Thantlang in Hakha kal mi Chin Taung Tann motor cu Pu Thang Hrim Sia zuatnak hmun chak ah aa let. Minung 2 an nunnak a liam. Hliamhma a tuar mi an um tiah theih a si.The Hakha Times

Relchap ko:President tthutnak pek ding in timhlamhtu minung (6) ummi committe meeting ah Biden kha president tthutnak pek ding in Democrat lei nih an chuahpimi cu Republican lei minung (3) nih an duh lo caah Biden cu president ttuan dawh a si ti lo rua. Electoral College cio nih mee an pek dih hlan ah cucu thuah phung a si lo tiah Republican lei nih an ti.

Tuzarh Nilini (Kawl ram ca ah cun tuzan) thok in US Supreme Court nih Texas ti ho in pine (17) nih Pennsylvania, Michigan, Georgia le Wisconsin taza an cuaimi hna cu an ceih cang lai.Pine (4) le pine (17) taza an i cuainak ah hin aho te nih dah an tei te lai tiah nang na zumh?Rev. Biak Lian Vel

Relchap ko:A tutan US thimnak a buai kho tak tak khi a si ko. A tutiangah a ho dah teinak a hmuh i US president a ttuan lai timi fiang tein langhter a si rih lo. Media lian deuh pal nih cun President Trump an rem lo caah Joe Biden nih a tei tiah lanngter ton. A sinain President Trump nih lih le hrokhrolnak a si kan a dongnak ah cun kan tei hrim ko lai tiah a ti ve ko. President Trump hi US caah cun a tha bik mi zong a si i US mipi zawn a ruah cem mi zong a si ko tiah mitampi nih tuah a si.

Joe Biden hi zeiruangah dah US president caah an duh lo tiah a ruang cu, a chim ning in thil a tuah lo tar a si cang i philh a hmang tuk. A bik in an uar lonak cu minak pawl a tleihchan hna i minak nih an dirkamh tuk hi a si. A tu zongah a mah he riantuan ding in a thim mi hna hi minak an tam ngai. Nizan zongah US caah a biapi tak tak mi Pentagon Chief caah General Lloyd Austin a thim than cang.

General Lloyd Austin hi Iraq le Afghanistan ah ral a rak tu mi zong a si i kum 67 a si. A tu cu a rian in ai din cang. General Lloyd Austin hi a tuning in Pentagon Chief caah rian a tuan tak tak ah cun a voikhatnak minak nih Pentagon Chief ah rian a tuan hmasa mi a si lai tiah an ti.Biden President ah an duh lonak ruang

Relchap ko uh:Trump ca ah a fiang tukmi teinak lam: Texas pine hruainak in pine (17) nih Georgia, Pennsylvania, Michigan le Wisconsin pine hna cu taza an cuai hna. US Supreme Court ah hin fawitebai in phak khawh a si lo. Zaran tazacuainak cu peng biaceihnak zung in pine biaceinak zung, cun pine biaceihnak zung in US Supreme Court ti in a dotdot in kai a herh. Cucaah Trump sihne pawl zong US Supreme Court ah direct in phan khawh colh loin pine biaceih zung ah an hel peng nak a si.

Sihmanhsehlaw US Supreme Court ah direct in phak khawh colh nak lam pakhat a um. Cucu state pakhak khat i a bia ceihpiak a herh tikah a si. Cucaah Trump nih zokzok in teinak a hmuh colh khawh nakhnga Texas pine nih Georgia, Pennsylvania, Michigan le Wisconsin pine pawl taza a cuai hna. Hihi Trump lei nih cun an hngah pengmi a si. Hi pine (4) cu Trump lei nih an hmanhmi rap ah an i foih cang. Trump legal team i an bia an rak hnolpiak lengmangmi hi anmah le anmah rap ah an i foihnak ah a cang ai cang.

