SAC ralhrang nih mipi tampi an thla than hna thawngtha tuk a si

Myanmar News

Zinmapin Le Salinkyi Ah Tlaih A Tong Mi 8 Chung In 3 An Thlah Than Hna Sagaing ramthen Zinmapin le Linkyi ah rallokap nih tlaih a tong mi khua mi minung 8 chung in minung 3 cu July 26 zaanlei ah an thlah than hna.

Zinmapin peng le Salinkyi peng khua um mipi hna bawmh in tuah mi khua kip fonh in duhlonak langhternak ah rallokap nih an tlaih hna.Tlaih a tong mi hna cu Ko Nay Win, Ko Aung Hliang Win le Ko Win Luh Kyaw hna pathum cu nizan zanlei ah a thlah hna.

Khuakip fonh duhlonak langhternak ah tallokap nih an kham hna i an i zukphiak kho ko nain Salin peng Kungtaw khua Sianginn ah chiah mi Covid zawtnak ngei pawl cu a zohkhenh tu telh in Covid a check lio mi hna zong minung palh in an tlaih hna hi a si.

Khuami hna an tlaih lio hna ah hin Saikal pawl le an thil dangdang hna zong rallokap nih an i lak tiah khua mi pakhat nih a chim.An thlah rih lo mi hna an chungkhar an lung re a thei i an thlah colh ko hna lai tiah ruahchannak kan ngei tiah khua mi pakhat nih a chim the chin post.

Thawngdang Kawlram Chung Taluk A Luh Ning Naih Tein Kan Zoh A Hau- General Bipin Rawat Kawlram ah thil a cang lio mi cu India nih a naih tein zoh a herh.February 1 ah ralhrangbu nih nawlngeihnak an lak hnu ah ramdang nih Kawlram cu kharphihnak a tuah cang nain Taluk nih hmai a nor rih tiah India Chief of Defence Staff General Bipin Rawat nih July 24 ah a chim.

General Bipin Rawat nih “Taluk nih Kawlram ah a kalpi lio mi Belt and Road Initiative- BRI, Tlanglawng lamcawh ding timhtuahnak hna nih ram dang kharphihnak ah hnahnawhnak a pek” tiah India north-east state hna opportunities and challenges online biaruahnak ah a chim.

Kawlram a that hi India north-east caah le a bik in India caah thiltha a si.Zeiruangah ti ahcun kanmah le Kawlram cu tuanbia le nunphung lei ah pehtlaihnak thuk pi a ngei mi kan si tiah a ti.

India le Kawlram cu dimdawi a hau taktak mi silicon corridor bantukin a pehtlaihmi a si i, geostrategic ah a biapi taktak mi le a bikin mahcu hrawh dingin Taluk nih a timh mi a si. Rohingya ralzaam an um ruangah ISIS pawl nih kan ram himnak a rawj ter khawh mi a si.

Bangladesh, Bhutan le Kawlram bantukin pawngkam ram ah mipi himnak a umlo ruangah kanram himnak a zor ter ngai. LZei a si poh ah remdaihnak le chawnhbiaknak in thiltha a chuahnak dingah kan i zuam ding a si tiah General Bipin Rawat nih a chim the chin post.

Leave a Reply