Pathian tha:Laimi zong minung pa2 Mp ah thim an si cang hi.

Myanmar News

Kawlram Caan karlak Cozah thar ser a si. Pyidaungsu vuanci ah Chin miphun pa 2 an tel
Min Aung Hlaing nih rampi nawlngeihnak hramhram in a lak hnu ah 2020 rampi thimnak ah mipi nih thimhmi MP hna nih dirhmi Central Representative of Pyidaungsu Hluttaw-CRPH khuakhangnak in caan karlak Cozah- National Unity Government NUG cu 2021 April ni 16 ah dirh a si.

Mah cozah ah hin President, State Counsellor, Vice President, Vuancichoh le Vuanci thanah 11, an dihlak minung 15he ser a sii, Chin mi pahnih Dr. Sa Sa le Dr. Lian Hmung Sakhong zong vuanci ah an tel. Vuanci pa 11 tangah Duhvuanci pawl pa 12 an chiah, kan ram dirhmun zoh ah abiapi ngaimi rampi kilvennak lei tlaitu Defence Minister tangah Duhvuanci pa 2 an um.

Relchap duh mi hna caah:Raltuk kan thok deeng ko cang hih.Mipi hna caan karlak ramlak i nan i dor tik ah tiva kuang lei, lungkua, lungbuk athatnak le ti athatnak ah zaam khawh zuam ding.Ramlak tlang, hmunrawn ti bantuk cu hrial ding. Aruang cu thal caan asi caah meikaang atam, tuk kah ruangah mei kaang achuak kho mi asi caah tiva kuang hmunrem kha aherh ahcun fuh panh ding asi lai.

Himnak caah tiva kuang fuh tik ah vasum le va hna lei hngak tu pa nan i sawm hna lai. Chung khar 5/6 fawnh in zaam khawh zuam ding.Atu hi timh tuahnak kan ngeih aherh.Kan pa le nih, mipi hi bia na kan ruah le aherh mi runven ning na kan chimh aherh cang catial tu Lairam laipa.

Thawngdang:Hmasa bikah keimah tial mi silo in Saya Daniel Run Hnin nih a tial mi ka van tar chin mi asi zeitin dah nan ruah ning le nan hmuh ning a si rak chim cio tuah uh kah le doh hi chuak ko seh nan ti maw silo le um riko hna seh nan ti dah a peh hi a mah tial mi asi.

CNA/F nih ral a tuk lo ee, ralkap a Kap lo ee cu ee kha ee tiah Ramleng in za lawng ngai , fawi ngai le ninghngal ngai le a fimngai le thilthei ngai bang in online chung rak au len ti hlah uh!’ Ramchung ral a thawh tik ah zei tluk dah Mipi nih harnak an ton tawn ti zong tha tein theih le hlat a hau.

A nai bik i Serien Ram ah ramchung ral a thawh tik ah zei a hngal lo mi Nau semka in Tar Nu le Tarpa tiang zeitluk in dah harnak an ton ti mi cu Vawlei khuaza ramkip nih theih dih a si! CNA/ F nih nihin tiang meithal an puah lo mi hi Mipi sin ah zawnruah nak le khua fak piin an ruah caah a si ti hin fiang tein.

Mipi nih kan theih a hau’Kawl ralkap hi tih hna seh law , nan mah online chung in Ramleng in Au khuan a thawng ngai mi nak Khan fawi tein an kal i, an zam kho Hi ti Kan chim tik ah Kawl Ralkap Mithalo pawl kha tih ding le dai tein a Nawlngeih nak le hramhram in Uknak Kha Mipi nih kan cohlang hna lai Ka ti duh nak a si lo.

A tu lio dothlen nak Revolution ah hin kawlram pumpi huap in khua fakpi in ruah a hau i, Ram pumpi huap in cawlcang thiam le zohchih a hau mi a si. Political party, CRPH, CDM, UN ram chung Ram Leng pehtlaihnak , tlangcung mi hriamthai mi vialte , Mipi duh lonak a langh ter tu hruaitu hna tiin hmunkhat in cawlcang thiam a hau mi a si.

A tu lio dothlen/ Revolution nak ah hin Ralkap hi meithal he doh hrimhrim ding dirhmun a phan ah cun, tlangcung mi lawng si loin, an mah kawl Miphun hrimhrim meithal an tlaih ve a hau lai. CNA/F hi dai tein an um ko tiah ruat hlah uh! Dothlen nak tuah tik ah Mipi nih theih awk a tha lo mi le Online chung ah tial awk le langhter awk a tha lo mi thil tampi a um lai ti hi Mipi nih kan phlih lo a hau catial tu Daniel Rum Hnin hmanthlak hi a dang tar awk ka thei lo caah Saya Solomon hmanthlak ka tarmi asi nan theithiam lai caah kailom.

Leave a Reply