Kawl ralkap nih:Chin pa a ruak a thuh’Chungkhar lung reithei in an um ko.

Myanmar News

Kan hnu March thla nithum Yangon khua North Okkalapa Lamzawhnak ralkap le palik nih a el an kah i a thi mi Chin mino Mang Suan Khai ruak hi ralkap nih an thuh nawh ti a si. A mah hi March nithum ah khan North Okkalapa (a wyne) lamzawhnak minung 70 leng an hliamh mi le a thi mi lakah pakhat a si.

Pa Mang Suan Khai hi a el ah an hliamh i an tlaih tiah a upa sinah thawngpang an rak thanh. Cu hnu ah cun a thong an thei tilo. Thong ah maw an chiah, an hrem hnu ah dah an thah ti mi zong hi theih a si lo.

A chungkhar nih Insein thong ah a kong an hlat, siizung ah an hlat nain a kong an hngal lo. A mah a theitu (an sang mi) Ruakcheknak (ရင်ခွဲရုံ) rianṭuan pakhat nih a thi cang tiah faceboom ah a tar hnu lawng ah a thih an theih. Mang Suan Khai hi a el ah hliamh a si nain, a lu a sop tiah a a ruak hmutu nih cun a kan chimh tiah a pa nih a chim.

Pa Mang Suan Khai a pa hi U Maung Maung (kawl) a si. A nu hi Pi Ning Kham Cing a si. Yangon khua East Dagon 4th Block ah khausa an si. Pa Mang Suan Khai cu kum 27 a si. A nu le a pa hi kum 60 cungkai an si ve cang i cu hlan cu sehzung le dawr ah rianṭuan in nu le pa a cawm mi a si. Hpa-an ah caan tlawmpal rian a ṭuan i, February thla det hrawng khan a rak kir.

Ralkap uknak duhlo le sangveng congh, lamzawh a ṭang taktak mi mino a si. March 3 ahkhan North Okkalapa ah lamzawh ah a kal i hithil a hun can hi a si. Nihin tiang Ruakkhanghnak ah Pa Mang Suan Khai kong hi a chungkhar le bawmchantu hna nih an hlat ko nain kan hngal lo tiah an leh hna.Cu ca ah a chungkhar nih thawng an ngah ning le thil sining an theih ning in Pa Mang Suan Khai hi ‘a thi ko cang’ tiah an fehternak a si.

Leave a Reply