Kawlram Chungah Khuaruahhar Taktak In Ngakchia Pakhat A Chuah A Hmanthlak Pawl Zoh Tikah

=============================

Kawlram chungah hi bantuk minung a chuah ve cu a mak ngaingai. Hi ngakchia pate hi a muisam zoh ah le duh a nung tuk fawn, a chuahpi mi pumrua cu saram hna a loh pah tikah cheukhat mipi caah tihnung a um pah tiin an chim. Hi ngakchia pate a chuahkeknak ramkulh cu; Shan ramkulh, thlanglei Yungak pengkulh, Aletchawng khuate ah a chuahmi a si, tiah thawngpang theih a si. Vawleicung hmanh ah hi bantukin a chuahmi minung an um tluk lai lo dah? Kawlram chung tlangcung miphun kan unau asimi hna Shan ramkulh chungah a chuah tikah, a phunphun khuaruah ding a tam ngaingia ve ko.

Hi ngakchia pate hi a upate tik ahcun a thinlung put hi phun dangpi in a chuah khawhmi a si. Hihi chungkhat le naihniam thinlung chung zongah phundang in rian a tuan khawh caah, a poi ngaingai tiah ka ruah. Ngakchia pa a hmanthlak le a mithmanh panh ning zoh tikah duh a nung tuk fawn.  A Sam in a ke tiang bak tein a hmui lawngte a si ko. Zoh ah hin thinlung a phundang tuk hringhran.

Ngakchia pate ti a kholh lio hmanthlak vun zoh tikah zawng in a chuahmi a loh pah, a muisam cu minung bak a si ko nain, a mui sau ning te hi zawng in a chuahmi hna aa loh pah le zaangfah ngaingai a si ko. A hringtu a nule pa nih cun an duh tuk lai ning hi khuaruahhar a si ve lai, aruang cu mah le fale hring cia mi cu ahohmanh aa dawh lomi le a duh lomi kan um lo.

Kawlram chungah hi bantuk ngakchiate a chuah hi cozah zong nih phundang deuh in laksawng zong chuah a phu taktak tiah ka ruah. Ram thanchonak ram ahcun hi bantuk a um bal tluk lomi minung an chuah tikah chungkhar pawl hi cozah nih laksawng tete an chuah tawn hna, tiah cheukhat nih comment ah an chim.

Tlangcung ramchung in hi bantuk ngakchia pate a chuahmi hi lamwhpi a phu taktak nan ti cio ve maw? Mah le hmuhning cia chimh rel khawh a si. Atu mah tluk ngakchia lio hmanh a hmui a sau tuk cang va si kaw a upa tikah cun chimh awk tha lo a si te lai.