Breaking News:KIA le ralkap i kah dohnak ah’Mipi le pakhat a thi.

Thawngpang

Kachin Ramkulh Bhamo (Bamaw) Pengkomh ah Ralkap le KIA kahdohnak in ralzaam 20,000 renglo an um. Kum 80 renglo tarnu meithal kahnak in a thi.Mah thawngpang hi na The Hakha Times sin in ka lak mi asi i an tial ning tein ka van chiah ve keimah nih chap mi ka ngei lo a khua le a min an chim lo caah ka van langhter kho velo nan ka theithiam lai caah kailom.

Thawngpang dang:Kan theih cio cang bantuk in ASEAN Summit cu April 24 ah Indonesia ah neih a si lai. Uico Min Aung Hlaing zong ka kal lai a timi cu ka kal than lai lo tiah aa let diam. Myanmar mipi tampi a thah cang caah thinphannak in a khat cang. A ruahnak ah ka kal ahcun an ka thah sual lai ti rumro a um cang, mah cacun aa let diam.

SAC ralhrang hotu Min Aung Hlaing cu April 24 ni ah Indonesia ram i Kawlram kong va ceih dingah kal a timhmi cu aa let diam i video conference lawng in ka kai lai” tiah tu zanlei ah Indonesia palai zungah thawngthanhnak a tuah hna. A tuah sernak ruangah tihphannak in a khat ti a fiang ngaingai Salai Lairam Thang.

A tang lei hi relchap ko uh:Naite ah khan a hmet 99, ke ralkap headquarter i ralbawi (pahnihnak sityi sithtawt) bohmu Hein Taw U cu nawlngeihnak a latu MAH sin in a zam i mipi he dirti dingin Shan ramkulh Muse-Lashio lam Namhphetka in Kawlram thlanglei kap hmun pakhat ah a phan cang.

Amah hi ralkap university in 2015 ah bulawng tintan a dihmi a si. Atu bantukin MAH a zamtaknak a ruang cu cunglei ralbawi ngan hna an thil tuahmi a dik lo caah a si tiah a chim. Cu lawng si loin bohmuci dirhmun tiang a phan cangmi cu lengah an chuahter ti hna lo. A phunphun an lemsoi hna, an duhmi poah an pek hna. Asinain tanglei ralkap hna cu harsa taktak in an chiah hna tiah a chim. Cun keimah bantukin MAH chuahtak a duhmi an tampi. Asinain cunglei nih a phunphun in an tlaih hna, an thihpheih hna. Tangka, chawva le thildangdang in an lemsoi hna. Cun mipi lei dah nan dir ahcun nan chungkhar nih an tuar lai an ti caah an chungkhar zawnruah ah mitchinh kamseh in MAH sinah a ummi ralbawi an tampi tiah a chim fawn.

Cun nawlngeihnak an lakmi hi hlan tein an i timhmi a si cang, atu lawngah ruah lo piin an tuahmi a si lo. Nawlngeihnak sungh ding an siang lo. Mah hihi fiang tein ka theih. Thimnak hlan deuh hrimhrim khan an biachim le cawlcanghning ah nawlngeihnak an lak lai ti a fiang tuk tiah ralbawi Hein Taw U nih a chim.

MAH le a ralhrang pawl teinak dingah cun atu nakin tlangcung hriamtlai bu siseh mipi siseh kan lung aa rual rih a hau, tiah Ralbawi Hein Taw U nih RFA ah a chim.

MAH sinin a zammi ralbawi an um pah lengmang cang. NUG in Federal Union Affairs vuanci Dr. Lian Hmung Sakhong zong nih amah he aa theihhngal mi ralbawi tampi cu mipi leiah dir an duh tiah a chim bal, mipi lei dir ding zongin a sawm cang hna.Atu bantukin ralbawi cheukhat mipi leiah an dirmi cu MAH caah cun thawngpang chia taktak a si. A dihdonghnak caan a nai chin lengmang cang tinak a si The chin Post.

Thawngdang:Gen.Min Aung Hlaing Tlaih Dingin Global Center For R2P Phu Nih A Hal’Nawl ngaihnak latu lubik Gen.Min Aung Hlaing cu miphun cungah sual ngan tuk a tuah tu a si,a ngai ti ahcun Myanmar ram in a chuah bak in tlaih dingin Global Center for R3P bu i lutlai Simon Adams nih a mah Twitter ah a tial, April 24 ah Indonesia ah khua Jekata ah tuah dingmi Asean tonpumhnak ah Gen.Min Aung Hlaing a kai lai tiah Thailand ramdang lei vuanci in chimnak nawl ngeitu Reuter nih a chim.

