Kawlram:Thawngpang a dai kho tilo’Mipi hmai an kal chin lamang a linsa ko cang.

Myanmar News

Myanmar Ramchung Khuapi Tampi ah Lamzawhnak an Thawk Than’ASEAN ramhruaitu hna tonpumhnak an tuah dih hnu a ni khatnak April 25 ah Myanmar ramchung khuapi tampi ah lam cung chuah in ralkap uknak duhlo lamzawhnak aa thawk tthan.Abikin, Yangon, Mandalay, Sagaing, Monywa, Kachin, Kayin, Mon, Kaya le Pagan tibantuk hmunhma pawl ah mino tampi an chuak i lamzawhnak an tuahmi hmuh khawh a si.

Thawngdang:Kawlram mangtam nih a den thluahmah cang minung tampi rawl ei awk an ngei ti lo’World Food Programme (WFP) nih thanhnak an tuahmi ah Kawlram minung 3.5 Millions (ting 30 le cheu) tluk cu thla thum in thla ruk chung rawl ei awk ngei lo mangtam in an um kho tiah an ti.

A ruang cu Kawlram sipuazi a tla tuk. World Bank nih 2021 chungah Kawlram sipuazi 10% a tla ti.Bank le Company khar dih si. Ram chung ram leng pehtlaihnak le chawhlehnak a cat dih. Atu ah duhduh in ei din cawk ding a um ti lo.2021 February thla tiang ah khan eidin man 5% a kai February thla in nihin tiang eidin man 18% tluk a hung kai.

Rian tuan kho si lo sehzung tampi khar a si. Mi tampi rian lo in an um ei awk an ngei lo. Kawlram khuapi Yangon hawi hna ah cun rawl lo a ummi an tampi cang ti si. WFP nih cun Kawlram milu 3.5M an pawkhimnak ding ah cun US $106 millions bawmh an herh tiah a ti.A fawi lo. Kan sifah caan a sau kho. Abik in khuapi ummi caah ko ah a harkhun. Zeidah a cang lai timi hohmanh nih chim kho si fawn lo. Ramchung ral a thawh tak sual cun kan har chim rih lai.

Cucaah khuasak thiam le eidin i ret deuh kan hau cio. Hlan bantuk in hmaika lai chuak poh i lak i eidin pawl kan hrial hau. Zing fatin lakphakti kan din mi zong hrial kan hau. Nikhat voikhat rawl ei zong kan cinh a hau. Rawl lo um zong kan cawn a hau. Ralkap kan doh hna bantuk tein kan sifah zong kan doh thiam a herh Tluang Ceu Thang.

Thawngpang dang:Ralkap rual hna tangka hmuhnak hrampi a simi thing zuarthlainak company Myanma Timber Enterprise le lungvar zuarthlainak company Myanmar Pearl Enterprise cu US cozah nih phihkharnak a tuah cang tiah theih a si.

Myanmar ralkap nih tangka an hmuhnak bik cu ram mipi ta a simi kokek thil hna an zuarmi a si. Hi an tangka hmuhnak hrampi chahnak dingah le nawlngeihnak lak in mipi sersatnak ah tuanvo a ngeimi hna dantatnak caah US cozah nih atu bantukin phihkharnak kan tuah hi a si tiah US Department of Treasury tang i Office of Foreign Assets Control (OFAC) nih April 21 ah a thanh.

Cu ruangah US ramchung, asiloah US rammi pakhat khat kut chungah a ummi Myanma Timber Enterprise le Myanmar Pearl Enterprise nih a hmuh dingmi hlawknak vialte cu phih le kham a si lai. Cu lawng siloin phihkharnak an tuahmi pumpak, asiloah mibu nih an ngeihmi sipuaizi vialte zong phih piak an si lai tiah OFAC nih a thanh.

Nawlngeihnak a latu ralbawi hna dantat dingin Feb 10 ah US President Joe Biden nih nawl a rak chuah i Min Aung Hlaing telh in ralbawi 10 le an sinah an hnuzul civil mi 10 hna cu US Cozah nih dantatnak a tuah cang hna. Cu pinah ralkap ngeihmi MEHL, MEC le Myanma Gems Enterprise zong US nih phihkharnak a tuah cang.Atu bantukin US nih ralkap rual tangka hmuhnak hrampi a simi company ngan hna phihkharnak le dantatnak a tuahmi cu a tha kho taktak The chin post.

