Biakam Hlun I Pathian Cu Jesuh Asi

Sermon

Lamkaltu hna kha Farasi ( biaknak lei ah aa zuam tukmi) hna nih zeiruang ah dah kha tluk khan an huat hna ti ah cun an fir ruang le lih an chim ruangah si loin, Jesuh Khrih kong biatak tein an aupi caah a si. UPC hna zong tulio biaknak kaa zuam a timi hna nih zei ruang dah hi tluk in soisel kan si ti ah cun Jesuh Khrih kong biatak tein kan aupi caah a si.

No photo description available.

UPC nih hin baibal ah aa țialmi poh kan zumh dih. Pa,Fapa,Thiang Thlarau ti aa țialmi zong kan zumh dih. Nain, Pa, Fapa, Thiang Thlarau tiin baibal ah aa țial tikah pathum aa komh ti kha baibal nih a kan cawnpiak duhmi a si lo. Pakhat a simi kha sining phunthum in aa langhnak kong kha baibal nih cawnpiak a kan duhmi a si.Jesuh nih ka Pa a tinak kong cu AMAH JESUH nih fiang tein Johan 8 chungah a fianter. Pa, Fapa le Thiang Thlarau tihi min an si lo. Min cu sakmi min a si i, vanmi nih min an sakmi Min cu Jesuh a si. Vanmi nih anmah duhning in an sakmi a si lo, vanmi cu Pa Pathian duhning le fialningin a cawlcaangmi le rianțuanmi an si.

Pa( Isaiah 9:6), Fapa( Matthai 1:21), Thiang Thlarau (9:3-5) min cu Jesuh a si. Jesuh nih a zultu Vancung a kai lai ah bia a cah hna ning tein zultu nih Pa, Fapa le Thiang Thlarau min a simi Jesuh min in tipil an inter hna( lamkaltu 2:38 ; 10:48; 19:5). Cathiang nih a dih in an chimmi cu Jesuh kong lawngte a si ( Johan 5:39).

Biakam hlun i Pathian cu Jesuh a si. Exodus 3:14= Johan 8:24 ; Ezekial 34: 11 = Johan 10:11; Tam tuk a um, mah vial kha ka vun langhter. Baibal nih a kan cawnpiak duhmi hi pathum aa komhmi kha pakhat a si ti si loin, Pakhat a simi nih sining phunthum in aa langh tihi baibal nih a langhter duhmi a si. Țial ah cun a tam tuk, mah vial si rih seh. Khrihfa a simi nih cun kan biachim le tuahmi hi Jesuh nunzia kan ngeih ding a si. Jesuh cu aa toidormi a si. Vawlei pennak cu cunglei in mi an uk, nain Jesuh pennak cu tanglei in mi a uk. Nan dihlak cungah daihnak um ko seh. Credit: Zoram Sang

Leave a Reply