A Poi Ko Ralhrang Bomb Nih Mindat Mipi Pa2 A Thah Cang Hna Kahdoh Nak A Fak Thlacam Bawm U Si

Myanmar News

SAC Ralhrang nih Mindat Khaute Pahnih Bomb an Thlak, Khuami 2 Nunnak Liam.Nihin July 2, zinglei sml.11:00 hrawng ah SAC ralhrang nih Fighter vanlawng pahnih in Mindat khuate pahnih bomb in an thlak, tiah Mindat peng uknak lei bu nih thawngpang an chuah.

SAC vanlawng bomb ruang ah khuami pahnih an nunnak a liam i hliamhma a pumi zong an tampi, tiah an langhter chap. Khuachung ah a ummi sianginn le biakinn i sel in bomb an thlak hi a si, tiah Mindat peng uknak lei bu thawngthanhnak ah an langhter The chin Journel.

Thawngdang I Zukphiar Nun A Ngeih Mi Hna Nih Ral An Kan Sungh Ter Te Lai.A buin rianṭuan tikah le a buin Raldoh tikah I zukphiar a hmang mi hna kan um. Cucu Minung kan zia kan ti lai dah? Pumpak le thazang in aa zukphir mi an um bang thluak in zukphiar ahmang mi kan um rih. Kan Zatlang nun le pumpak lungput he aa seh chih mi asi ve. Japan ah a bu in rian an ṭuan I an hlawhtling bak. American ah a buin rian an ṭuan ve tikah eibar achuak ve lo. Japan mi bu pi lungput an ngei kan ti lai. American cu selfish timi pumpak zawn lawng aa ruat mi an si. A buin rianṭuan tikah aa zukphiar mi an um mi hi vawlei phung le minung phung kan ti salam ko lai maw? Raldoh setsai lomi CDF phu le minung hi an bia a sang I a tam khun tawn. Social Media ah atu le tu a kai mi CDF le Interview ah tam tuk alangh mi CDF PDF le hruaitu hna khi Raldoh ngai ngai mi an si men lai lo.

YDF khi Gangaw velchum PDF tluk in ral an doh lo. PDF dang nih tuah mi zong an mah tuah mi asi tiah Social media ah thlah an hmang caah, a ṭhawn bik phun in kan ruah hna. Motor le facang, Datsi, Diesel le tlawr thing an tlaih mi a tam tuk cang. Gangaw mipi le a velchum nih an remh ti hna lo. Social Media in Raldoh mi an tamtuk tiah an zai len. YDF an Ralbawi pakhat cu Sipuazi tama asi. Amin kha Win Kyaw Thu or Kyaw Tu Win ti asi rua. Motor a ngeih I Driver zong asi. India lei hriamnam zalh tu ah an hmang. India ah an cawk mi hriamnam le bomh hna cu YDF, PDF le Piosawṭhi he a zuar hna. Amiak tampi in alak hna. Amah hi North Khayan Khuami asi. North Khayan cu an zapi tein Piosawṭhi khua an si. North Khayan, Kaan khua le a velchum khua 9 hi an ning tein Piosawṭhi an si.

PDF dang nih YDF Ralbawi na dik ahcun Nan Khua North Khayan tah nan tuk hmasat an ti hna I an ngamh bak lo. YDF le Piosawṭhi phu hnih sin in phaisa a hmuh ve ve. YDF upa hi a mah bantuk lawng te an si dih hna. Sipuazi le Dohthlennak an cawh I, PDF le Piosawṭhi he an komh ve ve hna. A nih hi CHINRAM lei le India lei a tlawn pah ah Zophei ah maw, Lautu ah maw? Mara ah dek Nuchun pakhat aa ngeih chap an ti (Khua ka cing ti lo). Gangaw Kalay in minung an rat tikah cohlan sawh sawh ding an si ti lai lo. Biatak tein check hnu le kherhhlai hnu ah an dik ko, an fel ko, PDF an si bak ko, PDF bawmhtu an si hrim ko ti hnu lawng ah cohlan ding asi lai. YDF, PDF le an Ralbawi si buin, North Khayan pa bang Sipuazi, Dalaan, SPY tiang in Phaisa hmuhnak poah poah kap 2-3 in a tuah dih mi kawl mi an tam tuk cang ti hi hngalh cio hna usih. Kheng chung rawl le saa kan purh ṭi mi nih lehrawi asi tawn timi phungthluk bia kha philh cio hlah usih. Jesuh lehrawi tu le zuar tu cu azulh tu Judah Iscariot asi kha mu.

