SAC Ralhrang Nih Chin Ram Laitlang Ah An Ton Ding Mi Phuan Dih A Si Cang

Myanmar News

Aruang Pathum SAC ralhrang zuu fak piin an ding aruang. Falam Peng ah Varhlei chah ahcun aruang Hakha ah MPT Telephone line aa rawk mi hi aruang. SAC ralhrang zuu fakpiin an ding.Chinram cu tlangcung khuasakmi a um mi kan asi caah kan khua caan nih ai dang ngaignai.A bik in October le February tiang cu khuasik thla asi caah laitlang aum mi kan ca hman ah akik ngaingai in kan thei. Cucaah SAC ralhrang pawl an caah kan khua caan hrimhrim an celh kho ti lo caah zuu lawng an ding cang. Kah hman hau lo tein an rua hman va chalh ding tiang khi kan khua caan le fing le tlang nih aa kan bomh ko lai. Cucaah Dr Liang Hmung Sakhong nih Chinram ah cun rak kai hna hla u kan sining nan kan hrawmh kho hna lai lo ati cang hna kha. Kan ti nan ding kho lai lo, kan raw nan ei kho lai lo ati hna Hakha tiang phan khawh lo in kir an I timh cang ti asi.A kir ding um lo tiang in kan thah vial ko hna lai.

Varhlei hi kan chah chung in atha lai maw ati mi ka hmu pah.A bikin Hakha le Thantlang peng caah Varhlei hi abia ngai ngai mi asi. Kan ram ah um cia mi thil tete hi harsak ngai in ka pupa lei nih an rak i zuam in kan te chin fapa hna caah tiin teima le r etheih ngai in an ra tuan mi asi. Khua saupi ruah hnu ah hi bantuk thil kong hi chim ding asi. kan lungretheih lung le kan har lungin chit khat caan khat te ah thil tuah sawh sawh khawh ding mi thil an asi lo. SAC ralhrang hi Var hlei chah lo in kan teihnak ding lam tampi aum ko ti hi kan CNA le CNF kan pa lei pawl nih an theih tuk ko. Cucaah kan lungah varhlei kong hi chiah hna hla usih.

Hakha ah Telephone line aa rawk Hakha ah Telephone line aa rawk sual ahcun apoi ngai mi thil asi ko.SAC ralhrang cawlh cang khawh lo nak ding le kan CNF le CDF pawl caah atha deuh mi thil asi ko ahcun atha tuk ko.I rawk ko hna sehlaw line lo zongin kan um kho ri ko lai. Line lo in cu pei caan saupi kan rak um ko kha. Kan ram le kan vawlei cia asi caah an mah nain tampi thil kan theih ko lai. Nihin laitlang arak kai mi pawl nakin tampi teinak lam kan ngei ko. Amah belte kan CNFle CDF caah thil poi deuh a si sual hnga maw tiin kan rauh ve.I chonh bia an duh tikah ahar deuh men ko lai caah. Leadership le Strategic planning caah ahar deu ko lai. Atha zong avun tha than te ko lai Kan ram le kam mipi caah thlacam peng hna usi Chaw Che.

Thawngdang ral do lio ah Falam, Halkha Senthang peng le Zophei peng tiang an rak lak dih nakin Lautu ram an lak kho lo nak araung Hlan Caan kan pupa hna nih Tibet ram le Chinwin nelrawn lonh in AD 1400 hrawngah kan lautu ram tiang an rak kai mi kha miphun dang nih ukmi si an rak duh lo caah asi. Cucaah kan lautu ram ah kum zabu 4 le 5 tiang zalon tein khua an rak sak kho kha asi. Mah tein khuakhang lairel cu arak that zia kha an rak I fiang tuk ve.