Ralkap lei in Asean tonpumhnak ah a ho dah a kai lai ti cu an thanh rih lo,ASEAN thawngzamhnak nih Gen.Min Aung Hlaing cu tonpumhnak ah sawmnak phun le NUG zong sawm dingun Global Center for R2P lutlai nih a chim mah phu hi vulei pi nunhrin covo lei bu a si hlei ah UN nih a cohlan mi hmunhimnak tuanvo a ngei mi R2P hi a biapi ngai mi pakhat a si ve.

A mah kong siko a tang zong hi:Hramhram Uk Nak La Tu Kawlram An Chuah Bak In Tlaih Ding Dirhmun’Hramhram uknak latu ralkap bawizik Min Aung Hlaing cu Asia meeting ah kawlram chung in a chuah ahcun vawlei pi nih ,midang cung i that lo nak a tuah mi vialte kong ah tlaih awk a tlak nak kha R2P lei Center (GCR2P)nawlngeitu Simon A Dams nih a forhfial.

Vawlei pi he a pehtlai mi GCR2P cu cozah a si lo mi , vawlei pi nih dirhmi phu pakhat a si i R2P hman ding in zoh i phung ning tein lungtlin pi mi le thapek mi phu a si.Hramhram uknak latu ai ah April 16 ah thim mi palai pawl, tlang cung mi aiawh tu hna le အမ်ိဳးသားညီညြတ္ေရး အစိုးရ (NUG) cu Asia meeting ah sawm ding mi an si nak kha Simon Adams nih a mah Twitter ah a tial.

Indonesia ram Jakata Myo ah a ra lai mi April 24 ah tuah ding mi kawlram kong he pehtlai in Asia ram pawl meeting tuah ding cu nawl ngeihnak a la tu ralkap bawizik Min Aung Hlaing a kai lai tiah Thailand cozah biachim nak nawl a ngeitu nih (April 17) ah a chim mi cu, vawlei pi news kip nih an tial.

Kawlram kong ah nawl ngeihnak latu ralkap nih tlaihkhih le tukvelh a tong mi ,mipi cozah cu ton biaruah nak ngei in harnak pawl tlamtlin khawh nak ding caah Asia lutlai lei nih cun an i ruahchan.

Asia meeting ah mithat ralbawi sawm a si ahcun, Kawlram dohkalh nak ah raltha ngai in a dir i ,mipi pawl cung ah nek nak in an tuah mi si lai caah Kawlram chungah hramhram in thil tuahmi a daihnak ding ca le democracy ram a can thannak ding ah Asia aiawh in အမ်ိဳးသားညီညြတ္ေရးအစိုးရ ( NUG) he biaruah nak ngaihding a si nak cu NUG i ramleng lei vuanci Dr. Sa Sa nih April 16 ah a chim.Cun ralkap chanchung ahhin mipi bawmh nak pek zong ah mipi sinah phan lo in ralkap nih an fir ko lai tiah Dr.Sa Sa nih a chim chap.

Ralkap nih uknak an lak hnuah Kawlram chungah ralkap nih an thah mi hna hi April 17 zaan 6pm tiang ah a tlawm bik minung 730 nunnak a liam .Tlaih khih a tong mi 3152 an si i tlaih ding in tazacuai a tong mi hi 871 an si tiah AAPP nih a langhter.

Relchap duh mi hna caah:Myanmar ralkap nih hramhram uknak la in rampi nawlngeihnak an lak hnuah rampi ruahnak petu Aung San Suu Kyi cu an tlaih colh. Cu hnuah Case 6 in taza an cuai chap rih. Taza an cuammi zoh tikah kum 20 renglo thongtla khomi dirhmun ah a dir. Cun, ralkap nih politics ah i teltum kho ti lo dingin timtuahnak an ngei tiah Aung San Suu Kyi Sihni pakhat nih a chim.

Daw Aung San Suu Kyi Sihni U Kyi Myint nih a chimmi cu,“Ralkap nih Aung San Suu Kyi taza an cuaimi a dihlak in diklo an can ter sual ahcun kum 20 renglo thongtla khomi a si. Asinain, Ralbawi fanu a si i zaangfahnak he kan thlah, politics ahcun i teltum kho ti hlah seh biachahnak an tuah khawh. Daw Suh cu Ralbawi fanu a si i mi sawhsawh a si lo ti cu aho cio paoh nih theihmi a si,”tiah a chim.

Journalist Sithu Aung zong nih a chim ṭhanmi cu,“Ralbawi Min Aung Hlaing i saduhthahmi cu Daw Aung San Suu Kyi hleiah NLD party hloh le hrawh hi a si. Ahlei khun in Aung San Suu Kyi cu Myanmar Politics ah i tel khawh ti lo dingin tuah aa tim.

