Nizan CBN in Pi Sui Chin nih Pi Cherry Zahau bia a ruahmi ka zoh ve i a bia a fak ngai. Dr. SaSa zong fak ngai in a tthuat. Pi Cherry le a ttuan hawi hna nih Dr Sasa cungah an lungput biathli a pholang lawlaw.

(Ahodah a dik. Ahodah a diklo timi ka thei hna lo. Asinain laimi nih “Keimah ttuanmi/ kanmah tuahmi” tiah thil ti khawhnak/credit an icuh tukmi belte cu a nauta ngaimi lungput ah ka ruah)

Dr Sasa cu NLD a von luh hnu in biatak tein doh le thlak a tong. Dr Sasa nun ahhin Keicu Pathian thatnak lawngte ka hmuh. Nihin a dirhmun a phan hi Pathian nih Joseph bantuk in a umpi i lam a hruai caah a si tiah ka zumh. A ttuanmi le a tuahmi hna hi midang caah tthatnak lawngte an si.

Dr Sasa a pa hi Pathian nih pekchanhnak kong chim ah laksawng a pekmi Evangelist a si i a chan lio ah Pathian nih a hman ngaimi a si. Dr Sasa nun le sining zoh ah khuaruahhar in tthatnak le hlawhtlinnak nih a tuam hi a pa thlacamnak a si lai tiah ka zumh. University kip i biachim an sawm khi a testimony in thazaang ilak cio awk ah an sawmmi a si. Hmailei a nun belte zeidah a lawh te hnga.

Dr Sasa nih a chimmi bia, policy le a Vision kong ah mature respect he a diklo tiah an al i critics an tuahmi khi aa dawh ngaimi biaruah/discussion a si tiah ka hmuh. A tha ka ti. Asinain a nun, a character le a riantuannak hrawh le thlak (charecter assassinated and destroy) an tuahmi belte cu a poi ka ti.

Relchap Pa le pa Nu le nu sualnak nih a hrin mi harnak

Kan theihbantuk in Pathian nih Pa le pa Nu le nu sualnak hi a huat tuk mi a si. Cu a huatnak cu Bible ah voitam pi a kan tial piak i tuah lo awk ah a kan chim leng mang. A nain khrihfa a si ve ko mi libaral pawl nih cun zeiah an rel lo. Minung nih zalonnak kan ngeih caah tuah kan duh mi paoh kan tuah khawh ko tiah an ruat. Pathian nih minung hi a nawlbuar ding tiangin zalonnak a pe lo ti hi an theih lo. Cu ruang ah an duh paoh in an nung hi vawlei cung ram tam pi nih Obama hnuzulh in Pa le pa Nu le nu itthit umh nak nawl cu rampi phunghram ah an ser cio.hihi a tu chan ah Pathian thinhun nak a kawh tu sualnak ngan cem ah a cang.

Bible cacaang tlawmpal in ka vun tial chih lai. lai mi zawng nih zeirello phun in a um mi kan um caah hihi kan hngalh ding ah rak ttial chi ka duh.

Levetikal 18:22-25

Nu he ih ti bantukin pa he na it ti lai lo; mah cucu fihnung a si. Cun zei saram paoh ihpi in i thurter hlah, nu zong nih saram he ih òi awkah i pe hlah seh: mah cucu thil ningcanglo a si. Mah thil hna chung hin a zeihmanh hin i thurhnawmhter hlah u, zeitintiah nan hmai i ka hlonh laimi miphun hna nih hin mah thil hna hin an i thurter cang i ram cu a thurhnawm cang i cu caah a that lonak kha dan ka tat i ram nih cun a chung i a ummi kha a luak hna.

1korin 6:9-10

A dinglomi nih Pathian pennak an co lai lo ti kha nan hngal lo maw? Nanmah le nanmah kha i hleng hlah u. Nupa sualnak a tuahmi hna, siasal a biami hna, ṭaangdang a pommi hna, nu le nu, pa le pa sualnak a tuahmi hna, …hna nih Pathian pennak an co lai lo.
Cacaaang dang tampi a um rih

Pathian nawlbia an tlinnak

1. Genensis 19:1-26

Sodom le Gamawrah cu cu nu le nu pa le pa sualnak an tuah ruang ah Pathian nih van lei in kakmei a sur ter i an khua cu a hrawh dih.

2.Biaceitu 19.20.21

Jakob fahniang Benjamin miphun cu nu le nu pa le pa sualnak an tuah ruang ah Pathian nih Isreal mi vialte kha a tuk ter hna i an rak thah dih hna i ralkap minung 600 te long a rak ngan hna.

3.2008-216 in Obama nih pa le p nu le nu i umh khawh nak sualnak phunghram cu US ram in tuah hram a thawk i vawlei cung ram tampi nih an tuah ve caah a rauhhlan Pathian nih vawlei pi cu Covit zawtnak in dan a tat colh.
Nihin Covit zawtnak hi Vawleipi nih nu le nu pa le pa sualnak phunghram a fehter nak theipar Pathian nih a kan zunter mi a si.