Kawl ralkap:Zumh ngam ding an siti lo’Cozah lawng zumh awk an tha cang a ruang.

Myanmar News

Federal cozah sernak lam aa ong cang. Nga fuanh aa timh bantuk si cang. Nga fuan bawh pawl an i ralrin le timh le timh lo si cang.

CRPH an siah Kawl pawl an siah an vansang ve tuk cang. Nga fuan bawh pawl an i biatak le biatak lo lawng si. Kawlram ahcun Federal ralkap le Cozah lawng zumh ngam dingmi a si cang. Bama ralkap cu an sual tuk. Zumh ding hrimhrim an si ti lo. Nga fuan bawh pawl nih caan tha lak caan si cang.Luther Tinhre

Thawngpang dang:US ah a phanmi Myanmar rammi pawl an ram lei ah tlun rih loin US ram ah thla 18 chung um khawhnak nawl (Temporary Protected Status-TPS) US nih a onhpiak, tiah theih a si.US Homeland Security Secretary Alejandro N. Mayorkas nih, “Myanmar ralkap nih uknak an lak i, rammi hna cung ah an tuahmi hranhramnak (violence) hi nikhat hnu nikhat in a zual. Myanmar ramchung thil sining ttha tein zohfelnak kan ngeih hnu ah US ah a phanmi Myanmar rammi pawl runvennak TPS hi kan tuahpiak hna,” tiah a chim.

US ah um thai ding si loin caan karlak chung um ding in a phanmi Myanmar rammi hna nih TPS hi sawk khawh cio a si.South Korea zong nih an ramchung ah a phanmi Myanmar rammi hna ca ah March 15 thawk in Special Stay Permit tuahpiak a timh ve hna, tiah theih a si.
The Chin Journal

Relchap ko a tang hi:Khuate kip ah kal in mino tampi an sawm, cun khuapi chung mino tampi in sawm hna aherh cang.Khua khat ah inn khat minung pakhat in ram caah nan fa le kan pe ve uh tiah nu le pa sin ah nawl ding.CNF/A ah an,luh lo zongah khua runven nak siseh aherhnak ah hman khawh dingin training kha an khua cio ah mino pawl pek ding.

Training an kai ahcun CNF/A luh duhnak thin lung an ngei kho ko lai.CNF/A luh aduh lo mi cu an khua cio ah Pitusit in umter i aherh ning le acaan phak tik ah hman khawh ding in chiah.Training kai mi vialte caah hriamtha ready in chiah piak.Training an kai thla in thlahkawh pek khawh ahcun an huam ko,lai.

Election lai caan karlak security bantuk in atu lio buainak ruangah khua,kip mino kha pitusit caah training pek i kan ram athat tik ah aduh mi CNF/A ah lan thai hnaseh law aduh mi,cu an ngol te ko hnga.Ram inn pa ram cozah hna sin ah hriamnam bawmhnak hal ve ding, KIA, KNU, ti bantuk in.Khua kip in minung 20 cio training pek khawh ahcun chin ram chung in minung thongkul fawi tein hmuh khawh asi,lai.Atu lio boruak ruangah ramca nunnak pek cu an thisa nih aduh ko,lai ka zumh.Ro Lian Thang

Thawngpang dang:Zeiruang ah dah ralkap nih mi an lu theng te an kah hna’Hihi ruah lo awk a tha lomi thil a si. Tutan Kawlram buainak ah minung tampi an thi. Ralkap siseh palik nih meithal in an kah hna. An mi kah ning zoh tik zong ah a mak tukmi cu mi lu lawngte an kah hna.

An lu khen kha an i tinh bik. Cuca cun meithal kah tongmi 100% ah 90% cu an thih phahnak a si. Siloah zeiruang ah dah ralkap nih mipi hna lu thengtheng cu an kah ti cun.Kutlam zoh thiam Phungki pakhat nih Min Aung Hlaing sin ah a chimmi cu “Uknak thlen na duh tak cun an lu ah kaap hna. Cun Mandalay nan lak si cun zeidang hau lo teinak na hmuh cang. “မ” in aa thawkmi Khuapi le sang poh ral hna uh tiah biaphuan a chim.

Cu kutlam zoh thiam pa bia cu misual pa Min Aung Hlaing nih aa hruh pi i a si tak tiah a zumhcaah mipi an lu theng an kah nak le မ in aa thawkmi Khuapi le Sang an ral nak a si.
Ne Win chan in siseh Than Shwe chan in Min Aung Hlaing chan tiang anmah fimnak le thiamnak zong in mipi pakhat hi an that ngam naisai lo. An hnu lei ah pungki biaphuan mi kha an i hruh pi tawn caah a si. Mi forh an ngai. An zumh. An tuah. Cucu hruh timi cu a si. Lai phungthluk hmanh ah ‘mibia in tlang va kai hlah ‘ ti a um cu.

