Kawl ralkap nih:Nau puai lio an thah timi kha’Lih thawngpang asi ralkap nih lih an chim.

Myanmar News

Mandalay ramṭhen ah ralkap nih naupawimi nu pakhat a lu ah an kah, timi thawnpang hi a hmun le hmanthlak tiang in a chuah caah tam ngai nih kan chawhpi manh. A hmun ummi cheukhat nih a dik lomi a si, nau a pawi lo, a thau caah naupawi an ti le a si tiah zanlei ah an vun chim cio.

Atu ah Ramchung media ngan zumhtlak deuh pa nga leng an van phih hna hnu in thawngdik theih a van har i thawnpang deu MRTV le MWD i an chimmi nih ram chung ummi cu a kan chilh colh manh. Mah hi Generation X+Y nih rak tonmi ralkap Propaganda pin in zei ca hmanh rak rel khawh lo lio Hngalhnak le Fimnak rak thuh kanh lio caan bantuk a si.

Naupawimi nu kong hi Reuters, AFP le min ngei BBC te pawl nih an ṭial ti lo ai. Cun a thimi zong Yahoo hna nih cun a zat hmanh ṭial theng lo, pathum/panga ah an tla. Cu tikah mipi kan vaivuan. Zumh ding media a ngei lo bantuk in kan to cang. MRTV le MWD ṭialmi hi maw kan zumdeuh cang lai, ralkap thawngdik chimtu Mee Lone @ Zaw Min Htun cu maw kan zumh lai ti bantuk khin an lung awṭawm cang hna.

Mah cucu ralkap mongkhong a si. An saduhthah te a si. Tutan naupawi nu thawngpang kong an virhkhoih hnu cun thawngdik lo tampi Social Media ah Virus bang an vun tar chinchin cang lai tiah ruahdomh a si cang. Lai Website ca posttu pawl zong ṭhadeuh in thawng nan hlat a hau, nan i zuamdeuh a herh.Teirial catial

Leave a Reply