John Fready: Thiang Thlarau Hruai A Si Lomi Cu Pathian Fa An Si Kho Loh

Sermon
John Fready1Kor 15:40 Van pumsa an um i vawlei pumsa an um; Vancung i khua a simi Van Pumsa le Vawlei cung i khua a Sami Vawlei Pumsa aa dannak cu zeiset dah a si hnga? Vawlei cung i a rung tummi mi Fapa dah ti lo, a hohmanh van ah a kaimi an um bal lo. (Joh 3:13)

Salai Kawltu – Page 205 – Inform, Educate and Entertain

An nih nih a liam riahmah kha an cuan ko lio ah cun , Puan Rang aih in Minung pahnih an pawngah cun chikkhatte ah khin an rung dir i, Galilee mi hna zeicahdah van lei zoh in nan dir ko? Nan sinin van ah a kaimi Jesuh hi van ah a kai nan hmuh bantukte hin a ra kir than lai tiah an ti hna. ( Lam 1:10.11) Minung cu hohmanh van a kai i a rak tum than mi le vancung khua ah van Pumsa a va hmumi Kan um lo caah, Bible Cathiang ah van in a rung tum I a kai thanmi le van in a rak kir than dingmi Jesuh khrih lawnglawng in Van Pumsa le Vawlei Pumsa dirhmun hi fiang tein hmuh le Cawn khawh a si lai.

1. Jesuh khrih kha Van Pumsa in maw a rat? Vawlei Pumsa in? 2. Jesuh khrih kha Van Pumsa in maw a thih? Vawlei Pumsa in? 3. Jesuh khrih kha Van Pumsa in maw a thawhthan? Vawlei Pumsa in? 4. Jesuh khrih kha Van Pumsa in maw a rat than lai? Vawlei Pumsa in? 5. Jesuh khrih nih Van Pumsa in maw bia a Kan ceih lai? Vawlei Pumsa in?

Jesuh cu Vawleicung misual mi hna khamh awk i a rat hlanah Van ah a um cang. (1 Tim 1:15 ) zei Pumsa in dah a um hnga? Bible nih cun Jesuh khrih cu Bia a si, a ti caah Bia in a um hmasa bik, Cu Bia cu Pathian a si, a ti fawn. ( Joh 1:1,2 ) caah Pathian in a um. Pathian cu Thlarau a si, a ti rih. ( Joh 4:24 )
Cucaah Jesuh cu Vawlei a rat hlan van i a um lio ah cun Pathian a si i, Thlarau in a um. ticu a fiang.

Cu Thlarau a simi Pathian cu Thisa ah aa cang a ti . ( 1Tim 3:16 ) Kan Pathian a simi Jesuh khrih cu thisa I ai can hlan a dirhmun hmasa kongah cun Thlarau in a um. tihi al awk tha lo. Bible Cathiang tial ningte a si. Thisa i ai can ni riin Vawlei Pumsa le van Pumsa cu Amah ah um hram ai thok ve colh lai tinak si. Kan Pathian a simi Jesuh khrih ahcun Vawlei Pumsa timi le Van Pumsa timi aa dannak hi zei set cu dah a si hnga?

Tahchunhnak ah Fil 2:6 cherhchan in Jesuh nih a Pathian sinak a kaltaak an ti, thihnak in a thawhthan hnu ah a Pathian sinak ah a kir than, ai laakthan, an ti, si cun a zeidah aa dang? Zei cu dah aa thleng? Zeihmanh aa dannak hlei le aa thleng hleimi thil dang a um lo. Aa dangmi le aa thlengmi cu a thi khomi Pumsa kha a thi kho ti lomi Pumsa ah aa thleng , mah cu cu Vawlei Pumsa le van Pumsa aa dannak cu si ko.

Mithi cu nunnak I thawhter an si tikah cun hitihin a si lai. Pum cu vui a si tikah a thi khomi a si, thawhter a si tikah cun a thi kho ti lomi a si lai, vui a si tikah a mui a chiami le a dermi a si, thawhter a si tikah aa dawhmi le a thawngmi a si lai, vui tikah VAWLEI Pum a si, thawhter tikah THLARAU Pum a si lai. (1Kor 15:42–44) Jesuh khrih cu Vawleicung misual mi hna khamh awk i a rat Ni ri in, vailam cung I a thih ni tiang kha Vawlei Pumsa in a nungmi a si tinak a si i, thihnak thlan chung i an Vui ( phum ) hnu, a thawhthan Ni riin Nihin ni tiang van Pumsa in a nung cang, ticu  Bible Cathiang ningte a si.

Minung zong hi Vawlei Pumsa in Kan chuak, Kan nung, Kan thi ve te lai, thihnak in thawhterthan Kan si tikah van Pumsa in Kan tho ve te lai. Thih a thiammi Minung kha thih a thiam ti lomi Kan si cang lai caah
Vawlei Pumsa nih dawhnak sunparnak phun dang a ngei. Van Pumsa zong nih dawhnak sunparnak phun dang a ngei ve, timi Bible Cathiang ning tein Kan si ve te lai.

Cu thawhthannak ah thawhter a simi zumtu mi piangthar hna nih a kan Khamhtu Kan Pathian a thothanmi Kan Bawipa Jesuh khrih kha Van Pumsa in Kan hmuh hrimhrim te lai, ti hi Zumtu nu le pa, u le nau, hawikom dawt vialte hna, milip simi hna le pialsual simi hna cawnpiaknak tampi lakah a dikmi Bible Cathiang bia ah ruahchannak lung phum peng dingin thazaang pek Kan duh than hna.

Note: Rau reiruai tuk ai tim mi hna pawl hi Thiang Thlarau hruai an si bal lem loh. Thiang Thlarau hruai a si lomi cu Pathian Fa an si kho loh. Pathian Fa a si lomi nih cun Thlarau bia a simi Bible Cathiang sullam hi an pemh in an hngal kho tak tak bal loh. Credit: John Fready

Leave a Reply