John Fready: Pathian Tampi Ngaih I Biaknak Cun Pakhat Lawng Ngaih I Biak A Tha Deuh

Sermon

Pathian tampi ngeih i biak nakin Pathian zong a si i Minung zong a simi Pathian pakhat te ngeih i biak a tha deuh. Mi tampi sinin khamhnak hmuh i ruahchan i Zumh hna nakin, Jesuh khrih zumh a tha deuh. Zeicahtiah Amah lawnglawng hi a Kan khamh khotu cu a si I, a Min hi Kan khamhnak cu a si fawn caah Umpi tu Pathian pakhat Kan ngeih hi Minung pakhat Kan caah a za ko.

Salai Kawltu – Page 205 – Inform, Educate and Entertain

Kan Pumsa caah Pumsa i aa cangmi Pathian le Kan thlarau caah Thlarau a simi Pathian cu! Zumtu nun Kan timi vialte lakah duh a nungbikmi cu , a zumhmi a Pathian he an karlak ah pathian dang maw? bawi dang maw ? a nunnak ah uktu le nawlngeitu dang a um ter sianglomi Zumtu nun khi duh a nung bikmi Zumtu nun cu a si. Bawipa Jesuh khrih caah thih tiang zumh tlak nun hi biaknak vialte lakah man a ngei bikmi biaknak le ruahchannak vialte lakah ruahchannak a um bikmi Pathian zumh le biak cu a si. Amen John Fready

Johnly Fambawl nih a lehnak: Hi bantuk lungput ngeih hi Khrih nih a ngeihmi lungput a si hrimrhim loh. Cucu ( Filipi 2 : 6 – 8 ) nakah na hmuh ko. Cun Cathiang nih zeidah a kan cawnpiakmi a si. “Pathian fa a si a timi cu, Jesuh Khrih bantukin kan um awk a si,” a ti. ( 1Johan 2 : 6). Cucu hihi a si. “Nan lungput cu Khrih nih a rak ngeihmi lungput kha si seh,” a ti. (Filipi 2 : 5)..

Cun Pathian dang an um maw na ti. Cuhnuah Bawi dang an um maw na ti rih? Bible na rel komi hi na pom lo maw kan ti tawnmi a si. Cathiang nih zeitin a ti? “Thangthat tlak Pathian, zeizong vialte cungah nawlngeitu, siangpahrang vialte Siangpahrang bawi vialte lakah Bawi chin nih cun a caan te ah Khrih cu a phuan lai,” a ti. (1Timote 6 : 16). Cucu Jesuh nih, “Nangmah Pathian taktak pakhat le na thlahmi Jesuh Khrih hngalh hi zungzal nunnak cu a si,” a ti. (Johan 17 : 3). Hi zawn i Jesuh nih Nangmah Pathian taktak pakhat a timi cu Pa Pathian kha a si..

Na catialmi ah Bible tamtuk ai kalh caah din tein kan sik. Paul zong nih Simon Piter a sik ve ko caah theithiam ko law. Zeicatiah Jesuh nih, “Pa nih nawl a pek lo ahcun ahohmanh ka sinah an ra kho lo, kan ti hna kha,” a ti hna caah a si. ( Johan 6 : 65 ).. Ka lawm

Leave a Reply