NLD Party Lawng Hi Democracy Hruai Tu Party An Si

Myanmar News

MYAMMAR (Kawlram) KUM 2020 THIMNAK AH (Election)AH ZEI PARTY AH DAH MEE (Vote) KAN PEK LAI ZOH TA RIH UH SIH. Kawlram hi ralkap uknak tangah kum (50)renglo kanrak um cang tikah Democracy duhnak kha mipi thinlungah tamtuk a rak um cang i, cu caah ralkap nih kum 2008 lio ah khan phunghram anrak ser i, cu phunghram ah cun ralkap nih zeitik poh ah kawlram uknak ah anmah ani telkhawhnak dingin an rak ser mi phunghram a si. Cu phunghram tangah cun kum 2015 lio ah khan thimnak (Election) a rak tuah i, NLD nih teinak a rak hmuh mi kha si.

Myanmar's Suu Kyi kicks off peace conference with appeal for unity | Reuters

Cu bantuk cun NLD nih an caan an hman dih hnu in kum 2020 ah thimnak tuah tthan ding si tikah mipi nih zei party dah mee kan pekah tthat lai tiah mah le ruahnak cio an chim/an ttial cio dih.kan theih dih cio mi asi cang nain atu-ah hin kawlram hi federal Democracy (Democracy taktak) kan si rih lo ti hi kan ni fian a herhtuk mi cu asi. Cucaah atu kum thimnakah hin Democracy Uknak maw na duh,silo ah Ralkap Uknak dah ti hi si rih ko.

NLD Party hi Democracy hruai mi party cu an si i, USDP le NUP etc, a dangdang hna vialte hi ralkap tthit hruainak tang ah a um Party an si dih. Ralkap parliament ah seat 25% anni ham cia cang i,ani tinh mi cu anmah ralkap hna tang i a um mi hna party tenau hna nih 26% an rak hmuh ah cun cu hna he cozahnak ser hi, ani timh peng mi cu asi. Cu caah a tawinak in kan ttial siah cun kawlram ah party pahnih(2) lawnglawng a um rih tinak si. Ralkap le Aung San suu kyi hruai mi party NLD lawng hi an si rih tinak si.

A tukum 2020 thimnak zawngah hin kum 2008 lio i an rak ser mi phunghram tangah khan kanni thim tthan lai caah kha phunghram cauk kha narak relhma sa a hau mi cu si. Kha phunghram na relhmasa lo ah cun,na buaituk sual lai. Kei cu NLD ah mee ka pek rih ko lai. A ruang cu phunphun in a um i, cu hna lakah cun a herhb bik mi tanglei point (3) hna ruangah hin ka pek lai.

(1) NLD Party longlong hi Democracy taktak (federal Democracy)a ser kho mi party asi caah si lai. a dang Party hna USDP, NUP le CNLD etc, a dangdang hna cu MP seat an rak hmuh si zongah ralkap pawl he i fonh ding an si i, ralkap uknak cu hau hmanh nih mee kan pek duh hi ka zum ti lo.

(2) NLD Party hmanh nih Kum 2008 phunghrampi an remhkhawh lo tikah a dang Party hna cun zeitik hmanh ah an remhkho lai lo i, ralkap party uknak ah luh tthan cu hau hmanh nih kan duh ti lai lo tiah ka zumh. Atu lio CNLD hna nih,nuhrin covo le a dang dang kan remh dih lai an ti mi hi lih asi. kum 2008 phunghrampi an remhkhawh loah cun zeitin hmanh in remhkhawh ding mi thil asilo i, hi bantuk
hi cu mipi hlennak longlong asi

(3) Kawlram Uknak chungah ralkap ani tel chung pohpoh ah cun federal Democracy taktak kan si rih lo i, A tuah NLD nih NCA a tuah cuahmah lio mi a tlamtlin tikah cun Democracy kan rak si cang lai i, kan nih lai mi zong nih federal state kan rak hmuh lai i, cu tik longlong ah cun tlangcung mi party hna zong nih tikhawh mi an rak ngei ve cang lai i, CNF hna zong nih politic ah an rak lut ve cang lai. Atu rih ah cun Shan state, Rakhine state hna hi zoh hna uhlaw an mah miphun patry nih cozahnak an lak dih ko nain kum 2008 lio phunghran ning in chief minister cu NLD an si ko. Cucaah tlangcung party CNLD hna nih hin zeihmanh tuah khawh mi an ngei rih lo fiang ko lai dah. Catialtu hmuh ning. Kum 2020 myanmar i thimnak cu NLD nih seats 345 in seat 357 hrawng hi an hmuh rih lai tiah ka zumhnak si. Credit: Crishsang BL

 

Leave a Reply