Tleihrem Ruang Ah Kawlram Mi Kan Mual Phoh Hoi Cang E A Poi Ko

Myanmar News

Thailand ram,Rassada khua i a ummi kanmah Kawlrampa nih Thailand nungak pakhat a tlaihhrem ruangah an tlaih tiah ‘The Phuket News’ nih a tar. Amin cu Nyi Nyi Naing asi i kum 42 a si. Thailand ram ah hin ramdang mi pawl riantuan a kawlpiak tawntu hna a si .Rassada khu ah mi inn hlang in khua a sa i Thailand nungak nu cu a mah inn ah riantuan dingin a auh i zankhuadei arak tlaihhrem ti asi .

Thailand nu hi kujm 47 bak a si i police sin ah report an tuah ko nain police pawl nih an rak ngeihven lemlo .Curuang ah amah tein online chung ah a thiltonmi kong cu a post i Media pawl nih an va fuh i hmaitonh in komhnak an va ngeih. Cuhnu lawng ah police nih an va fuh i tlaihhremtu pa cu an tlaih. Bia an ceih lai i thiam a colo a si cun kum 20 chung thongthlak le B8,000 & B40,000 cawiter a si lai .

Thailand nu nih cun ” hipa nih hin August zan ah a inn ah a ka auh i a thilsuk piak ding le a thilri taih piak dingin a ka auh. a inn ka va phak cun rawl eiding timhcia tein a rak tuah cia i , riantuan ding kongn kan van ceih bak cun a ka tlaih hrem colh.Police sin na chim zong ah zeiti hmanhin an ka ti lai lo . Aruang cu phaisa tampi ka pek cang hna tiah a ka ti tiah Media pawl sin ah a chim .Zaan sml 9 in zinglei 4 tiang a kan tlaihhrem i ai hngilhkar ah ka zaam lai ka ti nain a kutka a hrenh dih i ka zam kho lo .

Zinglei ah a hawile nih riantuan dingin an rak sawm i an kal i a kutka an hrenh philh caah ka zaam kho than ” tiah a chim .Cuhnu ah cun a hawinu sin ah a va tli i police sin ah an va kal i an va report.Asinain police pawl nih an rak ngeihven lemlo i amah tein form an tuahter hnu ah sizung ah an kalter . Asinain a hnu ah media thawngin tlaihhrem tupa cu tlaihkhawh than a si .

Leave a Reply