Thluak in I zukphiar nak: Cunglei ah kan langhter mi YDF Ralbawipa ziaza cu thluak bak in I zukphiar phunkhat asi. Mah thluak hmang duh loin, Midang an tuah ning in tuah ve hmang pawl. Midang Harnak an tawn poah ah anmah tein Harnak an tawn ve colh. Dalaan 5 hrawng an cawm hna. Comments ah adik tiah an Saya pa nih ati ah an ti dih ve. Mipi laklawh in an tuah hna. Dalaan rual nih a capar tampi in an share. A share mi poah laksawng le phaisa an pek tawn hna. CDF le an upa le ṭhat lo nak le an cham bau nak social media ah aphuang lengmang tu pa te he an I lawh ngai ngai. An saya a tuah mi aa palh ko zong ah a hman an ti ngam lo nain a palh an ti ngam fawn lo. Ralhrang doh lem ve loin social media in minthang le phaisa hmuh an I zuam.

Ca ṭial thiam Mg Hla Myo timi pa cu hi Bantukin a cauk tampi a zuar khawh. Dawr ah a ap cia mi a cauk kha amah lila nih a cawk I, a ṭha tuk caah asi tiah mipi cu a chimh ter hna. Cuticun Mg Hla Myo cauk a ṭha tuk tiah an cawk cio caah a rau hlan ah a rum phah. Mipi tam pi nih an ti, ti te hna; Phungphai le dundan nih ati ti te hna; a phung asi ko ti te hna; Cu cauk ah cuticun a ti, ti te hna; Minthang Sayaci nih a ṭial mi asi ti te hna; Mi roling bia asi ti te hna; Cu Phungki pe nih ati, tbk vialte hi thluak in I zukphiar phun khat bak asi ko.
Asi khawh maw si khawh lo; harsat nak a um maw um lo; a ṭhat hnemh nak aum maw um lo; tbk tiang in fakpi in khua tuak cikcek hnu ah tuah mi asi ve caah an thabat lo ti awk cu asi ve hnga lo. Nek ding le thlang lamh ding zong asi fawn lo.

Thluak in I zukphiar nak a hram thawk kan zoh tikah: Cu bantuk thil sining cu ka hngalh bak mi asi; ca pa cu ka Hawikom le ka theihhngalh mi asi; cu phu cu ka si bal; Mi roling pa hnu ka zulh bal; a lungthin ka hngalh; a policy ka hngalh; cu phun cu Keimah phun an si;

Cu CDF cu kanmah Pengtlang asi; tbk hna ah hram a bunh mi asi. Thluak in I zukphiar ruang ah MDF le CDF Mara an buai; CDF Zotung le Supreme an buai; CDF Hakha kuttang Senthang le CDF Senthang an buai; A ho dah na buai rih te hnga. CJDC le ZZLMS an buai; CDF Mindat – MDF – CDF Senthang Alliance an tuah; AA sin ah tindan an kai ve ve: Buaibai nak a hram kan zoh tikah; CDF Ralbawi hna le ralkap hna in aa thawk ballo. Ramchung ram leng um, mi fimthiam hna thluak ṭhat tuk ruang ah le thluak tli tuk ruang ah asi tawn ko. CJDC biachah cia mi bangin zulh loin mah duh ning um salam ti te hna; CJDC biachah ning in si khawh loding in Politician hna nih intervention tuah hei ti hna khi thluak zukphiar asi.

