Thantlang Inn Kang Kong Ah Zaw Min Htun Nih PDF Sual A Phawt Bak Cang Hna

Myanmar News

Than Tlang Khuapi SAC Ralhrang nih mei an duah ko timi video tehte piah ding in SAC biachim Zaw Min Htun nih challenge a tuahnak kong SAC biachimtu Zaw Min Htun nih thangtlng khuapi meikhanghtu SAC Ralkap an si timi tehte kan piah uh tiah challenged a tuah lawng si lo in PDF nih Mei an duah tiah a puh chih hna lio ah Ralhrang lei nih inn an kahnak video le inn mei in an duah lio video tehte fiang tein piah khawh le hmuh khawh sisehlaw vawlei pumpi hmai ah tehte thabik ah aa chuah chin chin lai i, UN, US, EU le ASEAN le ram dang dang hna sinah a tu thil a si lio mi nakin pressure pek chin chin ding in sawm nakah bawmchantu thabik ah aa cang hnga .

Thantlang meiduah an ipheh mi bantuk tein, 2011 lio zawngah SAC nih Rohingya ( Muslim ) inn mei an duah lio tehte kan piah uh tiah an rak ti bal hoi cang hna . Cu caah CNA le CDF zawng nih Ral ikah hlan ah siseh, ikah lio ah siseh, ikah hnu ah siseh ( intelligence- ralkap team) ngeih ve hna sehlaw drone in video thawngla tu le lamhlat pi in video thlak le camera thlaktu ralkap an ngeih ve hna ah cun kan ral teinak ah bawmchan tu tha a si lawng si loin, Ralhrang pawl internal Criminal Court timi (ICC ) tazacuainak hmun kuatnak ah bawmchan tu taktak a si lai.

Thawngpang dohhlet tu(intelligence) pawl nih thatein Ralhrang lei nih nuhrin covo phung an buarnak video recording ichia khawh ah cun International stage raldohnak ah fawi tein kan tei khawh hna lai .
Kan mah Chinmi cu chimlo USA rampi hmanh nih thawnghlet tu (intelligence) pahnih (FBI le CIA ) an ingeih hna i, hi hna pa hnih nihin USA rampi ral teinak tawhfung bak cu an tlaih . Cu ve bantuk Israel nih an ngeih mi (intelligence) Mosaic Spy timi hi Israel an ralteinak tawh fung a si ve.

Cu caah CNA le CDF hna nih SAC Ralhrang nih Nuhrin covo an buar mi poah poah, tahchunnak ah inn mei duah lio video, Biak inn mei an khangh lio video, sianginn an riah lio video le sizung le biak inn hna ah Ralhrang an riak lio video vialte record an ngeih dih ah cun kan ral sunghter nak, Mual photer nak le tuanah kan ral teinakah bawmchan tu thabik an si lai.

Zeiruangah dah CNA le CDF nih intelligence team an dirh a herh kan ti ah cun, an mah cu Ral hmaisuan bik ah a kal mi an si tikah SAC Ralhrang phungbuarnak tehte a hmuh kho bik tu ding le record aa chia kho bik dingmi cu CNA le CDF nih dirhmi Intelligence team lawng lawng hi an si fawn lai.

Thawngdang ral do lio ah Falam, Halkha Senthang peng le Zophei peng tiang an rak lak dih nakin Lautu ram an lak kho lo nak araung Hlan Caan kan pupa hna nih Tibet ram le Chinwin nelrawn lonh in AD 1400 hrawngah kan lautu ram tiang an rak kai mi kha miphun dang nih ukmi si an rak duh lo caah asi. Cucaah kan lautu ram ah kum zabu 4 le 5 tiang zalon tein khua an rak sak kho kha asi. Mah tein khuakhang lairel cu arak that zia kha an rak I fiang tuk ve.

