Rev. Saw David Lah Bia an Ceihpiak Cang

Myanmar News

Rev. Saw David Lah Bia an Ceihpiak Cang: COVID-19 chung ah minung tampi in hmunkhat ah um ti lo ding in Kawlram cozah ngamdamnak lei tawlreltu nih nawl an chuah i cu lio ah Rev. David Lah cu nawl na puar tiah ngandamnak lei tawlreltu hna nih taza an cuai mi cu tu nihin Aug 06, 2020 ah bia an khiakpiak cang.

Canadian pastor jailed in Myanmar for defying coronavirus ban ...

Hi tin in nawl na puar tiah an tlaih nak in thla 2 le zarh 2 a rau cang. Biaceihtu nih bia a ceih piak mi cu rian tuan pah bu in thla thum chung thawngtlak ding in a ceih piak. Asinain an tlaih ri in ni hin ni tiang hi thla 2 le a cheu a rauh cang ruang ah thlathum thawngtla ti loin zarh 2 lawng a tla cang lai tiah theih asi. Amah Rev. David Lah he an tlaih tti mi hna Way Htun zong rianttuan pah buin thawng thlathum tlak ve dingin an ceihpiak ve nain amah zong zarh hnih lawng a tla ve lai. REF: DUWUN

Relchih>>>>>>Lebanon-Beirut Thil Cang Mi Kongah An Zumh Bik Mi: Lebanon khualipi Beirut i tilawng dinhnak pawngah bomb faktuk in a puak. Mah bomb puak nih minung 78 an thi tiah Lebanon Health ministry nih alanghter. Bomb hi athazaang thawngtukmi a si caah apuahnak hmun in mengthum tluk aa hlatnak hmunah a ummi minung zong nih hliamhma an tuar tiah theih a si. Bomb nih ahliamhmi hna hi minung 7000 renglo an si tiah a langhter chih. Bomb thazang hi lii aa hnin mi 3. 5magnitude tluk thazaang he aa tluk tiah Germany’s geosciences center GFZ nih a ti.

Bomb puahnak kong he aa pehtlaiin pawngkam mithmutu nih a chimning ahcun Bomb puahnak hmun in kan umnak hi kilometer tamtuk aa hlat. Nain bomb apuah bakin kan thlalang ong thlalang vialte an kuai dih. Kan inn hi aa hnin dih caah meitlang puah ruangah lihnin ah ka ruah ko. Minung tampi cu thisen he lam ah an zam lenmi ka hmuh hna tiah a ti. Bomb puahnak kongah Lebanon hriamtlai Hezbollah group nih kanmah tuahmi asi lo mah thil hi Israel an si. Israel nih hriamnam in an kahmi asi tiah an ti.

Bomb puahnak hi lawng dinhnak pawng lei ah asi. Bomb puahnak hmun in meng 6 area hrawng cu thil a rawkralmi a tamtuk tiah report nih a chim chih. Beirut bomb puahnak kongah US Secretary of State Mike Pompeo nih atimi cu US nih Beirut bomb puahnak kongah thil sining hlat dingin bawmhchannak kan tuah lai tiah a chim colh.

A cunglei kong he pehtlalin Bom a puakmi hi ngan ngai dawh a si. Meng 125 a hlatnak Cyprus tikulh hmanh in an theih khawh ti a si. Lebanon PM Hassan Diab umnak in zong a rawk i, a nupi le a fanu zong hliamhma an tuar ti si. Inn lo a rawkmi tangah a thimi le a hliammi tampi an um rih lai tiah an zumh. Midang nih tuah mi si loin “Chemical” an chiahnak in a puakmi bom a si lai tiah an zumh.

Leave a Reply