US Supreme Court nih Texas nih taza a cuinak cu a cohlan colh i Georgia, Pennsylvania, Michigan le Wisconsin pine hna kha mah le mah i kilvennak ca a ttialter hna i cucu tuzarh Nithumni zanlei sml. 3:30 hlan ah Supreme Court ah up ding in nawl a pek hna. An bia cu tu zarh Nilini ah US Supreme Court nih a ceih cang hna lai.

Hi Texas pine nih taza a cuainak hna hi theih a fawimite a si ko. Mee deu tbk, mee firmi tbk le mee relnak seh tbk zeihmanh aa tel lo. Sihmanhsehlaw hi taza a cuainak hna hi Democrat pawl nih an leh duh baklomi le an leh khawh bak lomi an si. Cu hna cu zeidah an si kan hun zok tti hna lai.

Relchap ko:Pu Donald Trump ziangruangah na duh lo ” tiin thu sutnak aum.. Salai Khaw Tin Ngiar hminthlengcun zamrang tuk in a sawn .. ” A ttihhrut tuk ” tiin tawi famkim ten a sawn.a ttihhrut nak cu ” tiin a sut lala ih ” Muslim .. ISIS tivek a ttih tuk ” ti asi. Muslim ISIS pawl cu American lawng kah an tum lo.. ram hmuahhmuah kah tum, an Pathian biak ter duh lo hmuahhmuah an that tum.. mah vialte American cu Christian ram thupibik ah a cang.. a lian .. leitlun hoha tu an si ruangah an kap neknek tum .. kan kah tum mi cu Leitlunpi asi ih American ram a tla le ram tampi tla ding an hmu ..

A ttih hrut tuk ka ti nak cu Security lampang ttha ten tuah sawn ding asi. ” American Mirang mi ” thupi ah a ret ih ISIS pawl langter in a miphun a ttang ciamco.. Mirang lo hmuahhmuah American lut lo ding khal a tuah.. Minak Africa suah pawl khal a nautak ih an that. ISIS ttih hicu a poi bik.. ISIS a ttih taktak le Security tthatak tuah sawn seh.. Miphun thleidan ciamco a tul lo..

Cun, Kharih fa sinak a uaraw tuk.. Kharih fava langter tuk.. American President hmuahhmuah Kharih fa an si.. Pu Donald Trump kharih fa a si ih a langce .. Amah Pu Donald Trump hicu Zumtu taktak asi lo tiin ka hmu.. Fala dang a tthua phahphah le theih asi.. an Innsang ah buainak tampi an nei .. Nulepa rorah a nau le a pe paih lo an ti si:. a nau le pawl in tazaa am cuai tum.. President sinak ihsin a tlak ahcun tazaacuai ding a tam tuk.. .. Cun , a Company khal tazaacuai asi ding.

Tazaacuai a ttih runagah preisdent sinak ihsin a cawlh paih lo nak… Curuangah ” Only My Life matter ” an ti kha.. ” Jesuh hmin ka ttongtam le mipi in in dinpi ding ti a thei.. American Christian Extreme tampi an um.. ( Chin mi pawl hman Jesuh hmin a ttong ih an duh ciamco men.. Chin mi khal ah Christian Extreme tampi an um tinak asi. ). Donald Trump le Kawlram Ralkap USDP thawn an ki bang… Biaknak le miphun an ttong tam veve .. Democracy ramkhel ah Biaknak le Miphun tivek ttong dan a si lo.. ramkhel ah biaknak le Miphun a tel lo.. ” Pu Khaw Tin Ngiar in a rel:

Netabik ahcun ..” American President tuan dingah Zangah saw Chinmi pawl kan buaipi ciamco ” tiin i sut sal .. ” ka thei ve lo maw .. Leitlunpi cu American kutsung ah a um ruangah si ko ” tiin ka sawn ih .. ” Pu Donald Trump a ttih hrut tuk ruangah ka nau, ka Uu , ka Pate , ka Nute pawl India le Malaysia ah riah ding nei loin an hlo .. .. Trump tla hramseh .. ” tiin netabik ah a ttong..
Source : Pu Khaw Tin Ngiar ( hminthleng )