Thawngpang dang:Rev. David Lah hi a lehtu an tlawm ti lo. Anih hi bia a chim tikah mipi zeirel lo tuk in biachim a hmang pah tawn i mipi duh tawk in kutdawng sawh a hmang tuk tawn, tu cu kawlram Khrihfami lungthin ahcun hmun a ngei ti lo tluk a si cang. Cun a kal ning hi amah dirhmun tluk ah mi kha dirter hrimhrim in bia a chim hi poi tuk tawn.

Minung cu kan Khrihfa nun, kan zumhnak ai can cio lo caah a caan ah cun zumtu hna kan dirhmun zoh pah hi a rak herh tuk tawn aw. Thawngthachim tampi hna zong kan i ralrin phahnak ah cang ko seh mu.Zumhnak kongah Minung nih kan tuah dingmi tampi a um i Pathian lawng rinh ding cu a tlawm te. A tam deuh cu Pa Pathian nih minung hmang in, Minung cawlcanghnak hmang in rian a tuan hi a tam deuh.

Tahchunhnaah Jesuh nih a chimmi na ral kha a rawl a tam ahcun rawl pe, Na ral caah thla campiak, na biang khatlei an bengah cun khatlei vaa chit ti mi khi a tu kan dirhmun ah hin hmang tuah u sih law vawlei kan dam chung sal kan tang ko lai,Cucaah tu lio Pathian bia in thazaang kan i pek zongah minung bia in thazaang kan i pek zongah fimkhur tein

Thawngdang relchap ko:Meithal i tlaih bu in ralkap sunghnak a au ngammi cu KNU lawng an si rih’Nihin Karen pengkulh chung mipi lam cung chuahnak ah Karen Ralkap KNU nih mipi biatak in an kilven hna.Mipi pawl dinti le A-E pawl zong heh tiah an phawtzamh hna. Cu lawng hlah Loudspeaker i put in ralkap sunghnak an au rih.Atu tiang ah mipi sin ah meithal he sandah a piahmi le a aumi hi anmah lawng an si rih. Upat lo awk an tha lo. Tlangcung mi lak ah anmah KNU hi rumra a ngei bik an si. Hlan chan hmanh ah Kawl ralkap a rak tei pah lengmang mi an si. An thi hrim a sang tuk.

Relchap duh mi:Chin Miphun Nih Ralkap Cozah Duhlonak Australia Cozah Pi Sin Ah An Langh Ter. Australia Chin Christian Council (CCCA), Australia Chin Federation (ACF) le Chin Human Rights Organisation (CHRO) nih Australia Prime Minister Pa le Australia Cozahpi sin ah Ralkap Cozah duh lo nak Ca an kuat. Hi Cakuat pawl hi Senator Dean Smith nih Australia Parliament ah chuah pi ding ah timh tuah nak an ngei.Source:Renney Ceu L Mang

Rev.NC Thawng Tha Thang hruainak in MCYA mino 5000 renglo nih Ralkap uknak duhlo lamzawh. Yangon khualipi ah Rev. NC Thawng Tha Thang hruainak in Myanmar Christian Youth Alliance (MCYA) mino 5000 renglo nih 22-2-2021 ah Ralkap uknak duhlo langhter in lam an zawh, tiah kan theih.

“Atu MCYA hi keimah nih ka hruai hna lio a si. Myanmar ramchung um Khrihfabu kip aa fonh mi Mino Bu pakhat a si. Nihin hi Myanmar Plazza in US Embassy tiang lam kan zawh lai ka ti nain, US ralkap an phiat ruang ah Singapore Embassy lei tu ah kan kal. US Embassy zong lam an hon bak in kan pehzulh than lai. Ca kan chiah mi zong leh ding in bia an kan tiam cang,” tiah Rev. NC Thawng Tha Thang nih The Hakha Times ah a chim.

A peh rih mi cu, “Pathian cu dinfelnak a tanh mi a si. Min Aung Hlaing nih nawlngeihnak a fir in a fir mi le dinlonak in a tuah mi thil cu mizapi nih kan hmuh ko ca ah kan doh ngam cio awk a si. Bible chung zong ah CDM a tuah mi tampi kan hmuh ko hna. Amah belte, Cozah riantuantu ca ahcun challenge a kan tuahtu taktak a si lai i an ca ah a har ngaingai ko lai. Asinain, anmah Cozah riantuantu hna hi kan bochan bik mi an si ko i mizapi zong nih dirpi peng hna usih,” ti zong a chim fawn.

Tutan Ralkap nih nawlngeihnak a laak a voi 3nak, Myanmar ramchung ah Khrihfa Biaknaklei upa hna, mino hna, Kawl biaknak, siseh, biaknak dangdang, Ramkheel party le Ramriantuan (politicians) hna lawng si loin, a bik in Cozah riantuantu le rammi mizapi nih lungrual taktak in CDM cawlcanghnak ah an luut hna.Source:The Hakha Times

Leave a Reply