Thawngpang dang:Thawngpangtha aa chap chin lengmang ko. April 16 ah sermi Caankarlak Cozah NUG cu European Union nih pehtlaihnak a tuah cang tiah theih a si.National Unity Government (NUG) an ser khawhmi cu a biapi tukmi hmainornak pakhat a si i EU zong nih NUG he pehtlaihnak kan tuah cang tiah EU ramleng policy zung i chimnak nawlngeitu pakhat nih RFA ah a chim.

NUG cu April 16, 2021 ah CRPH nih tlangcungmi hna he i bawm in sermi Caankarlak Cozah a si. Hi kong he pehtlai in NUG hi EU nih Myanmar ram phungning cozah ah cohlan ding nan i tim maw tiah RFA nih biahalnak an ngei i EU i Seurity and Foreign Policy zung i chimnak nawlngeitu Nabila Massrali nih a cunglei bantukin a lehmi a si.

NUG ahhin hruaitu upa minung 26 an um. Tlangcungmi aiawhtu minung 13 an i tel. Cun NUG ah nu 8 an i tel tiah theih a si.EU nih NUG he pehtlaihnak a ngeih cang caah a rauh hlanah phungning tein a cohlan ko lai tiah zumh a si. April 24, Indonesia ram khuapi Jakarta i tuah dingmi ASEAN hruaitu hna meeting zongah NUG in ramleng vuanci Daw Zin Mar Aung cu ZOOM in bia a chim lai tiah Dr. Lian Hmung Sakhong nih VOA he interview ah a chim. NUG caah kutka aa ong chin lengmang ko The Chin Post.

Relchap duh mi hna caah:UN nih Myanmar ram cu Syria bantuk in a cang sual lai an phang. Asinain Syria bantuk a si lai lo. NUG a nung i, hriamtlai vialte an tho i, mipi an cawl ahcun Ralkap cu an nung in tlaih colh an si te ko lai. Russia le China zong an cawl manh lai lo.

April 24 ah ASEAN Submit cu Indoneasia ram ah tuah a si lai i, cu ahcun Min Aung Hliang cu kai a timh tiah Thailand ramleng vuanci nih a chim i, mahhi ralkap dirhmi SAC hi ASEAN nih dotla ah a cohlang tinak a si lo tiah thaimcoter in an bia an peh. A kai hrim an kaiter ding a si lo nain,…
US House nih Min Aung Hlaing dandatnak bill cu an passed cang i, tuhi Senate ah an chuahpi cang lai. A case an tuahmi cu, Rohingya, Genocide case in sualphawt ding lam an vih. An cawlcuahmah lio a si ve.

Kawl Ralkap nih CNF camp tlawn ding an halmi hna cu CNF kan pale nih an reject hna. CNF kan pale nih biakhiahnak an tuahmi cu puitling biachahnak a si tiah ka ruah. Asinain Kawl ralkap cu an zer tuk caah, zei tik caan paoh ah, zaan ttim an ih liopi tbk ah an nam khawh hna caah, CNF nih defense thate in an ilak cia cang lai tiah zumhnak ka ngei.

NUG cu Shan, Wah le AA tbk an itel rih lomi hi NUG an uar lo/ pawm lo caah si loin, anmah Shan State, Local politics chung ah thate in biaruahnak an ngei khawh rih lo caah a si lai tiah ka ruah. AA an itel lo cu, an Pu, Wah pawl mithmai an zoh bia a si lai tiah ka ruah.

Min Aung Hlaing cu aa chauhsual cikcik cang. Myanmar ram cu, fail state dirhmun kan phan. Cozah an ser kho naisai lo. Mah lio ahhin, NUG nih Federal army an von dirh lai. Federal Army ngaingai a von dirh khawh hlan ah “People Defense Force” cu emergency in a dir lai tiah an von chim cia cang caah, People Defense Force an cawl ahcun, anmah Ralkap chung lila zong People Defense Force ah aa tthialmi an um len te lai. Cucaah, tutan cu kum 70 chung a kan uktu ralkap, an hram in phawih in, hell ah thlak viar nak caan an phan lai tinak a si.

Generation Z pawl hi zei tluk indah an lung a thian i, an nun aa dawh. An ral a that timi cu tulio buainak nih a fianter ngai. Cu lio ah kum 50 in cunglei, generation X pawl hi zeitluk indah popular le credit an uar i, hruaitu tuan hna an duh timi le zeitluk indah an ral a chiat timi a fianter ngai ve Z Sang Cinzah.

Leave a Reply