Innlo chuahtak in a zaammi hna facang tuan DMO PDF nih an bawmh hna

Myanmar News

Innlo chuahtak in a zaammi hna facang tuan DMO PDF nih an bawmh hna Nihin November 21 Mobye le Demoso hrawng ah innlo chuahtak in a zaammi khuami hna facang tuan Demoso PDF nih an bawmh hna the hakha times.

Thawngdang Tutan thawngpang theih mi cu a poi ngai ngai. Zuurit ruang ah kanmah le mah pei kan i thah dih hoi ko lai hi. Papa Phungthluk ah Sei chungah a um mi Nga pakhat a thut ahcun adih lak tein athu dih timi dirhmun kan phan sual lai phan a um ko.

“Nihin November 16 ah khan Matupi peng (ဝလံပီ)khua mi tlangval pakhat cu Matupi khuapi chung ah Zuu ri tuk in a um ruang ah SAC ralhrang nih an tlaih i faak ngai in an velh, bia an hal. Cu ahcun a thinphan tuk nak le a tihtuk nak ah CDF Matupi pawl an umnak, CDF Matupi nih Sakhan an saknak hmun ti bantuk vialte aphuan dih” tiah theih asi.

Hi thawngpang hi ramtaang ah a um ve mi, zumtlak pasaltha pakhat nih a langhter. Cu hnu ah News dangdang zong nih an hun tial cio hi asi. Zuu rit ruang ah kan miphun ci kan hmih sual lonak ding ah ralring tein um cio hna usih.

Kan theih bantuk in Matupi le Hakha cu SAC ralhrang Sakhan pical an chiahnak a si lawng si loin, meng 20 in meng 30 karlak a kaap kho mi 120mm pawl an chiah nak Sakhan asi.Atu kan unaupa nih CDF-Matupi Sakhan aumnak hmunhma a phuan cang tikah CDF caah a him lo ngaingai.

Hi pa hi Matupi khuapi chung ah zuurit buin a lut, zuu arit tuk caah SAC ralhrang nih an tlaih i an tukvel hnu ah bia an hal i CDF-Matupi cawlcangh nak vialte a phuan hi asi tiah an langhter.

Leave a Reply