Breaking News:KIA nih tuzing ah ralkap sakhan a thar in an lak than hoi.

Thawngpang

Karen National Union (KNU) ralkap Karen National Libration Army (KNLA) nih rallokap sakhan pakhat an lak than tiah theih a si.April 27 zinglei sangah Thailand-Myanmar ramri Tawletha (Mehsanlet) ah a ummi rallokap sakhan cu KNU ralkap KNLA Brigade-5 nih an lak cang tiah Tawletha khuami nih an chim.

“Tuzing suimilam 5 hrawngah an kah i suimilam 6 luan deuh hrawngah sakhan an lak khawh. An thawngpang a thang ngai. Sakhan zong mei in an khangh cang.Atu thawngpang ka chim lioah hin tiva tlangkam ah rallokap 7 an tlik ka hmuh hna. Meithal an i ken rih” tiah Thailand lei kap i a ummi khuami pakhat nih 7:00 am ah KIC ah a chim.A luanciami March 27 zongah Thailand-Myanmar ramri ah a ummi Timutha rallokap sakhan cu KNLA Brigade-5 nih an rak lak cang

Thawngdang:Mipi 750 Leng Nan Thah Mi Hi Ralhrang Nih Tuanvo Nan Lak Lai Tiah PPST President Tongmangham Suam Shit Nih Ralrinnak A Pek Hna

Nawl ngaihnak lak mi duhlo ruangah lamzawhmi mipi ralhrang nih nan kah mi hna a thimi hna mipi 750 leng hna hi ralhrang luban pawl nih tuanvo nan lak lai tiah(NCA-SEAO) remdaihnak rian lei ah hruaitu phu i (PPST) President Tongmangham Suam Shit nih a chim.

Remdaihnak rian hruaitu phu(PPST) ton pumhnak (15/2021) cu kum 2021 April 26 chun ah Video Conferecing tuahnak ah a chim hi a si tonpumhnak cu April (27) tiang tuah a si lai tiah a chim.

“Khuapau dothlennak chungah ralhrang nih hruhru hranghrang cawlcangh ruangah a nunnak a liam mi sualnak ngei lo mipi 700 leng caah ralhrang luban pawl nih tuanvo nan lak lai” tiah a chim.

Rampi kahdaih lungtlinnak min thut mi tlangcung hriamtlai dothlennak phu a si mi(NCA-SEAO) ah (ABSDF) (ALP) (CNF) (DKBA) (KNU) (KNU/KNLA PC) (PNLO) (RCSS/SSA) (NMSP) (LDU) hna an i tel the chin post.

Leave a Reply