Mai Lucy Kim Nih Chinmi Caah A Sunglawi Tukmi Thil Pakhat A Kan Chuahpiak

Sport

Mai Lucy Kim Nih Chinmi Caah A Sunglawi Tukmi Thil Pakhat A Kan Chuahpiak
==========================

Vawleicung thawngpang chia lakah nihin ni ah hi bantuk thawngpang tha theih cu aa nuam kho taktak. Mai Lucy Kim hi nungak note le mino te a si caah Tleu Sinseh Lairam Album a kan chuahpiak cang. Mai Lucy Kim nih “Tleu Sinseh Lairam’ singlei Album cu August 2, 2020 thaizing chun suimilam 2:00pm ah Kalaymyo khuapi GBH Hotel ah tlangzamhnak an ngeih lai, tiah thawngpang theih a si.

Mai Lucy Kim nih Album a chuah dingmi chungah hin kan duhdawtmi tlangram mawinak hla fung 6 le nungak tlangval duhdawtnak fung 4 aa tel lai, tiin a chim. Thaizing ah hi Album release program an tuahnak ah hin Mai Sok Hlei Par nih Short Speech a chim lai i, Salai Khaw Din Siam nih host a tuan lai, tiah thawng kan theih. Cun, Jh Thang, Val Duat, Steven Dawl le Daniel Thang pawl nih mipi an awi ding tiah theih a si.

Chin miphun chungin hi bantuk mino tete le nungak tlangval pawl nih Album thatha an kan chuahpiakmi hrimhrim hi lawmhlo awk a tha lo. kanmah le kan umnak hmun cio in lawmhpi cio hna usihlaw, hmailei zongah Chin miphun kan fanau pawl nih anmah le zungthiam mi cio an kan chuahpiak hi Chin mi kan thnacho chinchin naklei pakhat le pakhat thazaang pek thiam zong abiapi ngaingai mi thil pakhat a si. Hakha le Thantlang nakin kan unau Falam lei hi aw tha le hi bantuk Album a chuah mi an tam deuh men lai. Mah pumpak pakhat cio nih thazang ah i lak in karhlan zia thiam hna usih, tiah mipi kan in sawm hna. Mai Lucy Kim mino te a si rih caah hmailei a karhlannak vialte cungah Bawipa tu nih thluachuahnak pe chin ko seh. Credit: Chinland Today Media

Leave a Reply