AA Hriamtlai Phu Nih Chinmi 4 An Tlaihmi Hna Cu A Rau Hlan Ah An Chuah Kho Men
AA Hriamtlai Phu Nih Chinmi 4 An Tlaihmi Hna Cu A Rau Hlan Ah An Chuah Kho Men
========================
Arakan Army Hriamtlai phu nih an tlaihmi hna Chinmi 4 cu a rau hlan ah an chuah khawh cang lai, tiah Salai Za Thawng Lian nih a vun tarlang cang. Hihi Chinmi minung 4 Malaysia ram lei in an rak tlunmi hna lampi ah AA hriamtlai phu nih an tlaih hna ruangah nule pa le chungkhat lungretheih in um cio a rak si. Tutan ah AA hriamtlai officials direct in an contact khawh cang hna caah hnangam deuh ngai a si cang. Cu Lawng si loin thlacam nak zong in bawmh cio hna usih.
I have done everything that I could probably do at this point to help 4 Chins free . These 4 Chins are apparently arrested for questioning. I reached out to AA and had discussion with one of AA’s top officials regarding them. I hope and pray that they will be freed soon and reunite with their family and their loved ones .
Kan hnulei ah Chin mino 4 cu AA nih an tlaihnak kongah zeitin talin na kan bawm kho hnga maw tiin Paletwah khuami pahnih nih pehtlaihnak an ka rak tuah ve. Nai AA ralbawi bik he interview biaruahnak kan ngei caah a lam um hnga maw ti khi an ruah caah asi kho.
Ka lehmi hna cu ” An nu le pa , siloah an chungkhat nih an luatnak caah nawlnak ca rak tial hna sehlaw siloah phone rak ka chon hna sehlaw ka ti khawh tawkin an luatnak caah ka zuam ve lai, an mah lei nih rak kan chimh piak timi um ahcun bia ka chimh tik hna ah hmual a ngei deuh lai ” tiin ka leh hna.
Cun, an tlaihning hna nih khua a ka ruahter ngai caah ka halmi hna cu Salai Aung Soe hi ziah AA nih tlaih dingin a hawl hnga? Kawl ralkap lei ah thawngpang petu hna si el maw? An ka chimhnak ahcun mibawmtu asi, Paletwah khua ah lahphakti dawr a tuah ti asi. “Nan chim bantukin mibawmtu menmen asi ko ahcun an luatter te ko lai tiin ruahchannak ka ngei ko. Nain Kawl ralkap lei a tangtu asi belte ahcun a luatnak a har kho men tiin ka ruah” tiin ka chim hna.
Khat lei ah ka chimhmi hna cu nan nih cu mibawmtu bu ah riantuanmi nan si caah Kawl ralkap lei tang lo , cun AA lei zong tang loin a lailam nan kal ah a tha bik tiin kan i chonh tin ka ti tawn hna. A ruang cu Kawl ralkap lei a dirkamhtu tiin AA nih a hmuh lo hna ding a biapi bantukin Kawl ralkap zong nih AA lei ah tangtu an si lo tiin a hmuh khawh hna lawngah rian tam deuh an tuan kho lai.
Cun, kan biaruahnak paoh ah ka chim pah tawn lengmang mi cu Paletwah harsatnak bawmhnak bu hna ah khin NLD party le USDP bantuk member an i tel lo ding khi abiapi ti hi ka chim tawn. A ruang cu miharsa bawmtu an ti ko nain naingngaizi a miaknak caah an tuahmi asi kho tiin khatlei kam nih ruah khawh a fawi caah asi. Paletwah mibawmtu bu ah naingngaizi tama le Kawl ralkap pensen pawl an itelmi nih khin mipi harsatnak an ton tikah le khat lei kam AA he chonh biaruahnak a herh caan ah an bawmchan kho tuk hna lo nak a ruang pakhat asi tiin ka ruah.
Kawl ralkap lei thawngpang petu an si lo ti an hmuh ahcun an thlak te ko hna lai tiin ka ruah. Cun an luatnak caah zei ka tuah khawh lai ti ka thei lo, nain ka si khawh tawkin an luatnak caah ka zuam piak ve hna lai. Credit: Salai Z T Lian