Bible A Tling Chin Lengmang. Quarantine Sullam Hi Ni 40 Ti Nak ASi

Sermon

QUARANTINE: Lockdown aithawknak kha March 25 zanin asi, cun atu ah thawng kan theih tthan mi cu pehtthan asi lai May 3 tiang ti asi. Aithawknak le pehthannak kan tuak ahcun (March 25-May3) ni 40 bak arak si. Mah hi Bible leiin kan pehtleih ve tthan tikah arak mak ve ngai. Quarantine timi hi Latin holhin lakmi asi “quadraginta” tiin rak chuakmi asi.

Important Facts to Know About Coronavirus Outbreak - Askifang

Cun “quarantine” sullam cu “40” tinak asi. Asi ahcun Bible nih 40 achimnak hi zeidah asi hnga? Ni 40 chung ti a lian. (Gen.7:17-20).
Ni 40 chung bak Moses Sinai tlangah a um. (Exodus 24:18; 34:28)
Ni 40 chung bak Moses nih Israel fale hna Egypt ramin ahruai hna. (Joshua 5:6)
Ni 40 chung bak Jesus rawl a ul. (Matt.4:2; 4:1-25)
Ni 40 chung Lent asi. (Joel.2:12-14, Matt 6:16-18) (Lent timi cu Jesuh thetse ah rawl a ulh phillohnak ah kum chiarin ni 40 chung ei an i sum hna, nithumni le Easter Sunday karlak chungin). Ni 40 chung nu nih fa a van neih dih bakin i dinh ding asi. (Leviticus 12-20)

Life-saving importance of Quarantine | Narayana Health

Pathian bia cawng mi hna nih an chim ning ahcun mah number “40” nih a langter duh mi cu “thlennak” (change) timi hi asi. Cu nihcun a kan chimh mi cu atu hi i thlennak caan ttha bik asi, pumpak asi zongah, mipi kan dihlak asi zongah, mah thlennak nihcun kan dihlak nunah hmunhma biapi ngai aneih ter lai tiah an ti ve. Ni 40 a van dih bak hnu ahhin zeidek thil thar arak cuahpi hrim lai ti hi theibu tein Pathian sinah zumhnakin thlacam peng ko usih. Tulio “Quarantine” in kan um lio caan te ahhin Tiva hna cu an thiang i, thlai te hna cu an van tthang i, thli kan dawp mi te hna cu a hlan bantuk si ti loin atu lio caan te ahhin an thiang tuk hna.

Zeiruangah dah mah ticun atthatnak lei kan hmuh ti asi ahcun? Pollution a chia mi atlawmtuk cang ruangah asi. “Quarantine” caan te ahhin mifir hna le mithat hmang le hna zong an tlawm deuh men lai, damnak arak tlung cuahmah lio, mi tampi hna cu tu lio caan ahhin Jesuh Khrih hmuhnak ding ah an i thleng i, Pathian an thangtthat i thla fakpi in an cam cuahmah ko. Kan vawleicung pumpi zong avoikhatnak caah atu hi dai tein ai din ve.

Aliam cia kum ruahah tu lio caan te hi avoikhatnak bak asi, thinlung hrim aidang i, aithleng kho tuk. Curuangah, tulio caan te ahhin kan nih zong kan chhungkhar cio in i daw cikcek hna usih law, Pathian sinah thlacam hna usih, amah sinah kir ve cang hna usih. Chungkhar tlingin thlacam caan kan hmuh mi hi thluacuah sunglawi asi. Thlacamnak nihcun nangmah le na chungkhar ah thlennak (change) Pathian a rianttuan mi na hmuh khawh lai.

Khrih hrimhrim zong nih a bia a kan kamh mi cu “amah a dawmi hna caah le amah nih aa tinhmi ningin a kawhmi hna caah cun, zeizong vialte hi attha lei ah a serpiak ko hna ti kha kan nghalh.”( Rom. 8:28) tiin abia zong nih akan kamh cang kha. Kan theih peng ding mi cu kannih zong hi kum 2020 chungah kan um ve, cucu van tuak usih law 20+20-40 a chuak. Kum 2020 hi United States of America caah cun a rammi milu i relnak caan asi. (Census). Jesus Khrih vawleicung nagmah le keimah khamtu zong kha mah caan (Census) ah a chuak ve mi asi.

Adonghnak bikah chim ka duh mi cu kum 2020 zong hi kan vision cuanhnak dingah a ttha bik kum asi ko lai tiah ruat ko hna usih zeicatiah akutin amah Khrih nih akan domh peng ko. Thawngpang kan theih mi le kan hmuh mi vialte nih hin Khrih leitu ah rak kan luhpi dih ko seh. Cu caah tu lio “Quarantine” caan te hi chungkhar kan dihlak caah kan thinglung le thlarau i thlennak (change) caan ah cang ve cang sehlaw, cu i thlennak nihcun kan thlarau zalonnak pe sehlaw, kan thinlung siseh, kan ram siseh cun kan vawlei pi hi damnak ah cang hram ko seh. THE BEST IS YET TO COME. Nunu

Leave a Reply