Kawlram Tang (10) Result Chuah Ni Nawlngeitu Nih An Thanh Cang

Myanmar News

COVID-19 pulrai zawtnak ruangah vawleicung mipi cu zeihmanh tuah kho loin um cio a si i, au tiangah mibu tonpumhnak zong tuah khawh a si rih lo. Fimcawnnak lei zongah ram tampi cu onh an si rih lo. Sinain Kawlram tu cu High school hi July ni 21 thawk khan lut hram an thok. COVID ruangah sianginn kai tlai hmanhsehlaw, exam caan cu kum dang ngaih tawnmi ning in a si lai.

Image may contain: 3 people

A cunglei kong he pehtlaiin tu kum tang (10) exam result cu August thla a zarhkhatnak a si lo hmanh ah a zarhhnihnak ah result hi a chuak lai tiin Education Deputy Director U Tin Mg Win nih cun a chim.

Students - Myanmar Noble University

Education Deputy Director U Tin Mg Win nih a chim rihmi cu, “Tukum a awngmi (pass) zat cu kum dang tawn bangin 30% a si i, result zoh tik zongah COVD-19 zulhphung an serning in zoh a si lai,”tiah a chim. Cu awng si loin tang (10) result hi online in zoh khawh dingin ruahmannak zong ngaih a si tiin a chim chih. Ref: Duwun

Relchih>>>Ramkhel rian ah ttihnung bikin ka hmuhmi le ka ruahmi cu Phaisa le chungkhat hmangin ramkhel hi a si. Miphun le ram caah ka phaisa mah zat hi ka hlut cang tiah mah pumpak in thanh cu phorhlawt ruamkai a lo. Phaisa in miphun le ram caah rian a rak tuan cu upat tlak cu a si e nain pekmi nih mah hmurka si loun midang hmurka in thangthatnak co hi a sunglawi deuhmi a si.

Miphun le ram caah phaisa mah zah ka dih cang tiin le khuate lei phaisa pekin ramkhel rian cuh cu ttihnung mi a si. Hitin ka ti tikah nangmah pa zeidah na hlut zeidah na tuah bal nan ka ti lai a dik ka tuah lo i ka hlut lo phaisa in mi a bawmtu bik hi miphin daw biktu an si lem lo ti belte kan theih i mirum pa nih miphun le ram a dawt mi kan cohlan bantukin sifak pa nih miphun le ram a dawt hi kan hmuhpiak le kan cohlanpiak thiam zong a biapi ngai. Ramkhel hi kan chungkhar an si ruang le kan khuami an si ruang men ah kan ttanh ahcun dinhmun rel ngeilo kan si sual ko hnga. Kum 5 chung hruaitu ding an si caah a biapi tukmi an si caah naa palh sual lo ding tu tein fakpi in ruah cio law ruah cio hna u sih.

Chinmi kan ruahnak lakah ka uar lo bik cu santlailo domhtlaih nakin santlai cia domthlaih, sifak hna nakin mirum cia va bawmh, mifim lo fimter i zuam loin a fim cia mi hnu va zulh le kan miphun nakin miphun dang va zumh le va ttanh in va bochan kan hman hi a si. Kaa tel ve ko. Cozah a ser khotu va bawmh lawlaw nakin a ser kho lai lo tiah kan ruahmi Chin Party kha ser kho dingin kan i zuam kha biapi tuk ka ti.

Tu cu CnLD caan a si rih lo kan to lengmang ahcun kan hnu te tikah kan tlai tuk cang kan ti than te lai i kirhnawh hmanh kan thachia cang lai. Na nu tak a si lomi Kawl nakin na nu tak a simi Chin kha fek tein i tlaih lawlaw ko. Chinram cu santlai maw tlai lo kan semnak hmunhma a si caah zumhtlak in i tlaih law nikhat khat ah santlai ah nangmah le keimah nih kan canter(ser kho) ko lai.

Pupa ram chuh hmangmi le sifak sinah ‘nnhmun ting 100 in zuartu cozah le khua le inn hrawh hmangmi le thlan hlaipiak hmangmi le eihmuar le ziknawh doh i timh in eihmuar le ziknawh a zualtertu le Timit ti kum 5 ah aa lim kho lomi NLD nakin na laihri tannak a simi Chin miphun Party kha ttanh lawlaw ko.

Santlai le a rum cia le fim cia sinah vaa i fo h si loin kanmah tein a fimmi le a rummi le santlai mi ah i serchuah cang hna u sih. CNLD nih Kawlram uk a timh lo nain Democracy ram ah mipi nih nawlngeih hna sehlaw anmah duhnak bangin cozah nih tuahpiak i zuam hna u sih ti hi a si ko. Tukum cu Na Miphun a simi CNLD kha vote ko tuah naa chir lai lo. By. Salai Pa Thawng

Leave a Reply