Tuchun kawlram thawngpang cu lungthin nih a celh hrimhrim lo a fak ko

Myanmar News

Nikhat Ah Covid-19 Zawtnak A Chawnmi 2600 Leng An Si,185 An Nunnak A Liam Kawlram chungah nikhat ah Covid-19 zawtnak a chawnmi 2600 Leng an si i, nunnak a liam mi hi 185 an um tiah ralhrang phu lei ngandamnak zung nih August 15 ah an thanh.

Checkhlatnak ahcun hramhram nawlngeihnak lak mi duhlo ruang ah cawlcanghnak (CDM) ah a tel mi sizung lei mi checkhlatnak tel lo in, ralhrang kuttang um sizung tamdeuh ah checkhlatnak an tuah mi si caah zawtnak hmuh mi zat hi fianghlang in theih khawh a si lo.

Vuanci zung nih thanh mi chungah a luancia mi suimilam 24 chung ah minung 10105 cu zawtnak check an si i, cu chung ah minung 2674 sin in zawtnak hmuh a si.

A luancia suimilam 24 chungah zawtnak in a dam i, sizung in a tum mi hna hi minung 3488 an si.Atu caan tiang ah Covid-19 zawtnak in nunnak a liam mi hna dihlak hi minung 13263 an si,cun zawtnak a chawnmi hna dihlak hi minung 354279 an si tiah theih a si.

Kawlram chungah voikhat nak Covid-19 zawtnak hmuh mi hi a luancia mi 2020 kum, March 23 ni ah hmuh a si i, a luancia January thla 27 nih ahcun Asian ram chung ah a tuan bik runvennak sii chunh hmasa mi ram a si.

Atu lio ah Covid-19 zawtnak chawnhning a karhtuk caah ramchung sianginn ca cawnnak zong khar a si,zawtnak in i runven le kham khawh nak ding ah mipi hna zungkhar ni cu August 22 tiang sauh a si tiah ralhrang phu nih thawng an thanh.Ramchung ah zawtnak hmuh a tamnak hmun peng 119 zongah Stay at home ding in rikhiah nak an tuah the chin post.

Leave a Reply