Hakha CDF Nih Ralhrang Pawl An Kah Duh Lo Nak Hna Phuan Dih A Si Cang

Myanmar News

Kai lawm mino tampi an nunnak nan khamh khawh Hakha CDF hi khua tuak kho upa lungfim nih an hruai hna. Kalay in a rami ralkap an thazaang a chah tuk hrial rih awk asi timi fiang tein an theih caah Hakha ram chung ah an hrial hna.

Saya Tluang Lian Matar nih cun Pathian kan lei ah a tang ti lo hi teh khuachia fate biaphun a tling ne ai a ti lai i tuhi a tap len lai nain kei nih cun ‘Pathian nih kan mino hruaitu lungthin ah chiatha thleidan khawhnak ding fimnak a pek hna tiah ka ruah.Hrial chung retreat hi surrender a si bak lo raltha bik Napoleon hmanh nih Russia ralkap a hrial bal ve ko hna. Hruaitu nih cun raltuk hlan ah tei ding le tei lo ding tuaktan in biachah phung a si.

Cheukhat nih cun Hakha CDF ralchiat an in puh men hna lai nain kei nih cun kan tihzah bak hna a puitlingmi nan biachahnak ka uar taktak. Mino nunnak tampi nan khamh khawh tiah ka ruah. Tuhnu zong ah hmaitonh raltuk hrial in guerrilla warfare deuh hi kalpi hram ko u keimah nak nan thei deuh fawn ko lai Salai Lung Thli Tum.

Thawngdang ral do lio ah Falam, Halkha Senthang peng le Zophei peng tiang an rak lak dih nakin Lautu ram an lak kho lo nak araung Hlan Caan kan pupa hna nih Tibet ram le Chinwin nelrawn lonh in AD 1400 hrawngah kan lautu ram tiang an rak kai mi kha miphun dang nih ukmi si an rak duh lo caah asi. Cucaah kan lautu ram ah kum zabu 4 le 5 tiang zalon tein khua an rak sak kho kha asi. Mah tein khuakhang lairel cu arak that zia kha an rak I fiang tuk ve.

Cucaah mirang nih 1895 le 96 Chinram an rak kan do lio ahkahn Lautu ram tiang zong an rak phan ve. Kan pupa hna nih fakpi in an rak doh ve caah an rak lak khawh lo Lautu ram cu. Kan pupa Lautu miphun hna nih mirang miphun ral kan do ti mi lungput he lungrual tein an rak do ve caah asi. Aruang cu miphun pakhat kan asi ti mi lungthin he an rak doh caah asi. Lautu hi peng tlang kan si lo ti mi an rak I fiang. Miphun ral kan do ti asi. Mirang nih Chinram cu a doh peng tikah Chinram tam deuh cu an lak cang Falam Halkha Senthang peng le Zophei peng tiang mirang nih an lak dih. Lautu ram zong lak an I timh ve nakin an rak lak kho lo cucaah mirang nih rak kan rem u tiah an ti peng. Lautu kan pupa hna nih an ram duh lo caah mirang cu an doh peng rih. Mirang ral bawi tampi Surngen ram ah an thi cucaah Surngen ram ah Thawng Cem pa ral bawi kah nak le Ral bawi lu tang nak ti mi hmunhma zong nihin ni tiangah min aum.

Hihi Pu Khar Dun nih aruah peng tikah miphun ral kan doh ti mi lungput he ral kan do caah asi ti kha afiang. Pu Khar Dun cu mifim asi caah hmailei ral kan do rih lai ti atheih caah Luatu miphun vialte cu a khawh hna i roling bia a vui hna.Lautu miphun cu unau kan si dih Cucaah chaklei thlaklei kan ral pa an ra tikah unau vialte atu bantuk in hmailei zong ral kan do tii hna lai cucaah thi ah thi tii nun ah nun tii” tiin ral kan do hna lai ati. Hi biakam tling ter nak ding caah biakam nak pakhat kan tuah hna lai ati. An lung atling dih caah Sia Tum kha an thanh I Sia thin in biakam nak cu arak tuah. Cucu Lautu miphun nih Pu Khar Dun rolin bia kan ti.

Mirang he kan I doh nak cu kum 3 le 4 arau hnu ah Mirang nih Lautu ram cu ralkap thazang tampi he do ding ah an ra cang ti kha thawngpa an theih. Kan thazang aa khat lo caah Pu Khar Dun le Pu Thawng Lin nih Zophei ramri ah mirang ral cu an va khamh hna I kan irem hna lai Lautu ram ah rak lut hla u an ti hna. Mirang cu mifim an si ve caah thisen chuah lo remnak tuah kha an duh mi asi ve caah an lung tling ve. Pu Khar Dun cungah an lung aa lawm tuk, Pu Khar Dun cu mifim paraltha asi caah mirang nih an upat ngaingai ve. Rem dainak na kan tuah caah tiin rem dianak hmehchunnak caah tiin Pu Khar Dun cu Laksawng ah Nguntangka tampi an rak pek. Cucu Pu Ni Kung athi lio ah Pu Ni Kung thlam ah rak vui chit asi.

Mirang an rem hnu ah Japan nih 1942 le 45 tiang ral an tho than caah Lautu miphun vialte nih Japan ral cu 1942-45 tiang miphun ral kan do tiin lungrual tein kan rak do than. Pu Khar Dun biakamh bantukin thi ah thi tii nun ah nun tii tiin. Cucaah Japan nih zong an rak kan lak kho ve lo hihi miphun ral kan do ti mi lungput he lungrual tein ral kan rak do caah asi lai.kan khua le kan ram kan chuah tak bal lo. kan ral tu kha kan khua le kan ram ah an rak lut khaw lo nak dingin kan rak tuah.

Nihin ni 2021 SAS Myit Aung Hliang rallokah kan do lio mi zong hi miphun ral kan do ve ti mi lungput he ral kan do ve caah Lautu miphun nih Lautu ram hi kan veng kho hrimhrim lai.kan khua le kan ram kan chuah tak bal lo. kan ral tu kha kan khua le kan ram ah an rak lut khaw lo nak dingin kan rak tuah. Cucaah ram chung ram leng aum mi Lautu miphun vialte nih kan ti khawhnak cio in thazang kan chuah peng hna usih. Kan ram le kan miphun caah Voikhat thazang kan chuah mi nih aza lai lo. kan theih hlan tiang thazang kan chuah ri ahau lai chawche.

Leave a Reply