Cucaah mirang nih 1895 le 96 Chinram an rak kan do lio ahkahn Lautu ram tiang zong an rak phan ve. Kan pupa hna nih fakpi in an rak doh ve caah an rak lak khawh lo Lautu ram cu. Kan pupa Lautu miphun hna nih mirang miphun ral kan do ti mi lungput he lungrual tein an rak do ve caah asi. Aruang cu miphun pakhat kan asi ti mi lungthin he an rak doh caah asi. Lautu hi peng tlang kan si lo ti mi an rak I fiang. Miphun ral kan do ti asi. Mirang nih Chinram cu a doh peng tikah Chinram tam deuh cu an lak cang Falam Halkha Senthang peng le Zophei peng tiang mirang nih an lak dih. Lautu ram zong lak an I timh ve nakin an rak lak kho lo cucaah mirang nih rak kan rem u tiah an ti peng. Lautu kan pupa hna nih an ram duh lo caah mirang cu an doh peng rih. Mirang ral bawi tampi Surngen ram ah an thi cucaah Surngen ram ah Thawng Cem pa ral bawi kah nak le Ral bawi lu tang nak ti mi hmunhma zong nihin ni tiangah min aum.

Hihi Pu Khar Dun nih aruah peng tikah miphun ral kan doh ti mi lungput he ral kan do caah asi ti kha afiang. Pu Khar Dun cu mifim asi caah hmailei ral kan do rih lai ti atheih caah Luatu miphun vialte cu a khawh hna i roling bia a vui hna.Lautu miphun cu unau kan si dih Cucaah chaklei thlaklei kan ral pa an ra tikah unau vialte atu bantuk in hmailei zong ral kan do tii hna lai cucaah thi ah thi tii nun ah nun tii” tiin ral kan do hna lai ati. Hi biakam tling ter nak ding caah biakam nak pakhat kan tuah hna lai ati. An lung atling dih caah Sia Tum kha an thanh I Sia thin in biakam nak cu arak tuah. Cucu Lautu miphun nih Pu Khar Dun rolin bia kan ti.

Mirang he kan I doh nak cu kum 3 le 4 arau hnu ah Mirang nih Lautu ram cu ralkap thazang tampi he do ding ah an ra cang ti kha thawngpa an theih. Kan thazang aa khat lo caah Pu Khar Dun le Pu Thawng Lin nih Zophei ramri ah mirang ral cu an va khamh hna I kan irem hna lai Lautu ram ah rak lut hla u an ti hna. Mirang cu mifim an si ve caah thisen chuah lo remnak tuah kha an duh mi asi ve caah an lung tling ve. Pu Khar Dun cungah an lung aa lawm tuk, Pu Khar Dun cu mifim paraltha asi caah mirang nih an upat ngaingai ve. Rem dainak na kan tuah caah tiin rem dianak hmehchunnak caah tiin Pu Khar Dun cu Laksawng ah Nguntangka tampi an rak pek. Cucu Pu Ni Kung athi lio ah Pu Ni Kung thlam ah rak vui chit asi.

Mirang an rem hnu ah Japan nih 1942 le 45 tiang ral an tho than caah Lautu miphun vialte nih Japan ral cu 1942-45 tiang miphun ral kan do tiin lungrual tein kan rak do than. Pu Khar Dun biakamh bantukin thi ah thi tii nun ah nun tii tiin. Cucaah Japan nih zong an rak kan lak kho ve lo hihi miphun ral kan do ti mi lungput he lungrual tein ral kan rak do caah asi lai.kan khua le kan ram kan chuah tak bal lo. kan ral tu kha kan khua le kan ram ah an rak lut khaw lo nak dingin kan rak tuah.

Nihin ni 2021 SAS Myit Aung Hliang rallokah kan do lio mi zong hi miphun ral kan do ve ti mi lungput he ral kan do ve caah Lautu miphun nih Lautu ram hi kan veng kho hrimhrim lai.kan khua le kan ram kan chuah tak bal lo. kan ral tu kha kan khua le kan ram ah an rak lut khaw lo nak dingin kan rak tuah. Cucaah ram chung ram leng aum mi Lautu miphun vialte nih kan ti khawhnak cio in thazang kan chuah peng hna usih. Kan ram le kan miphun caah Voikhat thazang kan chuah mi nih aza lai lo. kan theih hlan tiang thazang kan chuah ri ahau lai chawche.

Leave a Reply