Election Caan Lio ah CNF nih Kap Tanh ANgeih Awk Si LoChin ram ah pennak zuam cawhnak a san lio ah CNF tuanvo ngeitu hna nih khuate khuabawi le mino hna cu Camp ah auh riang mang in CNLD candidate tanhnak caah bia an chim. Cun CNLD candidate Chin Chin Pekthang auh in siseh, Pu Solomon nih kap tanh in rian a ruan ti thawng kan theih. Mah kong he pehtlai in NLD nih kan duh lo.

Atu lio kan ram politics ah kap tanh ngeih ahcun CNF nih a kalpimi national politics hi NLD a tanhtu Chin miphun nih zumh awk tlak lomi riantuannak a si tiah kan ruah.

Relchap Ruah A Phu Taktak Mi Cu Malaysia Ah A Thi Mi Kan Farnu Ruak

Thantlang Khuachung Luhpi Sianhlo,Duhtawk In Vice President 2 Luhter In Tlawnlenter,Thlantlang mipi pawl zong hi a mizawn nan zoh deuh ko rua ka ti,a ruang cu,khatluk khan Chin mi nih lungfaak taktak in kan farnu,Malaysia inn cung in a tla mi ruak,tangka tampi dih in an rak phurh mi covid-19 ttih ruangah luhter sianhlo in,buai cikcek hnu,a ruak hna phum i a rim a nam dih hnuah a than phul in laakterthan an si cu mu!

Atulio myanmar ram i zawtnak a karhnak,Yangon khuapi hna i khua a sa mi,Vice president le a inchung nu le a mah a zultu pawl hna Chinram ah duhtawk in nan vahterfawn mi hna hmuh le zohtik ah hin an mah kha dohnak le huatnak caah tial mi si lo in,

Thantlang covid-19 tawlreltu le upa tlangtlatu pawl hi a mizawn zoh in khua nan tuak,mah nih a langhter mi cu, kan miphun chung ah hin sifaak le mirum kan karlak hi ai thlautuk ti khi a si.

Malaysia in a ruak an phurh mi,Covid-19 in a zaw lo tiah catlap zong a ngei mi hmanh a ruak a zan ah luhter nan sianh hna lo ahcun,Vice a si ah President a si ah,

Suhte le suhpi an si ah nan luhter hna awk an si lo,nan luhter hna zongah nan rak erhkhumh hmasa hrimhrim hna awk a si i,nan erhkhumh hna a ni 14 maw 21 maw a tlin hnu lawng ah nan chuah hna awk an si ko,mah cucu ai ruang tein rianttuan ti mi cu a si.
Catial tu:Tin Duh Thang