“Mipi nih Daw Aung San Suu Kyi an duh tuk, an uar tuk bantukin ralkap zong duhtu le dirkamhtu kan ngei tiah a chim. Abikin a saduhthah le a khuakhan lairelnak cu Aung San Suu Kyi Myanmar Politics ah i tel khawh lo dingin tuah hi a si. Cucaah a phunphun in taza an cuainak hi a si,”tiah a chim.

Atu ah Aung San Suu Kyi cu Kawl ralkap kuttangah a um liopi a si i Case 6 in taza an cuai liopi a si i amah pumpak buaipitu le dirkamhtu Sihni 6 a ngei ve. Sihni 6 chungah pa 1 lawng hi Online Video hmangin a pehtlaih khawh. Hmaitonh tein ahohmanh a pehtlai kho rih hna lo. A bia zong voi 3 hrawng lawng Court nih a ceih lai i a dirhmun a fiang kho rih lo. Chirhchan: Vapualauaw

Relchap duh mi hna caah:Dr.Sasa: Mi leirawitu na si tiah thi dingah dantatnak pek ka si i, tleih ka si ahcun thah ka si ko lai. Zeipaoh siseh law kan mipi hna caah nuntthap lo cu thimding dang kan ngei lo. Democracy kan herh i zalonnak kan herh, Zalonnak le diknak le Democracy kan ngeih hlan lo cu kan i din lai lo. Asung kan khang lai lo, kan ngol fawn lai lo. Kan dih lak (NUG) in kan ram mipi caah kan nun kan thaap tiah BBC nih biaruahnak an ngeih lio ah a chim.

Hi konghe pehtlaiin Dr. Sasa nih National Unity Government (NUG) dirh a sinak kong fiang tein a chim. Atimi cu National Unity Government hi mipi nih dirhmi le mipi caah dirhmi a si i, ramchung tlangcung hriamtlai hna siseh, Political pary si hna seh, thimtlin mi parliament member hna le civil society bu vialte hna huap in ram mipi hna nunnak caah dirh mi a si i, Ttuantinnak, a fekmi pehtlaihnak le pum khat sinak he thatein dirhmi National Unity Government of Myanmar asi.

Kan president cu Kachin hruaitu ttha a si i, kan prime minister cu Karen State in a si. National Unity cozah ah minung 60% hna hi tlangcung hruaitu bochanmi lawngte an si hna i, hi nih hin kan hmailei lam aa kan sialpiak khawh tiah a chim rih. Kan hmailei caan hi ralkap nawl lawngin khuakhan lairelnak tel loin hman kan duh. Kan hmailei caan cu Federal Democratic Union a si i, ttuanttinak lawngin mah Federal Democratic Union of Myanmar cu kan phan kho lai.

Cu ruangah tuchun ah hin mipi hna nih an duh ning le mipi hna nih an ca hrang le ram caah rianttuan dingin vote an thlak mi 2020 thimtlinmi bangin a tthawngmi cozah kan dirh tiah a chim chih. Rianttuan ning cang zong thatein kan ngei dih cang. Pakhatnak cu a lamkip in ralkap bia lawngin khuakhan lairelnak vialte hi hloh dih asi.

Pahnihnak cu ralkap lutlai hna nih an tuahmi 2008 phunghrampi hrawh or let a si. Pathumnak cu Federal Democratic Union of Myanmar dirh a si. Palinak cu mipi cozah dirh asi. Cubantuk cun Kawlram zalonnak le Democratic Union of Myanmar caah road map fiang tein kan tuah cang. Ram zalonnak le Democracy ram vialte hna nih mah National Unity Government of Myanmar hi an cohlan a hau.

Lam damdang a um lo. Mah National Unity Government lawng hi Myanmar ramchung ah diknak le zalonnak a chuahter tu dingah lam a um chun mi a si. Atu ah hin ralkap hruaitu hna cu ralhrang an si cang hna i, minung 740 renglo an nunnak an lak cang hna. Democracy le zalonnak thimnak result an thuhnawh sawhmawh mi asi lo i, Kawlram mipi hna an nawn cuahmah hna.

Nifatin ram mipi 54 million hna cu thinphang in an tuah cuahmah hna. Khuapi siseh khuate ah siseh an lut an chuak i, minung an thah hna. Ramkip community hna nih cozah thar hi aa kan cohlan lo in aa kan zohsawh sawh peng ko rih a si ahcun hrial khawh lomi tukdohnak a chuak lai i, minung cihmihnak in a dih lai tiah a chim chap. Note: Mah biahi BBC he biaruahnak an ngeihmi ah a chimmi asi.

Leave a Reply