Breaking News:SAC ralhrang nih thawngpang thar an thanh than cang hi.

Myanmar News

Yangon sii chiahnak 19 cu phukip fonh nih checkhlatnak an tuah tiah ralhrang nih a thanh Yangon sii chiahnak hmun (ေဆးဂိုေဒါင္) 19 cu phukip fonh nih checkhlat nak an tuah tiah nawlngeihnak la tu ralhrang phu nih a thanh.

August 11 ni ah sii chiahnak ေဆးဂိုေဒါင္ 24 cu checkhlatnak in an phih hnu ah, August 12 zongah checkhlatnak an tuah tiah theih a si.Ni tin zuar le cawknak a don khan lo nak ding ah, sii zuarnak hmun le phohte pek nak dawr hna cu check lo in, a dangten chiahnak hmun sii chiahnam(ေဆးဂိုေဒါင္) hna cu checkhlatnak an tuah tiah a langhter.

Checkhlatnak an tuah nak sii chiahnak hmun chung in, sii man kaiter ding ah ruahchih in sii khong mi hna,cawknak le zuarnak cazin a langhter kho lo mi hna, khon mi a tam caah sii man cawhdek in timh ciammam ten sii khong mi an um caah phung ning tein hmalak nak tuah a si lai tiah a chim.

Tuahkel ten a zuar tawn mi sii chiahnak hmun hna cu minthut ter an si lai i, tuahkel ten a zuar tawn mi company hna cu zei ti hmanh in tuah an si lai lo tiah a cathanh mi ah a langhter.

Checkhlat nak tuah lio ah thilzuar nak hmun ah kuat le chiah an duh a si ah cun an thilri le chiah nak ding hmunhma cu cinken in zalong ten kuatnak nawl pek an si tiah an langhter chih.

Cu bantuk checkhlat nak an tuah hnu ah mipi hna sin in hman a tam mi sii-ai hna cu thei hngal te in a man a tum tiah an langhter chih.Checkhlat tu hhna cu peng ukzung,Palek,hlathlaitu,eidin zohthlainak,peng sipin he fonh im veng uktu hna le sii chiahnak ngeitu hna hmai ah checkhlat a si tiah an langhter the chin post.

Thawngdang CDM alut cang mi saya/ma te an tam pi ko cang i atu hnu hna i CDM luh hi cu bawmchan tu le zohkhenhtu caah rianhar men asi. CDM min si lo in aa phuak mi cu i phuak ko hna seh law tha deuh. CDM alut cia cang mi hna hmanh thathi in kan zohkhenh khawh hna lo si kaw, atu hnu i CDM lut mi cu zumh ding zong asi loh.

Atu hnu CDM lut mi Ka lunghrin mi Ralkap nih lahkhah an pek khawh lo ruang lungdongh in CDM lut mi an si kho. Cucu mipi dawt ruang asi lo.Civil war tih ruang ah luatnak fangfang in CDM lut mi an si kho. Cucu mipi dawt ruang si loin mah nunnak ca lawng ruuat mi asi thiam thiam.

Ralkap caah spy a tuan mi asi kho. Tuan tein mipi, CRPH le NUG nih anemnak in nawl le sawm len zong i CDM lut lo i atu ceo i CDM ka lut atimi cu spy tuan duh ah asi kho Lairam laipa.

Thawngdang Myanmar Nawlngeihnak La UN Nih Cohlan Khawh A Si Lo UN chungtel hna nih nawlngeihnak la Myanmar ralhrang cu phungning in cohlan khawh phung a si lo tiah Ms. Schraner Burgener nih a chim than.

July 16 ah ralhrang bawibik chang Soe Wine he caan sau nawn bia i ruah hnu ah atu bantukin a chim than hi a si.Soe Wine he bia i ruah caan an Covid runvennak kong ah ngandamnak riantuan i tel ding in ruahnak a pek nain tuah ding le tuah lo dnig bia a let lo.

Nawlngeihnak la ralhrang nih innhngak cozah ti’n min an thlen ralhrang lubik nih a mah le mah vuancichoh a pek bantukin ralhrang nih nawlngeihnak hi thlah a timh lo caah UN nih cohlan khawh ding a si lo tiah Ms. Schraner Burgener nih a chim.

Myanmar aiawh palai a si mi U Kyaw Moe Tun cu atu tiang mipi nih thimmi a si i,rampi ruahnak petu Daw Aung San Suu Kyi le President Wine Myint hna cu Myanmar mipi nih phungning in thimmi hruaitu an si tiah Ms. Schraner Burgener nih NY UN ah tuahmi Online thawng fianhnak ah a chim hi a si the chin post.

Leave a Reply