Cucaah mirang nih 1895 le 96 Chinram an rak kan do lio ahkahn Lautu ram tiang zong an rak phan ve. Kan pupa hna nih fakpi in an rak doh ve caah an rak lak khawh lo Lautu ram cu. Kan pupa Lautu miphun hna nih mirang miphun ral kan do ti mi lungput he lungrual tein an rak do ve caah asi. Aruang cu miphun pakhat kan asi ti mi lungthin he an rak doh caah asi. Lautu hi peng tlang kan si lo ti mi an rak I fiang. Miphun ral kan do ti asi. Mirang nih Chinram cu a doh peng tikah Chinram tam deuh cu an lak cang Falam Halkha Senthang peng le Zophei peng tiang mirang nih an lak dih. Lautu ram zong lak an I timh ve nakin an rak lak kho lo cucaah mirang nih rak kan rem u tiah an ti peng. Lautu kan pupa hna nih an ram duh lo caah mirang cu an doh peng rih. Mirang ral bawi tampi Surngen ram ah an thi cucaah Surngen ram ah Thawng Cem pa ral bawi kah nak le Ral bawi lu tang nak ti mi hmunhma zong nihin ni tiangah min aum.

Hihi Pu Khar Dun nih aruah peng tikah miphun ral kan doh ti mi lungput he ral kan do caah asi ti kha afiang. Pu Khar Dun cu mifim asi caah hmailei ral kan do rih lai ti atheih caah Luatu miphun vialte cu a khawh hna i roling bia a vui hna.Lautu miphun cu unau kan si dih Cucaah chaklei thlaklei kan ral pa an ra tikah unau vialte atu bantuk in hmailei zong ral kan do tii hna lai cucaah thi ah thi tii nun ah nun tii” tiin ral kan do hna lai ati. Hi biakam tling ter nak ding caah biakam nak pakhat kan tuah hna lai ati. An lung atling dih caah Sia Tum kha an thanh I Sia thin in biakam nak cu arak tuah. Cucu Lautu miphun nih Pu Khar Dun rolin bia kan ti.

Mirang he kan I doh nak cu kum 3 le 4 arau hnu ah Mirang nih Lautu ram cu ralkap thazang tampi he do ding ah an ra cang ti kha thawngpa an theih. Kan thazang aa khat lo caah Pu Khar Dun le Pu Thawng Lin nih Zophei ramri ah mirang ral cu an va khamh hna I kan irem hna lai Lautu ram ah rak lut hla u an ti hna. Mirang cu mifim an si ve caah thisen chuah lo remnak tuah kha an duh mi asi ve caah an lung tling ve. Pu Khar Dun cungah an lung aa lawm tuk, Pu Khar Dun cu mifim paraltha asi caah mirang nih an upat ngaingai ve. Rem dainak na kan tuah caah tiin rem dianak hmehchunnak caah tiin Pu Khar Dun cu Laksawng ah Nguntangka tampi an rak pek. Cucu Pu Ni Kung athi lio ah Pu Ni Kung thlam ah rak vui chit asi.

Mirang an rem hnu ah Japan nih 1942 le 45 tiang ral an tho than caah Lautu miphun vialte nih Japan ral cu 1942-45 tiang miphun ral kan do tiin lungrual tein kan rak do than. Pu Khar Dun biakamh bantukin thi ah thi tii nun ah nun tii tiin. Cucaah Japan nih zong an rak kan lak kho ve lo hihi miphun ral kan do ti mi lungput he lungrual tein ral kan rak do caah asi lai.kan khua le kan ram kan chuah tak bal lo. kan ral tu kha kan khua le kan ram ah an rak lut khaw lo nak dingin kan rak tuah.

Nihin ni 2021 SAS Myit Aung Hliang rallokah kan do lio mi zong hi miphun ral kan do ve ti mi lungput he ral kan do ve caah Lautu miphun nih Lautu ram hi kan veng kho hrimhrim lai.kan khua le kan ram kan chuah tak bal lo. kan ral tu kha kan khua le kan ram ah an rak lut khaw lo nak dingin kan rak tuah. Cucaah ram chung ram leng aum mi Lautu miphun vialte nih kan ti khawhnak cio in thazang kan chuah peng hna usih. Kan ram le kan miphun caah Voikhat thazang kan chuah mi nih aza lai lo. kan theih hlan tiang thazang kan chuah ri ahau lai chawche.

Leave a Reply