Ralhrang Nih Nu 10 An Tleihram Hna E Hmunkhat Te Ah Thinlung Nih A Celh Lo E

Myanmar News

Nyaung U Ah Nu 10 Leng PDF He Pehtlaihnak Nan Ngei Tiin SAC Ralkap Nih An Tlaihhrem Hna.Mandalay ramṭhen Nyaung U peng ah kum 20 luan fai nu 10 leng cu PDF sin ah bawmhnak nan pek hna tiin an puh hna caah SAC ralkap nih an tlaih hna i ralphaw i an i kalpi leng ah ralkap chung in bawi hna nih nu cheukhat cu an tlaihhrem hna tiah theih a si.

January thla Nyaung U pengchung ah kum 20 luan nu 10 leng cu Nyaung U peng Special Investigation Department (စစစ) le Military Security Force (စရဖ) phufonh nih PDF sin ah bawmhchanhnak nan tuah tiah an puh hna caah an tlaih hna i an tlaihhrem hna tiah theih a si. Tlaih a tongmi nu hna a tlaihhrem tu hna lak ah Nyaung U peng (စစစ) in ralbawi Naung Min Lat, SAC ralkap Bukyi Myo Ngyi le Military Security Force (စရဖ) in ralbawi Tin Htun hna an i tel tiah theih a si.

Nyaung U khuachung ah SAC ralkap nih ngaknu hna cu a bik in an tlaih hna, nu 10 leng tlaih an tong. Sianginn cachim sayamah, NGO ah tuanmi unau nu 3 cu a luancia zarh khat hrawng ah khan PDF nan bawmh hna tiin an tlaih hna Cun restaurant ngeitu hna an fanu zong pohmah 505 (a) in tazacuai a tong i kum 3 chung thong thlak ding in biakhiahnak an tuah piak, midang nu tlaih a tongmi zong an um na in an min kan char kho dih hna lo. Tlaihkhih a tongmi hna chung ah cheukhat cu sualpi an tong tiah kan theih” tiin Paganpyi Bilu phu in tuanvo ngeitu pakhat nih a chim the chin post.

Thawngdang A tu lio Ralhrang kan doh mi hi tuaktan taktak kan hau cang.Ralhrang nih mipi nih kan duh bak hna lo buin hramhram in an hriamnam thazaang bochan in an kan uk. Kawlram mipi nih an kan duh bak lo ti an theih tuk ko na in mipi zawn ruah nak le zaangfah nak le Dawt nak an neih lo ca ah an kan thah, an kan hrem, an kan tlaih. Kan inn an duah. Zeitluk in kan sifah zong ah an zeipoi bak lo. Kan thih zong ah an zeipoi lo. Ca kan cawn khawh lo zong ah an zeipoi lo. Kan zawt zong ah an zei poi lo.

Ralhrang nih uk nak an kan chuh ka ah ni 90chung pehtlai te in sandah kan piah lai i uk nak an kan pek than lai ti ah ka fim ka thiam ai ti mi le ai seihchiah tuk mi pawl nih an rak au pi i, Ralhrang nih cun ni 100 hmanh piah uh law uk nak cu an thlah hlei bal lai lo ti ah upa cheukhat nih an ti lengmang hna na in an duh ve lo i, ni 90 cu an piah tak na in zei hmanh san a tlai tak lo. Ka fim ai ti mi pawl an ruah mi cu a dik nemmam tak lo kha mu.

Cun cozah riantuan mi CDM tuah uh law cozah nih rian a tuan kho ti lai lo i, uk nak a up than lai an ti than i cozah riantuan tam deuh cu CDM an tuah tak na in ralhrang cu an zeipoi hlei hoi lo. Kawlram pumpi ah Hakha le Thantlang lawng nih CDM tuah hi a zei hme poi hnga. Kawlrawn lei ah CDM a tuah mi cu mitlawmte lawng an si cu mu. Chin state hmanh ah a tuah lo mi an tam deuh cu mu. Ramleng um mi upa pawl zong nih zei thei set lo in nan van au leng mang ve tawn le nan bia pakhat hmanh a hman bal lo. Nan zumh ning in thil a si kho bal lo hi rak thei cang uh law tha lai.

A tu lio ah kawlram ah Hakha le Thantlang hi a buai cem mi si. Hi zong hi fak deuh in tuak tan hau cang. Hakha le Thantlang hi kan ralkap nih ting kho hna sehlaw, kanram ralhrang uk nak hi ai thleng kho hlei lai maw? Hakha le Thantlang laak khawh nak ding ah phaisa tam pi nan thawh mi le kan mino hna nih nun nak tampi an pek mi hi uk nak thlen khawh nak ding si sehlaw a phu ko kan ti dih hnga. Thantlang inn lo vialte a uh dih mi zong khi uk nak thlen khawh nak ding ah cun a phu ko kan ti dih ko hnga. A si na in mah hi ruang ah uk nak hi samfa tia zong ai thlen khawh nak ding um fawn lo. Hakha le falam le thantlang hi ting kho hmanh u sihlaw kawlram uknak hi samfa tia zong ai thleng kho hlei fawn lai lo. Cu ca ah cun kan harsat nak le kan sifah nak le kan thih loh nak, fimcawn khawh lo nak le dam lo nak le kan ngaihchiat chin lengmang nak lawng te a chapchin leng mang ding hi a fiang tuk mi si.

Kawlram ah NUG nih a forh khawh mi le a nawnnok khawh mi cu a hrut cem mi laimi kan si.tanzinta dang cu an miphun le an ram harsat tuar ding an sian lo ruang ah NUG nih an khuaram ah ral an thawh ter kho lo. Laimi upa pawl belte kan laimi harsat le thih loh zei nan rel lo pin ah nan mah zawn lawng nan i ruah ca ah, nan mah ruang ah mah tluk in kan tuar cang. NUG nih 2021 september ni 7 ah D day a thanh i kawlram pumpi ah Thantlang lawng ah kah nak a chuah mi zong kha NUG nih laimi lawng an kan forh khawh ti nak si khah.

Kawlram uk nak ai thlen cu ho poh nih duh dih a si. A si na in Chin state lawng hi buai u sih law, zeihme san a tlai hnga. A buai cem mi le a hrut cem mi cu hakha le thantlang si. Ai seihchiah cem mi le a fimtleng tak lo mi nan si ca ah nan phichuak zeihmanh a si lo nak si hi nan lungfim bal rih lo ca ah hi nak in kan har chin lengmang lai a dongh nak ah cun mipi nih huat bik mi nan si te lai. Hmailei ah lairam hmai nan khap te lai lo.

Minung Fim le Hruh hi kan tuah mi thil a phi chuak in theih khawh bik si. Nan zumh mi le nan tuah mi pakhat hmanh a dik mi a um rih lo.Mipi harsat nak phuntling le ngaihchiat nak phun tling lawng te nan chuah pi mi a si hi van ruat hrimhrim cang uh.mipi ngaihchiat ter tuk hi thluachuah hmuh lo nak a si ti hi nan theih hrimhrim hau cang Salai Chan Hmung.