ah vote an rel tthan i, Trump nih a tei ttung? Zeitindah a si? tiah a ka halmi an um i, Khawika ah hme nan hmuh? Ka ti hna cu, Lai news ah an ttial ko an ka ti.Laica in news tialtu tete hi, a si khawh ahcun detail/tling tein ttial izuam ulaw a ttha tuk lai tiah ka ruah. Zeicatiah, a diklo ningin news /audience nih thawng an theihmi hi a ttha lo ngaimi a si.

Michigan ah Trump nih a tei tthan lo. A si nain “Antrim County” ah kut in vote an rel tthan i, election certified nih an thanhmi list pin ah Trump vote 12 a hmuh chap. Bidden nih vote 1 a sungh tthan. Cucaah, Tutan election ah “human error” palhnak a um tiah Antrim Country nih a fehter ti a si.

Antrim County, Michigan hi Republican ttthawnnak a si. Minung 15,949 nih vote an thlak i, cu chung ahcun Trump nih vote 9,749 a hmu i, Bidden nih vote 5,960 a hmuh ve. Election zan/night ahkhan vote an rel dih hlan ah unofficial in Bidden nih a tei tiah media nih an thanh. Nain Vote an rel dih hnu ah election lei ttuanvo ngeitu nih thate in certified an tuahmi ah Trump nih a tei ko. An rel tthanmi ah Trump nih vote 12 in tam deuh a hmuh chap i, cu kong cu Antrim County nih Trump nih a tei tiah fehter an tuah cu a si.A fawinak in chim ahcun, Antrim County hi, Michigan State ah Area/Peng pakhat te a si.Za sang cinzah

Relchap ko:US thimnak konghe pehtlaiin Elector hna nih vote an thlak hnu ah Joe Biden cu teinak ahmumi asi tiah an langhter. Teinak ahmuh hnu ah US President a voi 46nak asi dingmi Joe Biden cu biachimnak angei. A umnak hmun Delaware state, Wilington khuapi a inn pawngah Joe Biden cu minute 13 tluk biachimnak angei. Cu bia achimmi chungah abiapi mi pakhat cu atanglei bangin a si.

America thlarau ca tukdohnak ah Democracy nih teinak a hmuh cang i, Caan saupi chungin khan Democracy mefar cu a alh peng ko i, zawtnak tlangrai nih siseh, nawlngaihnak hmangin hmih khawh lo dingin fehternak tuah asi cang. Harsatnak tampi ko hmanhsehlaw mipi hna duhthimnak upat piak hi Democracy a chung muru cu asi ko.Catlap thar kau in hmailei panh hna usih tiah American mipi vialte kan sawm hna tiah a chim.

Tuzingka ah state kip ah teinak ahmumi party elector hna nih an party candidate caah vote thlaknak an tuah cang i, Elector hna nih vote an thlak mi hi secret ballot zongin tuah asi lo pin ah TV zongin LIVE an pek tiah an chim. Chimcia le theihcia bangin teinak hmuh dingah electoral vote 270 asi. Hi chungah Joe Biden nih vote 306 a hmuh.

Culio caan ah elector 232 hna nih Donald Trump an dirpi in an vote ve. Hi an vote mi hna hi Governor hna nih minthutnak an tuah hnu ah Washington ah kuat asi lai, a ralai mi January ni 5 ah khin vice president hna nih Joint session ah an rel tthan lai. Tutan thimnak hi aliamcia kum 2016 bantuk in thil akal lo i, elector hna hi zumhtlak lo an um lo ti asi.

Tutan thimnak ah Joe Biden nih Donald Trump atei bantuk hi aliamcia kum 2016 ah Donald Trump le Hillary ah ruahchannak nganpi a rak um ve i, Hilary caah Elector 5 le Trum caah elector pahnih zumhtlak loin an rak um ruangah adonghnak ahcun Donald Trump nih 304 arak hmuh i, Hilary nih 227 arak hmuh tiah an langhter chih.

Tutan elector hna vote thlak dingah pakhat le pakhat tukdohnak a umnak state hna cu ralring tein an umter hna ti asi. Arizona ah hin elector hna vote thlaknak ding hi ahlanken in thanhnak an tuah duh lo ti asi. Cun Michigan zongah Republican elector caan timi ah security hna cu an lawiter hna ti asi. Tutan thimnak kongah Trump lei zong tutiang an cohlang kho rih lo ti asi.

Leave a Reply