Ral teinak asi lo Ral sungh nak tu asi caah Raldoh loin I ngawl ko uhlaw a ṭha deuh lai. Chin mi cu Japan bang a buin rian ṭuan kan thiam lo I, American bang a pak in rian ṭuan kan thiam ve lo. Kanmah lawng in asi khawh ding mi phun in kan um I kan bia a bo. Mah tein ti ah le ral tei khawh ding ah zumh tlak kan si fawn lo. Mi laklawh le mi khawlal kan tam lawng hi a miak asi ko. Ral tei awk ah thluak a chuak mi le ngeihchia a chuak mi kan um Bantukin, zeihmanh chuak lem loin, credit le popular lawng duh in, Ramdang kuat cia phaisa fir in rum aa timh mi kan tam tuk mi hi Chin virus kan si nak cu asi. Thluak in I zukphiar bak asi ko.

Kala tampi lak ah Kawl pa asiloah CHIN pa nih bu aa ṭhen ah cun: a hnu kan zulh colh. Adik le dik lo, ṭhat hnemh nak a ngei maw ngeih lo; CHIN mi pumkhat sinak a hnursuan maw hnursuan lo, tbk pakhat hmanh / pelte hmanh kan tuak ti lo. Cucaah nihin tiang CHIN MI kan dam lonak cu asi. Mah he aa nainiam lo mi minung le bu nih an tuah mi kha an hnu zulh in kan tuah bal theng lo dakaw. MAH le Ralhrang poah thluk awk ah; Federal Democracy hmuhco awk ah; Chim mi pumkhat si awk ah: tbk in positive lei le ruahnak Cheuhnak lei in thluak chuak cu Pasal rian asi. Cubantuk thluak chuak nak lei cu: na zia ṭhingh hlah. Na mit chinh hlah. Na thathu fawn hlah. Kan I nainiam ko tiah daithlang hlah. Ruahnak cheuh zungzal ko hna. CHINRAM damnak asi. Chin mi le CNA / CDF / CDF pumkhat si khawh lo ding ah; thazang derh nak caah; an cham bau nak lawng hmuh in an thazang ṭhawnnak hmuh ballo; soisel le thangchait rumro in I lak tbk hna hi cu ram hrawk tu nan si. Mi nauta zong nan si. Zawng zer le zemlo zer ti cu mah bantuk hi asi.

Tulio nak in fakpi deuh in CHIN ram ah raldohnak aum te lai. Cu can kan phak tikah; CDF pakhat khat cu ruah lo pi in, na inn ah siseh, na innpa ah siseh, put tiah hung lut sehlaw, zeitindah na um hnga? Ni khat khat ah hi bantuk kan tawn lai ti cu 80% asi. Tulio Dohthlennak he kaa pehtlai lo ati tu hna sin zong ah a rak phan ding mi Dohthlennak rian asi te lai. Cucu na caah a niam bik mi level Dohthlennak nan tuah khawh mi asi ve hnga.

Cu CDF pa ruang ah Ralhrang nih nan chung tein tlaih ding si sehlaw, kei ka hngalh lo. Third Party ka si tiah maw Hakha Pastorte cheukhat Bantukin na ti ve hnga. ICJ lio ah Vumtumaung Certual ah thlacam tu pa Rev. Dr pa leh bang kha cu SAC minung asi chel, Third Party asi chel ti asi. Chimh ahcun amah lawng hi CHIN Politician bik bik rual bantuk in. Fihnung Pastorte bak nan si ko dakaw. Hi zong hi thluak in I zukphiar asi te lai. Mipi bawmhnak le chanchuah nak cu CDF nih an herh tuk can a phan te lai. Zinan le mei inn rawnh cia in timcia tein le ralrin tein um zungzal usih law; kan taisawm rek usih law; kan biartung let cang usih, Nai Chai lo chin pasal tiah au buin stand by si zungzal usih Zingtin Cuai Cinzah.