Uico ralhrang pawl dantat nak an pek cang hna lai thawngtha taktak asi cang

Myanmar News

Ralhrangbu Nih Raldohnak Caaah Satellite A Hman Mi Cungah Dantatnak Tuah Dingin JFM Nih A Nawl NLD chan lio ah Intelsat nih Kawlram caah khamhnak umlo in hman khawh mi satellite cu ralhrangbu nih raldohnak caah a hman khawh mi a si caah kilvennak le rianriang in dantatnak tuah dingin Justice for Myanmar nih Intelsat sin ah a nawl.

US Luxembourg satellite company Intelsat cu Britain company pakhat nih satellite radio thlahnak seh cu ralhrangbu hman khawh dingin a chiah peng rih tiah JFM nih August 4 ah cathanh a chuah.

Hi kong he pehtlaih in JFM chimnak nawlngeitu Ma Yadana Maung nih ralhrangbu nih kahdohnak ah satellite a hman mi ven ding le dantat ding le Intelsat nih Kawlram chungah a chawlehnak a kalpi rih mi kongah NUG he zong ceih ti dingin Intelsat sin ah kan nawl.

EU le Britain nih ralhrangbu cungah kharphihnak an tuah mi cu Intelsat zong nih a zulh ding a si bantukin Kawlram mipi hna an covo kilven piak dingin Britain, Luxembourg le US cozah zong an nawl hna.

Satellite pehtlaihnak ralhrangbu kuttang ah a ummi a si caah an duh poh in ralhrang cawlcanghnak ah an hman khawh mi a si mi cungah kan thin a phan ngai tiah a ti.

Myanmar sat-2 tiah min bunh mi Intelsat 39 hman khawhnak hnatlaknak hi NLD cozah lio 2018 kum ah minthut a si i, Maxar technologies nih an ser mi satellite cu kum 2019 ah an thlah .

Mah hnatlaknak hi NLD cozah communication & transport ministry nih min a thut mi a si nain, ralkap nih thim mi vice president hlun U Myint Swe hruaimi committee tangah chiahmi a si.

Committee chungtel ah defence minister le home minister hna an i tel.Ralhrangbu nih Rohingya genocide a ralchanhnak ruangah nuhrin covo kong he pehtlaih in Intelsat cungah mi tampi nih lungretheinak/ phannak tampi a um ter tiah Justice for Myanmar nih ca a chuah the chin post.

Leave a Reply