21 Panglong Conference Ah AA Hriamtlai Phu An Sawm Hna Lai Lo, A Dang Hriamtlai Phu An Sawm Ning Hna Zong Lung Aa Nuam Lo Ngai

Myanmar News

21 Panglong Conference Ah AA Hriamtlai Phu An Sawm Hna Lai Lo, A Dang Hriamtlai Phu An Sawm Ning Hna Zong Lung Aa Nuam Lo Ngai
============================

Tu thla chungah tuah hnga dingmi Pyidaungsuh kahdaihnak 21 Panglong conference meeting cu NCA min a thut rih lomi hriamtlai phu cu cozah lei nih sawm ding ah lungtlinnak an ngeih ko nain atu lawlawse kahdonak atuah cuahmahmi AA hriamtlai phu cu an itel lai lo, tiah Ko Moe Zaw nih a chim. 21 Panglong conference avoi 4nak ton pumhnak ah NCA minthut rih lomi hriamtlai phu sawm dih ding ah NCA minthu cangmi tlangcung hriamtlai phu nih an nawlmi hna cu cozah lei nih an lungtlin ko nain AA Hriamtlai phu an cohlan hna lo, tiah theih a si.

Hriamtlai phu 7 sawmnak kong he pehtlai in State Counsellor Ministry zung Director U Zaw Htet nih atu bantukin a chimmi cu, NCA minthut rih lomi hriamtlai phu 7 sawm an si lai. Cun, phungning he a pehtlai in sawm dingmi ri a um. Sawm lomi hriamtlai phu zong an um ko lai. NCA minthut rih lomi hriamtlai phu hi phu 7 kan sawm hna lai. NCA minthut cangmi hna zong hruaitu minung 2 cio lawng sawm an si lai i, min a thut rih lomi hriamtlai phu zong hruaitu minung 2 cio lawng sawm an si ve lai. Hruaitu minung 2 chung ah aiawhtu kaiter zong a ngah lai lo. Sawmmi minung lawng kai khawh a si lai.

NCA min a thut rih lomi sawm dingmi hna cu; United Wa State Army, Mengla hriamtlai, SSPP, KIA, Myanmar National Democratic Alliance Army, Ta’ang National Liberation Army le Karenni Army 21 Panglong conference kai ding ah sawm a si lai i, May 13 ni ah ralhrang tapung tiah min pek mi AA hriamtlai phu cu sawm an si lai lo tiah theih a si. Cun, AA he hawikom tha a simi MNDAA le TNLA phu cu 21 panglong conference ah kan kai ko lai tiah an chim. Asinain, AA hriamtlai phu an sawm hna lo ahcun kan kai lai lo, tiah PSLF/TNLA phu biachimhnak nawlngeitu Bohmun pakhat nih a chim. MNDAA, TNLA le AA hriamtlai phu 3 hna le Kachin hriamtlai phu hna cu cozah he Bilateral kong an ceih cuahmah lio mi an si hna. Northern Alliance hna cu, Arakan Army (AA), the Kachin Independence Army (KIA), the Myanmar National Democratic Alliance Army (MNDAA) and the Ta’ang National Liberation Army (TNLA) an si i, anmah phu 4 an kai duh lo ahcun 21 Panglong Conference sullam a ngei sual lai lo, an mah hriamtlai phu pawl hi a dang in chawnh peng an hau rih lai tiah, ramkhel lei thiamsang pawl nih an chim.

Leave a Reply