Breaking News:Thantlang ah thawngpang chiatuk thei a si hoi e

Myanmar News

Thantlang Ah Nihin Covid Zawtnak Checkmi minung 65 Chungah Minung 15 Sinin Zawtnak Hmuh A Si Nihin July 15 ah Thantlang khua a voihranak Covid zawtnak checknak minung 65 chungah minung 15 sin in Covid zawtnak hmuh a si tiah Covid 19 Emergency Response Committee Thantlang phu rianngei pakhat sin in theih a si.

Thantlang khuachung ah Covid zawtnak check mi minung 320 hrawng an si i, zawtnak hmuh mi hi minung 91 an si. Covid Ruangah Nunnak a liam mi minung 2 an si, a dam than mi hi minung 36 an si cang tiah theih a si the chin post.

Thawngdang Myanmar Ram arianranak in Bawmh ding in UN Palai nih Hal Myanmar ram arianrannak in kan zuan hnawh lo ahcun ttih a nungmi sunghzatlaknak le thihlohnak thlichia kan tong lai,” tiah UN palai Thomas Andrew nih ralrin peknak bia a chim.The Chin Journal July 15, YangonRamkhel buaibainak lak ah COVID-19 zawtnak fak tuk in a tuarmi Myanmar ram hi vawleicung ram kip arianrannak in kan zuan hnawh a herh, tiah Myanmar ramchung nuhrin covo kong ah UN palai a simi Thomas Andrew nih halnak le forhfialnak a tuah.

Myanmar ram ah tuksum in COVID-19 zawtnak a karh, ngandamnak system a tlu flawn, SAC he aa pehtlaimi rianttuannak vialte Myanmar mipi nih an zum ti fawn lo, tiah Thomas Andrew nih a chim.Myanmar ram nih khulrang in lakhruak bawmhnak a hmuh colh lo a si ahcun sunghzatlaknak le thihlohnak thlichia pi a tho ko lai,” tiah a chim chap.

Minung pakhat nih a tinco awk a simi ngandamnak lei zohkhenhnak nawl cu Myanmar mipi nih an ramchung ah an tingco kho ti lo. Cucaah, vawleicung ram hna nih kan zuan hnawh a herh, tiah pehzul in a chim.Myanmar ramchung COVID-19 zawtnak khenkham awk ah SAC nih thilti khawhnak a ngei lo. Mipi zong nih an zumh hna lo caah atu ning in thil a kal ahcun minung tam tuk an nunnak a liam lai,” tiah a chim.

Cucaah, SAC le ramkhel party pawl he pehtlaihnak a ngei lomi COVID-19 runvennak sii chunhnak program Myanmar ram ah tuah khawh a si nakhnga tawlrel colh a hau, tiah a chim chap.Atulio ah Myanmar cu Asean chung ah COVID-19 zawtnak a karhtertu bik ram pakhat ah aa chuah cang. Cucaah, Myanmar innpa ram hna, NGO hna le vawleicung bu kip i bawm in arianrannak in ttuanhma kan lak zokzok a hau, tiah forhfialnak a tuah chin morning star.

Leave a Reply