SAC sin ah riantuan tu hna sin in thawngpang chia taktak a chuak ceilak an thi kola hi

Myanmar News

Ralhrangbu Kantayar Sii inn Riantuan 35 Sin In Covid-19 Zawtnak An Hmuh Yangon Inya kan pawngah a ummi ralhrangbu sii inn riantuan 35 sin in covid-19 zawtnak an hmuh tiin riantuan tu hna sin in theih a si.Kantayar sii inn ah riantuantu 200 hrawng an um.Zawtnak hi nurse,tangka tlai tu le khual chawn tu, emergency riantuantu le sii dawr riantuantu hna sin in hmuh a si.

Zawtnak a zual deuh mi lawng zohkhenh an si i,cheukhat zawtnak a lang tuk lo mi hna cu riantuan an ngol ter hlei hna lo.Covid-19 checknak zong tha tein tuah pi asi lo tiah riantuantu hna nih an chim.

Atu ah covid-19 zawtnak in sii-inn ah zohkhenh lio mi 20 leng an um.Ni fatin a lengin a rak i zohter mi minung 70 hrawng an um peng.Atu dirhmun zoh ah khar ding a si cang tiah cheukhat nih an ti.

Kantayar sii inn ah ralhrangbu nih a ngeih mi Myanmar Economic Corporation MEC nih a ngei mi a si. 2017 December 26 ah ralhrangbu nih an hon mi a si i,ralhrangbu chungtel 381,636 nih share an ngei mi asi tiah theih a si. Ralhrangbu nih uknak a lak hnuah sii-inn hi bomb an puah lai an phan caah Nurse le sii inn riantuan hna zong mi hngah bawh rian an tuan ter peng hna tiah Mizzima News nih a tial the chin post.

Leave a Reply