America:Rampi cu tih a nung kho tuk cang’Mah bantuk in thil a van um mi cu ngeichia ko.

Thawngpang

USA nih Coronavirus cu an Control kho bak lo i a luancia suimilam 24 chung ah minung 228000 deng an hmuh chap hna. Mah cu ni khat chung i hmuhmi lakah a tambik Record a si tiah The Atlantic le NY Times nih an ttial.

John Hopkins University-Data ning ah kan hnu zarh i 217000 kha a lonh. Ni fatin Covid19 in American 1000 hrawng lengmang a buaktlak in an nunnak a liam, i November dih zarh le tu thla thawk zarh ah 2000 hrawng hi nitin in an thi ti a si. Tu zarh ni-ngani lawng ah 2607 an thi. March ah khan president Donald Trump nih Coronavirus cu cikhat te ah a tlau colh lai a rak ti nain tu hi a zual lei a panh pinah Covid19 aa chonhmi American 14.3 million an si cang i 279000 nunnak a liam cang.

Relchap ko na rel rilo cun:US thimnak he pehtlai in Donald Trump nih mipi sinah thawng thanhnak angeih than cang. Cu cu zeidah a chim ii a sawh duh a tanglei ah vun rel than dingin kan sawm. Georgia state thimnak result hlonh ding in tazacuai nak zung ah nawl an chuah tiah Trump team hna nih an phuan. Mah hi Trump dirhmun in kan zoh a siahcun US thimnak ah asung ko timi result cu a hlat talam (opposite)in tuah than dingah tazacuai nak a dongh nak bik zong asi tiah an chim fawn. Hi bantuk tazacuai nak tuah than zong hi mee diklo a um hrimhrim tiah minung pakhat nih cun Bible ca tleih bu bak in aphuan tiah Trump team nih an chim.

Cu caah cu cu tehte tha pakhat bantuk in an I tleih caah an ngamh baknak a si fawn. Asinain Republican party chungtel asimi Georgia state Brad Raffensperger nih cun Joe Biden nih a dikning in teinak hi ahmuhko. Dik fel lonak zei hmanh tehte a um lo tiah nihin tiang cu a dirpi ve. Asinain Trump team cheukhat nih cun tehte zong an si khawh tawk an chuahpi ve cang ii an cawlcang chinchin lai ti asi rih. Cun Nevada le Wisconsin state zongah mee dik fello nak aum tiah tazacuai nak an ngeihmi cu hnon piak an si. Cu bantuk asi caah cun Joe Biden nih Trump cu Mee 306/232 in ateinak hi asi.

Sihmanh sehlaw Trump dirhmun kan zoh asi ahcun ngol hrimhrim aa tim lo. Acung kan langhter bantuk in Bible tiang tleih ngamh in Mee diklo aum ko timi an dirpi mi hna an chuahpi cang tikah Trump caah cun tehte tha pakhat bantuk asi. Joe Biden ih teinak a hmuh tiah aupi len hna hmanhseh law Trump nih tehte a chuahpi khawh ko ahcun asung thotho kolai. A dongh nak ahcun harnak kau hmanh ah a lut khomi a si rih. Trump cu a cawlcang peng bak ko hih tehte tha tampi zong tamlak te angei kocang. Teinak lam apanh chin thluahmah ko hih. Source:VOA

Relchap ko:US Election cu tuchunni tiang buaibainak in a khat i, Democratic Joe Biden lei nih teinak kan hmuh cang an ti na’in, President Trump nih cun Vote dik lo ruangah asi ti’ah kianh a timh loh. Tu December 5, 6 ah hin States kip nih Election Certification cu GSA ah report an pek dih a hau i, Ni 14 December,2020 ah Electoral College nih President ding Votes pekin an thim cang lai. Trump nih cun,EC Votes ka sunghah cun Biden hi President ah ka kianh lai ti’ah a chim cang.

US President sinak dingah zulhding phunglam (Procedure)an nei mi ah cun, General Services Administration(GSA) nih 23 November,2020 ah Presidential transition a onh hnu in, President nih a thimmi Ministers, Security Staffers le Whitehouse Staffs ding Mi- 2000 pawl cu backround Security Checkup tuah ta dih an hau i, a ong mi lawng lawngnih Whitehouse chungah lutkhawhin rian an tuan khoh lai.

President elected an timi Biden nih Ministers-6 le Security Staffers-18 Transition Team pawl cu Trump tangi US Defense Intelligence, National Intelligence Agencies Pawlnih backround zoh/ checknak an tuah duh rih loh ca’ah an buai tuk cang.Trump nih Biden zong Whitehouse chung ah luhter a sianh fawn loh. Tuhlanah cun, First Lady’s”Tea Party” zong 1 December poh ah an hmang tawn na’in, tu Kum cu atu tiangin an hmang rih loh.

Ni.9 November, 2020 ah khan President Trump nih Defense Secretary Mark Esper le bawizik-3 a phuah hnu ah khan, amah mizumh America Indian Kash Patel le American Jewish Mr.Ezra- Cohen Watnick cu Acting Secretary le Under Secretary of Defense for Intelligence & Security ah a chiah hna.

Hi hna pahnih nih hin John Ratcliffe, Director of National Intelligence le Sue Gough, Director of Defense Intelligence tangi backround Security Check Boards cu an thlaih dih. Biden Teams pawl cu zarhhnih leng Checking an tuah duh hna loh.

Joe Biden Transition Team hna hi, spokesman Ned Price le Ex-Director of Defense Intelligence Agency, Vince Stewart nih an hruai hna na’in, Trump Teams lei pawl nih an tuah duh rih hna loh ti’ah Biden Spokesman Ned Price nih a chim/ a au khuang len cang.

Biden nih cun Trump chiahmi John Ratcliffe, Director of NIA hi thlak i, amah thimmi Avril Haines chiah dingin General Services Adm. ah heh ti’ah a hal len hna. Pentagon i DIA le NIA nih Biden Transition Team pawl backround checkup an tuah dih hnu i, an ong hnu lawng lawngah Officials in Cozah rian an thlaih kho fang te hna lai. Cuca’ah, Trump nih Biden hi President ah a pawm hnu in, Order a pek hnu lawngah Biden lei nih Cozah an siam khawh te lai. Election kongah biatak te’in buaibai dawh ding an si rih. Van hngak rih hna usih. Catialtu : MC Biklian

Leave a Reply