2020 Myanmar ram thimnak ah Daw Aung San Suu Kyi le Presidet Win Myit zuamnak ah an tel lai. NLD chairman a si mi Daw Aung San Suu Kyi le President a si mi, U Win Myit cu 2020 Myanmar ram thimnak ah an i zuam ve lai tiah chimphuannak nawl ngeitu Vice President Dr. Zaw Myit Maung nih July thla 22 ah a chim.

Kum 2020 Myanmar ram thimnak ah NLD Party in thimnak ah a tel ding minung hna cu July thla 23 ah thawngthanh an si. Myanmar ram ruahnak petu Daw Aung San Suu Kyi cu 2015 a rak i zuamnak hmunhma in aa zuam tthan lai tiah theih a si. 2020 thimnak ah NLD nih tlamtling tein zuamnak ah kan i tel lai tiah mipi sinah ttuanvo ngeitu nih an langhter.

Hi thimnak ah mipi nih duh mi minung deuh an thim hna caah tutan 2020 thimnak ah teinak kan hmuh hrimhrim lai tiah an zumhnak zong an langhter. Teinak kan hmuh khawhnak lam tampi a um mi lakah Ralkap a do khotu le a teitu ding cu kanmah kan si. Teinak zong kan hmuh tthan ko lai tiah NLD Party meeting dih hnu ah chimphuannak nawl ngeitu Dr. Zaw Myit Maung nih BBC ah a chim.

Relchih>>>>>India ram ruahpi a sur Peng ca ah tilian ruang ah minung 86 leng an nunnak a liam. India ram nichuah tlanglei tilian ruang ah minung 86 leng an nunnak a liam tiah theih a si. India ram nichuah tlanglei tilian ruang ah inn le lo chuahtak in minung 1000 leng an zaam cang. Atu bantuk in India ram ruahsur le tilian cu May thla in a rak i thawk cang mi a si tiah theih an si.

India ram tilian ruang ah hartong minung Sing 75 leng an si tiah nawlngeitu nih an chim. India ram cu COVID-19 zawtnak hrik nakin Tilian ruang ah harsatnak a tong mi a let 2 in an tam deuh theih an si. Cucaah tukum khuacaan Sining a tthat lo caah India rammi tampi caah harsatnak a chuahpi.

Pawcawmnak lawng siloin a dangdang fimcawnnak le ngandamnak tiang pehtlai in mipi harsatnak an tong hna. A bik in India nichuah tlanglei ah atu bantuk in harsatnak an ton hi a si. India ram cu July 21 tiang ah COVID-19 zawtnak hrik a ngei mi minung Sing 11 leng an si i, minung 28000 leng an si tiah BBC nih a ttial. India ram cu Vawlei cung COVID-19 zawtnak hrik a ngei hna lakah tambik a ngeimi 4 nak ah a tel cang.